Mark añgw’a téndé 15
15
ÈLUKW’A GYÔÑ NA BÉTANY (15)
Ba lwa na Yésu pia Pilat a gyi.
1Sônda kwagyi ya ya, baprèt banènè, bébôtô, batèndi ba méndèni, na bébôtô bya baYudè byahagyè, ba tèm’èyumbu. Ya ba lèkyè té ba kôtakyè Yésu, ba lṽ’i siñgyèky’añgô pia Pilat a gyi. 2Pilat a humw’añgô té: Obè bé nèni mwa baYudè wé? Yésu a hugy’añgô té: Omènè ô ñgo gyañgô. 3Baprèt banènè ba hèlṽ’añgô mambô bukyé. 4Ya Pilat a humw’añgô aminè té: Ô nyakwé gyambô wé? Taka mambô bukyé ma ba hèlṽ’obè maté! 5Ndé Yésu ndèka hugy’añgô gyambô a gyambô; bôsina mènè Pilat a ñkyèkyè.
6Fèt a Pâk ahagyè, Pilat a gya bé n’ènoñgo i wèkyè baYudè ñgyôkô moko, mutu wa batu bahagyè ba bono. 7Mutu a gya ô’lôñkw’a tsôkô, gyino té Barabas, bañgô n’ibaté batu, bôsina ba péka ntoko munènè, ba bôma mutu ôkaté. 8Ya batu bahagyè ba béta pia komanda a gyi, ba humw’añgô té a pékakyè bañgô nt’añgw’a péka mbèy‐mbèy. 9Pilat a ñgo na bañgô té: Bya nono té ma wèkyè bihi nèni mwa baYudè wé? 10A yéba té baprèt banènè ba band’añgô n’èyina. 11Ndé baprèt banènè ba yizè batu i humwak’añgô té a wèkyè bañgô Barabas, habé Yésu. 12Pilat a ñgo na bañgô aminè té: Ndé mutu wa bya yôkyè té nèni mwa baYudè, ma pékaky’añgô na wé? 13Ya ba pôtañga aminè té: Panyèky’añgô ôkwa mwélé! 14Pilat a ñgo té: Gyañgô gyambô gyibébé gy’añgw’a mu péka bé ndé? Ya ba pôtañga aminè bono té: Panyèky’añgô ôkwa mwélé! 15Pilat a non’i hèlè bañgô boñ, y’añgw’a ñkwègyè bañgô Barabas; manyak’ôkaté, a yizè té ba hazakyè Yésu békoko, a wè bañgô añgô, i lwak’i panyèky’añgô ôkwa mwélé.
Èpôkôlô a manyo.
16Ya bawolo ba lwa na Yésu ô’bébé a hèñgyè, ô’lôñkwè ya ba soho mambô, ba laha añgô bawolo bahagyè ô mapôpôkô. 17Ba hal’añgô èliñga ya lṽé, ba hugy’añgô èpôkôlô a manyo ya ba bénda ô mwôlô. 18Ya ba simbè añgô, ba ñgo té: Nèni mwa baYudè, mbôlô! 19Ba haz’añgô mwa humpi ô mwôlô, ba tutw’añgô matèy ô nyô, ba kutama mabongô ô bôhô bwègyi ni kumèky’añgô.
Yésu a panyibwè ôkwa mwélé, b’a wa.
20Sônda ba higy’i gyôkw’añgô, ya ba gyèl’añgô èliñga ya lṽé, ba hal’añgô aminè méñhalô myègyi; ba lwa n’ègyi, i lwak’i panyèky’añgô ôkwa mwélé. 21Mutu a yéka ôkaté, a yiñka pia makuba, gyino té Simon, mutu wa Sirèn, a gya hañgwè Alèksandrè na Rufus; ya ba yiz’añgô i bèpèkyè kuruwa. 22Ba lṽ’i bèmpèkyè Yésu ôsa gya gyino té Golgôta, gya yué té ôka wa mwôlô mwa mutu. 23Ya ba ñwégyè añgô èvé ya ba hopo na mbaka mwa gya sôlô boñ; ndé mu ñwa yañgô. 24Sônda ba higy’i dom’añgô ôkwa mwélé, ba kaba méñhalô myègyi, ba soko i nonokw’i yébaka batu bé kwaka myañgô. 25Sônda ba dom’añgô, a gya bélomo tananay bya kwagyi. 26Ndèni mwa gy’ôkaté, mwa hèlè bôsina bwa ba bôm’añgô na bwañgô, mwa gya b’ôñkwèli té: Nèni mwa baYudè. 27Ba domè na bayibi baba bañgw’a bañgô nloñgyè moko, ôté ôbw’a hañgw’ègyi, n’iwaté ôbw’a mwagyi. 28Yumènè gyambô gya méndèni gya pékôbwè, gya ñgo té: Ba hugy’añgô ô’bébé a batu babébé.
