ᔪᐊᓇᓯᐅᑉ ᐊᒡᓚᖏᑦ 21
21
ᔩᓱᓯᐅᑉ ᓴᖅᑭᓐᓂᖓ ᐃᓕᓐᓂᐊᕐᑎᓄᑦ 7ᓄᑦ
1ᑕᒪᑐᒪ ᑭᖑᕐᖓᒍᑦ ᔩᓱᓯ ᓴᖅᑭᒃᑲᓐᓂᓚᐅᕆᕗᖅ ᐃᓕᓐᓂᐊᕐᑎᒥᓄᑦ ᑍᐱᐅᕆᐊᓯᐅᑉ ᑕᓯᕐᔪᐊᖓᑕ ᓴᓂᐊᓂ; ᐃᒫᒃ ᐱᓂᐊᕐᓂᖃᕐᓗᓂ ᓴᖅᑭᓚᐅᕐᐳᖅ. 2ᑲᑎᓐᖓᓚᐅᕐᐳᑦ ᐅᑯᐊ ᓮᒨᓂ ᐲᑦᑐᕉᓯ, ᑑᒪᓯᓗ ᒪᕐᕈᓕᐊᕕᓂᕐᒥᒃ ᑍᔭᖅ, ᓈᑕᓁᓗ ᑬᓇᒥᑦ ᒐᓕᓕᐊᒦᑦᑐᒥᑦ ᐱᓯᒪᔪᖅ, ᓯᐱᑎᐅᓪᓗ ᐃᕐᓂᖏᒃ ᒪᕐᕉᒃ, ᐊᓯᖏᒡᓗ ᒪᕐᕉᒃ ᔩᓱᓯᐅᑉ ᐃᓕᓐᓂᐊᕐᑎᖏᒃ. 3#ᓘᑲᓯ 5:5.ᓮᒨᓂ ᐲᑦᑐᕉᓯᐅᑉ ᐃᓚᓂ ᐅᖃᐅᑎᕔᑦ, “ᐃᖃᓪᓕᐊᓕᕋᒪ.”
ᑖᒃᑯᐊ ᐅᖃᐅᑎᕚᑦ, “ᐃᓚᒋᓂᐊᕐᐸᑦᑎᒋᑦ.” ᐊᓂᒐᒥᒡᓗ ᐅᒥᐊᒧᐊᕐᐳᑦ; ᐅᓐᓄᐊᒥᓕ ᑕᒪᑐᒪᓂ ᐃᖃᓗᓚᐅᓐᖏᓚᑦ. 4ᐅᓪᓛᒃᑯᑦ ᖃᐅᒻᒪᓕᕐᑎᓪᓗᒍ, ᔩᓱᓯ ᑕᓯᐅᑉ ᓯᓈᓂ ᓇᖏᕐᐳᖅ; ᐃᓕᓐᓂᐊᕐᑎᑦ ᖃᐅᔨᒪᓐᖏᓚᑦ ᔩᓱᓯᐅᓂᖓᓂᒃ. 5ᔩᓱᓯᐅᑉ ᐊᐱᕆᕔᑦ, “ᕿᑐᕐᖎᑦ, ᐃᖃᓗᓚᐅᓐᖏᓚᓰ?”
ᑖᒃᑯᐊ ᑭᐅᕚᑦ, “ᐃᖃᓗᓚᐅᓐᖏᓚᒍᑦ.”
6 #
ᓘᑲᓯ 5:6. ᑕᕝᕙ ᐅᖃᐅᑎᕔᑦ, “ᓄᓗᐊᓯ ᓂᖏᑎᓚᐅᕐᓯᐅᒃ ᐅᒥᐊᑉ ᑕᓕᕐᐱᐊᓄᑦ, ᑕᕝᕙ ᐃᖃᓗᖕᓂᐊᕐᐳᓯ.” ᑕᕝᕙ ᓄᓗᐊᑎᒃ ᓂᖏᑎᑉᐰᑦ, ᐊᒧᐊᕈᓐᓇᕈᓐᓁᕐᓗᒋᑦ, ᐃᖃᓗᐃᑦ ᐅᓄᕐᓂᖏᓐᓄᑦ.
