Ecclesiasticus 6
6
PEN. VI.
Y modd y mae dewis cyfaill, 18 a dilyn addysc.
1Na fydd elyn yn lle cyfaill, canys enw drwg a gaiff warth a gwradwydd yn etifeddiaeth: felly y caiff y pechadur dau-dafodioc ammarch.
2Na ymdderchaf yng-hynghor dy enaid dy hun, rhag llarpio dy enaid fel tarw.
3[Os] bwyttei di dy ddail ti a golli dy ffrwyth, ac a’th ollyngi dy hun fel pren erin.
4Enaid drygionus sydd yn difetha ei berchennog, ac yn ei wneuthur ei hun yn watwargerdd iw elynnion.
5Cêg felus sydd yn amlhau ei chyfeillion, a thafod ymadroddus sydd yn amlhau ymadroddion têg.
6Bydded llawer yn heddychu i ti, eithr [bydded] dy gynghor-wŷr vn o fîl.
7Os meddienni gyfaill, meddianna ef mewn profedigaeth, ac nac ymddyriet ti dy hun iddo ef ar ffrwst.
8Canys y mae cyfaill tros ei amser ei hun, ac nid erys efe yn nydd dy drallod ti.
9Ac y mae cyfaill yr hwn a droir yn elyn, ac a ddadcuddio dy wradwyddus gynnen di.
10Ac y mae cyfaill yr hwn a fydd cyfrannog o’r bwrdd: #Pen.37.5.eithr yn nydd dy drallod ti nid erys efe.
11Ac yn dy fyd da di, efe a fydd fel tithe, ac efe a fydd hŷ ar dylwyth dy dŷ di.
12Os darostyngir di, efe a fydd i’th erbyn di: ac a ymguddia o’th ŵydd di.
13Ymado a’th elynnion, a gochel dy gyfeillion,
14Amddeffyn cadarn yw cyfaill ffyddlon a’r hwn sydd yn ei gael ef sydd yn cael tryssor.
15Nid oes cyfnewidwerth i gyfaill ffyddlon, ac nid oes a gŷd bwyso ei degwch ef.
16Eli enioes yw cyfaill ffyddlon: a’r rhai sy yn ofni yr Arglwydd ydynt yn ei gael ef.
17Yr hwn sydd yn ofni yr Arglwydd sydd yn cyfarwyddo ei gyfeilach yn iniawn, ac fel y byddo efe y bydd ei gymmydog.
18Hafab dewis addysc o’th ieuengtid, a thi a gei ddoethineb hyd henaint.
19Ymaros hefyd am ei ffrwythau daionus hi.
20O blegit ychydig boen a gymmeri di yn ei gwaith hi, a buan y bwytei di oi chnwd hi.
21Mor chwerw odiaeth yw hi i’r annyscedig: a’r digalonnog nid erys ynddi hi.
22Megis maen prawf cryf ydyw hi iddo ef, ac nid oeda efe ei bwrw hi ymmaith.
23O blegit y mae doethineb yn ôl ei henw, ac nid yw hi amlwg i lawer.
24Gwrando hafab, a dewis fy marn i, ac na wrthot fyng-hyngor i: bwrw dy draed iw llyffetheiriau hi, a’th wddf iw chadwyn hi.
25Gostwng dy yscwyddau a dwg hi, ac na fydd elyn iw rhwymau hi.
26Tyret atti hi â’th holl enaid, a chadw ei ffyrdd hi â’th holl allu.
27Olrhain, a chais, a thi a gei ei hadnabod hi, a phan gaffech di afel, na ollwng hi.
28O blegit o’r diwedd ti a ger ei gorphywystra hi a [hynny] a drŷ yn llawenydd i ti.
29Ai llyfetheiriau hi a fyddant i ti yn amddeffyn cadarn, ai chadwynau yn wîsc ogoneddus.
30O herwydd y mae arni hi wychter euraid, ai rhwymau ydynt snoden lâs.
31Fel gwisc ogoneddus y gwisci di hi, ac fel coron orfoleddus y gosodi di hi am danat.
32Os mynni [fy] mab ti a fyddi ddyscedig, ac os rhoddi dy feddwl, ti a fyddi gall.
33Os ceri di wrando, ti a dderbynt ddeall, ac os gostyngi di dy glust, ti a fyddi ddoeth.
34Saf ym mysc henuriaid, a’r neb [a fyddo] doeth glŷn wrtho ef: #Pen.8.9.myn glywed pob traethiad duwiol, ac na ddianged diharebion dehallus oddi gennit ti.
35Os gweli ŵr dehallgar cyfot yn foreu atto ef, a threulied dy droed ti rinniogau ei ddrws ef.
36Meddwl am orchymynnion yr Arglwydd yn berffaith, a #Psal.1.2.3.myfyria ar ei orchymynnion ef bob amser, efe a siccrhâ dy galon di, a dymuniad doethineb a roddir i ti.
Dewis Presennol:
Ecclesiasticus 6: BWMG1588
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Y Beibl Cyssegr-lan. Cyhoeddwyd gyntaf yn 1588, a’i ddigideiddio i Gymdeithas y Beibl yn 2023.