Y Salmau 53

SALM LIII

Dixit insipiens.

Dangos drwg naturiaeth dyn, a chosbedigaeth y drygionys. Gweddi dros y duwiol.

1Dwedai’r ynfyd wrtho’i hun

nad oes un Duw na dial:

Ei ddrwg ffieidd-dra a’i drais tynn,

a ddengys hyn yn ddyfal.

2Llygru yn ffiaidd maent drwy’r byd,

Oedd neb a geisiai Dduw yn gall,

nac oedd yn deall gronyn,

3Ciliasai bawb yn ol ei gefn,

a hwy drachefn cydlygrynt:

Nid oedd neb a wnelai yr iawn,

nac un yn gyfiawn honynt.

4Pa’m na ’styria gweithwyr traha

eu bod yn bwyta’ mhobloedd:

Fel y bara? ac heb ddim bri:

ni alwent fi o’r nefoedd.

5Ofn heb achos arnynt a ddaeth

y rhai a’ch caeth warchaeodd:

Cans trwy eu gwasgar hwy i bob parth,

mewn gwarth Duw a’i gwasgarodd.

6Och fi na roid i Israel

o Sion uchel iechyd:

Pan roddo Duw ei bobl ar led

o drom gaethiwed adfyd,

7Yna y bydd Jago yn iach,

ac Israel bach yn hyfryd:

Yna, ac drachefn.

Dewis Presennol:

Y Salmau 53: SC

Uwcholeuo

Rhanna

Copi

Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda

Adnodau Beiblaidd Poblogaidd o
Y Salmau 53