Cael yr apPan fydd Ffydd yn Methu: 10 Diwrnod o ddod o Hyd i Dduw yng Nghysgod AmheuaethSampl
Fedra i ddim llai na thybio os ydyn ni wedi bod yn edrych ar y Beibl yn y ffordd anghywir. Falle ein bod wedi bod â chymaint o obsesiwn am sut mae llyfr hynafol, diwylliannol, gwyddonol, a moesol, yn datrys ein holl gwestiynau, fel bod amheuaeth yn anochel. Ond beth os nad sicrwydd deallusol yw’r prif amcan, ond yn hytrach ein harwain i mewn i berthynas gyda Duw sy’n blodeuo?
Falle bod angen i ni weld llai ar y Beibl drwy lygaid cyfoes (Sut mae e’n rhesymegol?) neu lygaid ôl-gyfoes (Sut mae e’n siarad â mi?). Falle bod angen i ni ei dderbyn am yr hyn ydyw: llyfr ecsentrig, rhyfedd, anodd, heriol, ysbrydoledig, croesawgar, aflonyddgar sydd, tudalen wrth dudalen, stori wrth stori, yn cyrraedd uchafbwynt ym mherson Iesu.
Os yw hynny’n wir, yna, fel unrhyw berthynas, mae’n mynd i gymryd amser.
Mae angen dyfalbarhad arnom ni i fynd tu hwnt yw wyneb hynafol brau a dadorchuddio’r gwirionedd.
Ac mae angen tunnell o ostyngeiddrwydd i ailgyfeirio ein ffordd o feddwl pan fydd hynny'n digwydd.
Y naill ffordd neu'r llall, caf dawelwch o wybod bod ei hawduron hefyd yn amau. Roedden nhw'n cael trafferth hefyd. Ond daliodd nhw ati i gerdded ffordd Emaus, oherwydd roedden nhw’n credu fod y cwbl yn werth chweil yn y diwedd. Roedd ganddyn nhw obaith y bydden nhw'n gweld eu Meseia rywbryd, rywsut.
A dyna sy’n gwneud y Beibl, nid yn unig yn rhywbeth i’w drystio, ond rhywbeth i fyw drwyddo.
Am y Cynllun hwn
Mae brwydro gyda ffydd ac amheuaeth yn gallu bod yn hynod o unig ac ynysig. Mae rhai’n dioddef mewn tawelwch, tra bod eraill yn cilio o’u ffydd yn gyfan gwbl, gan dybio bod amheuaeth yn anghydnaws â ffydd. Mae Dominic Done yn credu bod hyn yn drasig ac yn hollol anghywir. Mae e’n defnyddio’r Ysgrythur a llenyddiaeth i ddadlau, nid yn unig fod cwestiynu yn normal ond ei fod yn aml yn llwybr tuag at ffydd gyfoethog a bywiog. Cymer olwg ar ffydd ac amheuaeth yn y cynllun 10 diwrnod hwn.
More