7ᑕᕝᕙ ᐃᓕᓐᓂᐊᕐᑎᐅᑉ ᔩᓱᓯᐅᑉ ᓇᒡᓕᒋᔭᖓᑕ ᐲᑦᑐᕉᓯ ᐅᖃᐅᑎᕚ, “ᐊᑕᓂᐅᕗᖅ!” ᓮᒨᓂᓕ ᐲᑦᑐᕉᓯ ᑐᓴᕋᒥ ᐊᑕᓂᐅᖕᒪᑦ, ᐊᓐᓄᕌᓂ ᓯᓚᓪᓕᖅ ᐊᑎᕚ ᐲᕐᓯᒪᓚᐅᕋᒥᐅᒃ ᐱᓇᓱᐊᕐᓗᓂ, ᐃᒫᓄᓪᓗ ᒥᓯᒃᐳᖅ. 8ᐃᓕᓐᓂᐊᕐᑏᓪᓕ ᓄᓇᓕᐊᕐᐳᑦ ᐅᒥᐊᒃᑯᑦ, ᓄᓗᐊᒥᖕᓂᒃ ᑲᓕᓪᖢᑎᒃ ᐃᖃᓗᖕᓂᒃ ᑕᑕᑦᑐᓂᒃ, ᓄᓇᒧᑦ ᐅᖓᓯᖏᓐᓇᒥᒃ, ᐆᒃᑐᑎᓂᒃ 100ᓂᒃ ᐅᖓᓯᖕᓂᖃᕋᒥᒃ ᓄᓇᒧᑦ. 9ᓄᓇᒧᑦ ᓂᐅᒐᒥᒃ, ᑕᑯᕗᑦ ᕿᔪᒃᓴᓂᒃ ᐃᑯᒪᔪᓂᒃ, ᐃᖃᓗᖕᓂᒡᓗ ᐃᒐᔭᐅᔪᓂᒃ, ᓂᐊᖂᔭᓂᒡᓗ. 10ᔩᓱᓯᐅᑉ ᐅᖃᐅᑎᕔᑦ, “ᐃᖃᓗᕋᑖᕐᑕᑦᓯᓐᓂᒃ ᑕᒪᐅᓐᖕᒊᒋᑦᓯ.”
11ᑕᕝᕙ ᓮᒨᓂ ᐲᑦᑐᕉᓯ ᐅᒥᐊᒧᑦ ᐃᑭᓪᓗᓂ ᓄᓗᐊᑦ ᓄᓇᒧᑦ ᐅᓂᐊᕐᐰᑦ, ᐃᖃᓗᖕᓂᒃ ᐊᖏᔫᑎᓂᒃ ᑕᑕᑦᑐᑦ, 153ᓂᒃ; ᐃᖃᓗᐃᑦ ᑍᒫᒃ ᐅᓄᕐᑎᒋᒐᓗᐊᕐᒪᑕ, ᓄᓗᐊᑦ ᐊᓕᒃᑕᐅᓐᖏᓚᑦ. 12ᔩᓱᓯᐅᑉ ᐅᖃᐅᑎᕔᑦ, “ᕾᓗᓯ ᓂᕆᓕᕆᑦᓯ.” ᐃᓕᓐᓂᐊᕐᑏᓪᓗ ᓇᓪᓕᐊᑦᑕᓘᓐᓃᑦ ᐊᐱᕆᔪᒪᓐᖏᓛ, “ᑭᓇᐅᕕᑦ” ᖃᐅᔨᒪᒐᒥᒃ ᐊᑕᓂᐅᖕᒪᑦ. 13ᔩᓱᓯ ᕾᒐᒥ ᓂᐊᖂᔭᖅ ᑎᒍᕚ ᑖᒃᑯᓄᖓ ᑐᓂᓪᓗᒍ, ᑍᒤᓕᐅᕆᕗᕐᑕᐅᖅ ᐃᖃᓗᖕᓂᒃ.
14ᑕᒪᑦᔭ ᔩᓱᓯᐅᑉ ᐱᖓᔪᖓᓐᓂᒃ ᓴᖅᑭᓐᓂᕆᓚᐅᕐᑕᖓ ᐃᓕᓐᓂᐊᕐᑎᒥᓄᑦ ᑐᖁᖓᔪᓂᑦ ᒪᑭᓐᓂᖓᑕ ᑭᖑᕐᖓᓂ.
