Matthew 14
14
KETH WOANGLEHEWL, XIV.
1TRIM tre sukono Herod woa tui ilillë Jesus tre.
2Nu nghaleh kë ahboy ah woa n tre, John toaknobull woiky, u poh kë ahwoo ah tre, labëla woa trunkeh mpant mbomu n tre manah.
3Yehpeh Herod u konth John mpant woa, nu beh woa ko kill rtilleh, bull oh took Herodias, lak u pintre woa Philip.
4Yehpeh John kunah won, la chehndy keleng hallë kui lak u pintre moa.
5U yehmah woa dyë, kereh u wui aniah tre; aniah tre ngha trennin John woileh prophet.
6Kereh yeh lokoh Herod ngho choe kë wang Herodias woa yay ko ngha ëboll; Herod marrah larë.
7U gbeeng kë Foy, nghaleh, yin pehna nyehmah yeo, nyë më la gbo, ah moa peh kah.
8Wanta tre (yah woa kung woa menghë) nghaleh nkah më bull John toaknobull kë chinchy ayëë.
9Bay tre u choe sinobull, kereh hallë gbeeng u tre nu hallë aniah tre nghana chall kë dyo ko woa uborr ubull, nghaleh, labëandin, moa ngho bë.
10U wum anin ko kë kill rtilleh peh betteh bull John.
11Peh chëëeh bull woa tre ko chinchy ayëë nu peh kah woa kë wanta tre; wanta tre yuck ngho kë yah woa.
12Ahperren ah John tre ngha hun ngha kui dyall woa tre ngha kong ngho nu kon hallë foh la ko kë Jesus.
13Yeh Jesus tui la kë u kon ko womeh ko kë gbonkeh wonëken kë: yeh aniah ngha tui la kë ngha lim woa ko cheh ngha hink ko ngha turrtë tre.
14Jesus u foken kë gbonkeh u keh runiah tre u cheh sinobull nu shunky ahlalbab tre ngha.
15Yeh foy tre ngho pë kë ahperren ah woa trë ngha hun ko ko woa ngha nghaleh, kurkur ë tre nghoiky ko loa yempy chehn ka, pall ë tre la kon, n nghah aniah tre ngha kon, ngha koh pin yempy dyo.
16Jesus yoom nghaleh, la wumleh ngha koh pin yempy dyo ah? nkah ngha yempy dyo.
17Ngha nghaleh ko ko woa, hë bë gbo ëgboh ë men nu soosë ting.
18U nghaleh nchëë ngha ka ko më.
19U fohm aniah tre ngha chall ko billeh, u kui ëgboh ë men tre nu soosë, ting u tre, nu nlehly ko kë foy, nu wuieh Foy mama; u kenty ëgboh ë tre nu kah kë ahperren ah woa tre; ahperren ah tre ngha ka ngha kë aniah tre.
20Yeh ngha kung rë dyo kë, ngha pum, ngha dëry ëwerreh tre balah woanglëting.
21Aniah tre nghana ka dyo ëgboh ë tre, ngha ka choe wooly men ahpokan, ahlakan oh, ahpomah oh ngha ngha uborr ubull.
22Kehkehtoo Jesus u nghah ahperren ah woa tre ngha hieh ngha hirr ko lill ko woa ëboll, nu mail runiah tre.
23Yeh runiah tre ngha kon kë, u kon ko nrongeh hallë ramlin, u cheh loa wonëken foy ngho pë.
24Trim tre wom tre ngho cheh ko hehleh ayaing nu chang ah gbunkutan hallë buttung ë tre, hieng tre ngho foke kë ngha ëboll.
25Nshack mpoom n tre Jesus koh ko ko ngha ugbeh ko men atook.
26Yeh ahperren ah tre ngha keh woa gbeh ko meneh atook, ngha wolun nghaleh, mogho gboolang woiky, ngha trinkillah.
27Kereh Jesus pamah ngha fohm nghaleh ntolly, yang yahlab, m ma wui.
28Peter yoom nghaleh ko ko woa, papah lo peh gbo leh mun, nghah më ah gbeh ko meneh atook, ah koh ko ko moa.
29Jesus nghaleh nhun ka. Peter hinkeh ko womeb, nu gbeh ko meneh atook hallë koh ko kë Jesus.
30Hieng kattul ngho trip u fo, Peter u wui, u trip u tull, u mamërong nghaleh, papah m marr më.
31Jesus wicky pëah woa nu yetty woa, nghaleh, oh moneh! labëla, leh n wui ah?
32Ngha kon ko womeh, hieng tre ngho bettin.
33Aniah wom tre ngha hun ngha bang nloonk ngha chum pëah, ngha nghaleh, urongdong mun moiky traak u Foy.
34Ngha kung hirr, ngha tick kë upock u Genesareth.
35Yeh aniah upock u tre ngha tui la kë, ngha wum kë upock u tre buleing hallë chëë ahlalba tre ko ko woa.
36Ngha telleh won u ngha nghah bengle mum u lumoh woa tre, aniah buleing nghana bengle mum u tre ngha shunk.
Právě zvoleno:
Matthew 14: BUY1816
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
First published by the Church Missionary Society in 1816.
