ᓂᕆᔭᕇᕋᒥᒡᓕ, ᔩᓱᓯ ᐅᖃᕐᐳᖅ ᓮᒨᓂ ᐲᑦᑐᕉᓯᒧᑦ, “ᓮᒨᓃ ᔪᐊᓇᓯᐅᑉ ᐃᕐᓂᖓ, ᐅᑯᓇᖔᑦ ᐱᓐᓇᕆᓂᕐᓴᕆᕕᖔ?”
ᐲᑦᑐᕉᓯᐅᑉ ᑭᐅᕚ, “ᐃᓛᒃ ᐊᑕᓃᖅ; ᖃᐅᔨᒪᕗᑎᑦ ᓇᒡᓕᒋᒐᒃᑭ.”
ᔩᓱᓯᐅᑉ ᐅᖃᐅᑎᕚ, “ᓰᐱᓛᖁᑎᒃᑲ ᓂᕆᑎᓐᓂᐊᒃᑭᑦ.” ᐂᑉᐸᖓᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᓂᖓ, ᐱᓐᓈᕆᕕᖔ?”
ᑖᑦᓱᒪ ᑭᐅᕚ, “ᐃᓛᒃ ᐊᑕᓃᖅ, ᖃᐅᔨᒪᕗᑎᑦ ᓇᒡᓕᒋᒐᒃᑭᑦ.”
ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᐰᕆᓂᐊᒃᑭᑦ.” ᐱᖓᔪᐊᓐᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ, ᔪᐊᓇᓯᐅᑉ ᐃᕐᓂᖓ, ᓇᒡᓕᒋᕕᖔ?”
ᐲᑦᑐᕉᓯᓕ ᕿᒃᓵᓕᕐᐳᖅ ᐱᖓᔪᐊᓐᓂᒃ ᐅᖃᐅᑎᖕᒪᒍ, “ᓇᒡᓕᒋᕕᖔ?” ᑕᕝᕙ ᐅᖃᐅᑎᓕᕐᐹ, “ᐊᑕᓃᖅ, ᓱᓇᓕᒫᓂᒃ ᖃᐅᔨᒪᕗᑎᑦ; ᖃᐅᔨᒪᕙᕐᒪ ᓇᒡᓕᒋᒐᒃᑭᑦ.”
ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᓂᕆᑎᓐᓂᐊᒃᑭᑦ.