29Ya batu ba yékana ba lôa añgô, ba liñkyè myôlô, bañgô té: Hua! Obè mutu ô na piñzô i kulwaka èlôñkw’a Nzamb’inènè, ô lôñga yañgô aminè mia mahatô, 30omènè yôñgyèkyè nyô obè, b’ô hula ô ha kuruwa. 31Ètè mènè èko, baprèt banènè na batèndi ba méndèni ba gyôkw’añgô, ba soho bamènè a bamènè té: A yôñgyè batu bapinè, ndé añgô ndèka piñzô i yôñgyèkyè nyô ègyi mènè. 32Krist, nèni mw’Israèl, a hulakyè ô ha kuruwa, ôkaté bèha bé ñkwènèkyè, bèha bukw’añgô. Batu bañgô na bañgô ba panyibwè, na bañgô ba lôa añgô.
33Sônda mamidi ma kôka, èpundu ya hinta moñgo mwahagyè n’i pwaka bélomo béhatô.
34Sônda bélomo béhatô bya kôka, Yésu a pôtañga na piñzô té: Èli, Èli, lama sabaktani? gya yué té: Nzamb’amè, Nzamb’amè, gy’ô ñkwègyè mè na gyañgô bé ndé? 35Ibaté batu ba gy’ôkaté ba yôka nt’añgw’a soho, ya ba ñgo té: Taka, a bañg’Èli! 36Ya mutu moko pia bañgô ba gyi a lwa na ñhula, a duba èlôñkw’a méñhunyi ôkatwa èvé ya bwaza, a hugyè yañgô bôhukyè bwa humpi; a ñwégyè añgô, a ñgo té: Gyikakany, mina ñkwènèkyè ndé Èli a bé yaka i hulèky’añgô.
37Ya Yésu a pôtañga aminè yôkyè inènè, a sôwa. 38Ya ñkanda munènè mwa gya pana ô’lôñkw’a Nzamb’inènè mwa pèhènè ô’bébé, manyak’ô’kô n’i pwak’ô héhé.
39Nèni mwa ñkama mwa bawolo mwa tèmè Yésu pia bôhô, sônd’añgw’a ñkwènè ñgyañga mw’isôwé mènè, y’añgw’a soho na kyiñgô ô’kô té: Mômpô, mut’ôté a gya bé Mwana Nzambé.
40Bétô ba gy’ôkaté ba taka, ba tèm’ôpama; ba gy’ôkaté Mari wa Magdala, Mari nyañgw’a Yakobu musiki na Yosès, na Salomé, 41bañgô ba lwa hiñkyè Yésu, ba nyamw’añgô béhagyi sônd’añgw’a gya ô moñgo mwa Galilé, n’ibaté bañgô na bañgô ba béta Yérusalèm.
Ikôné gya Yésu.
42Iko gya hinta; bôsina bwia mènè bwa gya bwia bwa ba yèbè mambô ma fèt, bwa bé bwia bwa mpia saba, 43Yôsèf, mutu wa Arimaté, mutu moko wa nloñgyè mwa bébôtô bya kuma bukyé, a bôka Ikaka gya Nzambé, a péka gyambô gya bwa i lwaka pia Pilat a gyi ni humw’añgô èkyéñgyi a Yésu. 44Pilat a ñkyèkyè ni yôka té Yésu a wa kwakwa yumènè; y’añgw’a bañga nèni mwa ñkama mwa bawolo, a humw’añgô té: Yésu a yimwé sôwa wé? 45Sônd’añgw’a higy’i yôka mambô ma nèni mwa ñkama mwa bawolo, a wè Yôsèf èkyéñgyi. 46Ya Yôsèf a hômpa ñkanda, a gyèl’èkyéñgyi ô kuruwa, a halè yañgô ñkand’ô nyô, a lṽ’i kônaka yañgô ô’handa ya ba luma ôkatw’imanya; y’añgw’a biñgyè imanya gyinènè i gyibèky’èhanda. 47Mari wa Magdala, na Mari nyañgw’a Yosès ba taka ôsa ba kôna Yésu.
S'ha seleccionat:
Mark añgw’a téndé 15: KOQ1938
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
historical text maintained by the British and Foreign Bible Society