Matthew 16
16
KETH WOANGLËMAINBULL, XVI.
1AHPHARISËË ah tre oh, ahsadusee ah tre ngha hun ko ko woa hallë nghehl woa nghaleh, n nghah hë keh yempy sannah kë foy.
2U yoom nghaleh ko ko ngha, kë palle parun no nghaleh, selleng ko gbeng choe, yehpeh foy ngho dirr kë.
3Esho no nghaleh selleng ko semehn nkeleng ënang, yehpeh foy ngho choe dirreh nu pit ë kull, Oh aniah yamfah, no shëë rë mittil u foy; kereh no shëën yempy lokoh tre.
4Aniah mbang nto ngha tun hallë yempy sannah peh ta kahn nghan yempy sannah, mendeh yempy prophet Jonah tre. U loi ngha nu kon.
5Yeh ahperren ah woa tre ngha hundy ko lill ë will nkull ngha kung porron hallë kui ëgboh.
6Jesus nghaleh ko ko ngha, nlehly lo mbehkeh ëtehn ëgboh nlooll ha ahpharisëë ah tre nu ahsadusëë ah tre.
7Ngha fohm nin nghaleh, hë bë la, hë chëëehn egboh hë uborr ubull.
8Yeh Jesus ka tui la u nghaleh ko ko ngha, Oh aniah ngha lanehn, la wumleh ngha foh la kë hallë ëgboh ë tre ah?
9Ngha fulleh lan ë? ëgboh ë main tre hallë runiah bomu nghono choe wooly main, nghoeh balah tre ngho choe mbanthëë n tre ah?
10Ngha fulleh lan ë? ëgboh ë mainting hallë runiah bomu nghana choe wooly hewl, nghoneh balah tre ngha choe mbanthëë n tre ah?
11La wumleh ma la tuioh ah fomehn hallë ëgboh, yeh ah fohm oh no hallë ëgboh nlooll ha ahpharisëë ah tre, nu ahsadusëë ah tre.
12Trim tre ngha shëë la rë u ka choo oh la chehn hallë ëgboh nlooll n tre ha ahpharisëë ah tre, kereh hallë hallë menghë ngha.
13Yeh Jesus u kon kë Sesary Phillippy u yee ahperren ah woa tre ngbaleh, la aniah tre ngha fohha? ngheneh leh traak nopokan tre ah?
14Ngha yoom ah poom nghaleh John toaknobull woiky; ah poom ah tre nghaleh Elias woiky; ahpoom nghaleh Jeremias woiky; ahpoom nghaleh prophet bull nghoilah.
15Kereh la ng foh ha? ngheneh yang ah?
16Simon Peter u yoom nghaleh mun Krist moilah, traak u Foybatukeh.
17Jesus u yoom nghaleh ko ko woa, rubah kë moa Simon traak Jonas; ëdyall oh, nkong oh ngha trunkehn mun ndërick n tre; kereh papah më nghono cheh ko kë foy.
18Yah moa fohm mun moilah Peter: kë pay to nghonoky loa n la yuck u church më ëfongfoll ë dyomly tre ngha boaehn ngho loolly.
19Ah moa kah ntamë upock u foy tre: yin pehneh moa ko pant yeo kë upock u to, pehmpehz mpant pehreh kë foy; yin pehneh moa tinkee oh kë upock u tre, pehmpeh tinkee pehreh kë foy.
20U fohm ahperren ah woa tre; peh ma la fohm anin leh wong woilah Krist.
21Kë trim tre Jesus u tripeh trunkeh kë ahperren ah woa tre, peh nghaleh woa koh ko Jerusalem nu ahpriest ah tre oh, aniah ben ah tre oh, ngha woa chang ah lerick, peh woa dyë, nu loi nrah woa poh peh.
22Peter yetty woa nu yuck woa bellung nu fohm woa nghaleh, Foy betteh la, papah, peh ma moa nghah.
23Kereh woa pinkin nu nghaleh ko kë Peter, nkoh nkull no mpunthirr, moa më ëboll, m marrahn yempy Foy, m marrah yempy nopokan.
24Jesus nghaleh ko kë ahperren ah woa, lo nopokan lim më gbo, u hiam wonëken nu kui kross woa nu lim më wayling.
25Wonno gbo chëëkeh woalong ë woa, woa nghe din: wonno lin woalong ë woa hallë hallë më, woa nghe kyo.
26Yeh keleng peh nghah nopokan, lo u bë upock u tre buleing, nu pong woalong ë woa ah? yeh nopokan u boa kah hallë woalong ë woa ah?
27Traak nopokan tre woa chong hun kë gbentha papah woa, angel ah tre woa uborr ubull; woa packah nopokan o nopokan hallë mpant ngha.
28Urongdong ah no fohm aniah poom nghanaky oh, ngha boaehn woo, mendeh ngha keh traak nopokan tre woa hun ko kë baily woa.
Právě zvoleno:
Matthew 16: BUY1816
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
First published by the Church Missionary Society in 1816.