ᔩᓱᓯᐅᑉ ᐲᑦᑐᕉᓯᐅᓪᓗ ᐅᖃᖃᑎᒌᖕᓂᖓᒃ
15ᓂᕆᔭᕇᕋᒥᒡᓕ, ᔩᓱᓯ ᐅᖃᕐᐳᖅ ᓮᒨᓂ ᐲᑦᑐᕉᓯᒧᑦ, “ᓮᒨᓃ ᔪᐊᓇᓯᐅᑉ ᐃᕐᓂᖓ, ᐅᑯᓇᖔᑦ ᐱᓐᓇᕆᓂᕐᓴᕆᕕᖔ?”
ᐲᑦᑐᕉᓯᐅᑉ ᑭᐅᕚ, “ᐃᓛᒃ ᐊᑕᓃᖅ; ᖃᐅᔨᒪᕗᑎᑦ ᓇᒡᓕᒋᒐᒃᑭ.”
ᔩᓱᓯᐅᑉ ᐅᖃᐅᑎᕚ, “ᓰᐱᓛᖁᑎᒃᑲ ᓂᕆᑎᓐᓂᐊᒃᑭᑦ.” 16ᐂᑉᐸᖓᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᓂᖓ, ᐱᓐᓈᕆᕕᖔ?”
ᑖᑦᓱᒪ ᑭᐅᕚ, “ᐃᓛᒃ ᐊᑕᓃᖅ, ᖃᐅᔨᒪᕗᑎᑦ ᓇᒡᓕᒋᒐᒃᑭᑦ.”
ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᐰᕆᓂᐊᒃᑭᑦ.” 17ᐱᖓᔪᐊᓐᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ, ᔪᐊᓇᓯᐅᑉ ᐃᕐᓂᖓ, ᓇᒡᓕᒋᕕᖔ?”
ᐲᑦᑐᕉᓯᓕ ᕿᒃᓵᓕᕐᐳᖅ ᐱᖓᔪᐊᓐᓂᒃ ᐅᖃᐅᑎᖕᒪᒍ, “ᓇᒡᓕᒋᕕᖔ?” ᑕᕝᕙ ᐅᖃᐅᑎᓕᕐᐹ, “ᐊᑕᓃᖅ, ᓱᓇᓕᒫᓂᒃ ᖃᐅᔨᒪᕗᑎᑦ; ᖃᐅᔨᒪᕙᕐᒪ ᓇᒡᓕᒋᒐᒃᑭᑦ.”
ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᓂᕆᑎᓐᓂᐊᒃᑭᑦ. 18ᓱᓕᔪᒥᒃ ᐅᖃᐅᑎᕙᒋᑦ, ᐃᓅᓱᒃᑑᑎᓪᓗᑎᑦ, ᐃᓕᖕᓂᒃ ᑕᑦᓯᕈᓯᕐᓗᑎᑦ ᐂᕙᓚᐅᕐᐳᑎᑦ ᐂᕕᒋᔪᒪᔭᕐᓄᑦ; ᐃᑦᑑᓕᕈᕕᓪᓕ ᑕᓖᒃᑭᒃ ᐃᓴᒍᒫᕐᐹᒃᑭᒃ, ᐊᓯᕕᓪᓗ ᑕᑦᓯᕈᓯᕈᒫᕐᐹᑎᑦ ᐂᑎᓪᓗᑎᑦ ᐂᕕᒋᔪᒪᓐᖏᑕᕐᓄᑦ.” 19ᔩᓱᓯ ᑕᒪᑐᒥᖓ ᐅᖃᓚᐅᕐᐳᖅ, ᐲᑦᑐᕉᓯᐅᑉ ᑐᖁᑕᐅᓗᓂ ᒎᑎᐅᑉ ᓂᕐᑐᕐᓇᕐᑎᑕᐅᓂᕆᓛᕐᑕᖓᓂᒃ ᐅᖃᐅᓯᖃᕐᓗᓂ. ᑕᒪᑐᒪ ᑭᖑᕐᖓᒍᑦ ᔩᓱᓯᐅᑉ ᐅᖃᐅᑎᕚ, “ᒪᓕᓐᖓ.”
