Matthew 15
15
KETH WOANGLËMEN, XV.
1A HGBALL ah tre oh, ahpharisëë ah tre oh, ha Jerusalem ngha hun ko kë Jesus nghaleh.
2La wumleh aniah moa tre ngha ma kulloh toang aniah ben ah tre, ngha tokehn pëahtë ngha, yeh ngha koh dyo ëgboh.
3Kereh u yoom nghaleh ko ko ngha, la wumleh no shinny lum të Foy kë troang no ah?
4Foybatukeh ngho ngha fohm nghaleh, nkulloh papah moa oh, yah moa oh; wonno wung yeo, papah woa oh, yah woa oh, peh dyë woa.
5Kereh no nghaleh wonhoh foh papah woa oh, yah woa oh, buyah nghoiky, lo ah foke satakah la moa chehdy nkeleng.
6Lo chehn nkulloh papah woa oh, yah woa oh no nghaleh yeh nkeleng: kë ngho no shinny lumtë Foybatukeh kë troang no.
7Aniah yamfah, prophet Isaiah u ka foh urong hallë hallë no, yeh nghaleh.
8Aniah to ngha hun ko ko më nyengtë ngha, ngha kulloh më kë tuttë të ngha; kereh ugbolltë ngha ko cheh ngha lëwill.
9Kereh ngha chum më pëah nsele, yehpeh ngha menghë aniah tre lumtë nopokan tre.
10U veal runiah tre nu nghaleh ko ko ngha, ntui la nu nshëë la.
11Yempy tre nghono kon ko nyengheh ngho boaehn ngha nopokan nokoh; kereh yempy tre peneh foke ko nyengheh pehmpeh nghah nopokan nokoh.
12Ahperren ah tre ngha hun nghaleh, nshëëlandeh ahparisee ah tre ngha shillyeh mun dë? yehpeh ngha tui lum to.
13Kereh u yoom nghaleh rum o rum wonno papah më u toaehn yeo, peh ma hun soary.
14Mfoll ngha: ngha chehn kyo; ngha yuck aniah nghana chehn keh yeo. Lo no chehn kyo yuck aniah nghana chehn kyo, ngha looll ko firreh uborr ubull.
15Peter u, foh ko ko woa, mbasky oh la hallë, mbuntha n to.
16Jesus nghaleh, kë ngho ngha eh? ngha cherryeh num pehreh?
17Ngha tuieh la num ë? yin pehna loi ko nyengheh peh kon ko kuneh, peh fun ko rë nah.
18Kereh yempy tre pehna foke ko nyengheh, ngho hinkeh ko ugbolleh: ngho nghah nopokan u cheh nokoh.
19Peh hinkeh ko ugbolleh, ëtren ë bang tre, udyë, uball u tre, udui, tamasery mbull, mfoh Foy yeh mbang.
20Ndërick n tre manaky peh nghah nopokan nokoh: kereh hallë dyo kë pëahtë toakohn tre, peh boaehn nghah nopokan nokoh.
21Jesus u loi kurkureh u kon kë Tyre oh Sidon oh.
22Nlehly nolakan Kanaa u hun ko ko woa, u trang nghaleh, n keh ko më sinobull, Oh Yeome, nun traak Davy! pomul u bang ah tre u chang ah lerick u woa më.
23Kereh u yoomehn ahperren ah woa tre ngha hun ko ko woa, ngha woa telleh nghaleh, n nghah woa kon, woa hë chang ah trang ah.
24Kereh u yoom nghaleh, yah hun gbo hallë lonkobehsë tre lindy ha Israel.
25Noma tre u moi nu chum pëah nghaleh, papah oh, m marr më!
26Kereh u yoom nghaleh la chehndy nkeleng hallë kui ëgboh ahpomah tre nu pong ngho kë tumoi tre.
27Noma tre nghaleh, urondong yeome: kereh tumoi tre u dyo chack ëgboh n tre kono looll kë messa papah woa atook.
28Jesus yoom nghaleh ko ko woa, Oh noma, to moa bë laneh bomu: peh nghah moa nghono nyehmah yeo: wang woa shunk kehkeh lan.
29Jesus loi kurkureh nu moi futt ko behleh Galilee; u kon ko rongatook nu chall hoa.
30Runiah bomu tre ngha hun ko ko woa, ngha chëë ngha uborr ubull aniah tittikeh, ahboboh, ah-chehnkeh oh, nu ahlalbah poom tre, ngha hineh ngha bengtë woa ëboll, u ka shunky ngha gbonkah nkeleng.
31Runiah ngha kaban yeh ngha keh aniah bobob tre ngha foh, aniah tittikeh ngha gbeh; aniah tre nghana chehn keh oh, ngha kyo, ngha kulloh Foy Israel.
32Jesus veal ahperren ah woa ko ko woa nu nghaleh, ah sinobull kë runiah tre, yehpeh ngha cheh më uborr ubull loi nrah ngha bë an yempy dyo: ah boaehn nghah ngha u kon, ngha dehn, tana ngha tuin wackwack ko nah.
33Ahperren ah woa ngha nghaleh, loa hë gbo sotoh ëgboh ka kë ah, hallë pummy runiah to nghanaky.
34Jesus nghaleh ko ko ngha, ngho ngha bë ëgboh ah? ngha nghaleh menting; nu soosë ahpomah mpoom.
35Yeh u kung fohm runiah tre ngha chall ko leh.
36Woa kui ëgboh ë mainting ë tre nu soosë ahpomah poom tre, nu wui mama Foy, u kenty nghe, nu kah kë ahperren ah woa tre; ahperren ah tre ngha kah nghe kë aniah tre.
37Aniah buleing nghana dyo kë, ngha pum, ngha diggle ëwerreh tre nghono loi oh balah mainting tre ë pay.
38Aniah tre nghana dyo oh, ngha cheh wooly hewl, ahlakan ah tre, ahpomah ah tre ngha uborr ubull.
39U nghah ngha kon, nu hieh ko womeh, nu wunky ko Magdala.
Právě zvoleno:
Matthew 15: BUY1816
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
First published by the Church Missionary Society in 1816.