ᔩᓱᓯ ᐃᓕᓐᓂᐊᕐᑎᓗ
20 #
ᔪᐊᓇᓯ 13:25. ᐲᑦᑐᕉᓯᓕ ᑐᓄᒻᒧᑦ ᕿᕕᐊᕋᒥ ᑐᓄᒥᓃᑦᑐᒥᒃ ᑕᑯᕗᖅ ᐃᓕᓐᓂᐊᕐᑎᒥᒃ ᔩᓱᓯᐅᑉ ᓇᒡᓕᒋᔭᖓᓂᒃ, ᑖᓐᓇ ᐅᓐᓄᒃᓯᐅᑎᒥᒃ ᓂᕆᓪᓗᑎᒃ ᔩᓱᓯᒧᑦ ᐄᒐᖓᓚᐅᕐᑐᖅ ᐊᐱᕆᓚᐅᕐᑐᕐᓗ, “ᐊᑕᓃᖅ, ᓇᓪᓕᐊᑦᑕ ᐱᔭᐅᑎᓐᓂᐊᕐᐹᑏᑦ?” 21ᐲᑦᑐᕉᓯᐅᑉ ᑕᑯᒐᒥᐅᒃ, ᔩᓱᓯ ᐅᖃᐅᑎᕚ, “ᐊᑕᓃᖅ ᐅᓇᓕ ᐊᖑᑦ ᖃᓄᐃᓕᖓᓂᐊᕐᐹ?”
22ᔩᓱᓯᐅᑉ ᐅᖃᐅᑎᕚ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ, ᐃᕝᕕᓪᓕ ᒪᓕᓐᖓ!”
23ᑕᕝᕙ ᔩᓱᓯᐅᑉ ᒪᓕᒃᑎᖏᑦ ᐅᖃᖃᑦᑕᐅᑎᓕᕐᐳᑦ ᐅᓇ ᐃᓕᓐᓂᐊᕐᑎ ᑐᖁᓂᐊᓐᖏᓚᖅ; ᔩᓱᓯ ᐅᖃᓚᐅᓐᖏᓚᖅ ᑐᖁᓂᐊᖏᓐᓂᕋᕐᓗᓂᐅᒃ; ᐅᖃᓚᐅᕐᐳᕐᓕ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ.”
24ᑖᓐᓇᐅᕗᖅ ᐃᓕᓐᓂᐊᕐᑎ ᑕᒪᒃᑯᓂᖓ ᐅᖃᐅᓯᖃᕐᑐᖅ, ᑕᒪᒃᑯᐊ ᑎᑎᕋᓚᐅᕐᐰᑦ; ᖃᐅᔨᒪᕗᒍᓪᓗ ᐅᖃᐅᓯᕆᔭᖏᑦ ᓱᓕᖕᒪᑕ.
ᐅᖃᐅᓰᑦ ᑭᖑᓪᓕᕐᐹᑦ
25ᐊᓯᖏᓐᓂᒃᑕᐅᖅ ᔩᓱᓯ ᐊᒥᓱᓂᒃ ᐱᓂᐊᕐᓂᖃᓚᐅᕐᐳᖅ; ᐱᓂᐊᕐᓂᕆᓚᐅᕐᑕᖏᓪᓕ ᐊᑕᖏᕐᓗᑎᒃ ᑎᑎᕋᕐᑕᐅᒐᔭᕐᐸᑕ ᑭᖑᓕᕇᒃᑕᕐᓂᖏᑦ ᒪᓕᒡᓗᒋᑦ, ᓯᓚᕐᔪᐊᕐᒥᐅᑦ ᑖᒃᑯᓂᖓ ᑎᑎᕋᕐᓯᒪᔪᓂᒃ ᐱᓯᒪᔪᓐᓇᕋᓱᒋᓐᖏᓚᒃᑲ.
Dewis Presennol:
ᔪᐊᓇᓯᐅᑉ ᐊᒡᓚᖏᑦ 21: EAIB
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Eastern Arctic Inuktitut Bible © Canadian Bible Society, 2012, 2021-2023.