Chivkeeb 10
10
Nau-es Cov Tub Tej Xeebntxwv
(1 Xwmtxheej Vaajntxwv 1.5-23)
1Tom qaab kws dlej nyaab nplajteb taag lawm, Nau-es peb tug tub: Xees, Haas hab Yafej maam muaj tubki; cov nraag qaab nuav yog puab cov xeebntxwv.
2Yafej cov tub, Kumeles, Makus, Madais, Yavaas, Tunpas, Mesekis hab Tilas. Puab cov nuav yog yawmkoob ntawm cov tuabneeg kws tseem ris puab lub xeem. 3Tsaav tuabneeg Akenas, Lifas hab Taunkamas yog Kumeles cov xeebntxwv. 4Yavaas cov xeebntxwv yog Elisas, Xapees, Kilipulus hab Ludes, 5puab yog yawmkoob ntawm cov tuabneeg kws moog nyob lawv tej koog povtxwv hab lawv tej ntug havtxwv. Cov nuav yog Yafej cov xeebntxwv, puab nyag moog nyob nyag ib lub tebchaws lawv le nyag xeem hab nyag paab kws has nyag yaam lug.
6Haas cov tub yog Kuses, Iziv, Linpias, hab Kana-aas, puab cov nuav yog yawmkoob ntawm cov tuabneeg kws ris puab lub xeem. 7Kuses cov xeebntxwv yog Senpas, Havilas, Satas, La-amas, hab Satekas. La-amas cov xeebntxwv yog cov tuabneeg Senpas hab cov Dedaas. 8Kuses muaj ib tug tub hu ua Nimelus, nwg yog thawj tug tuabneeg kws muaj fwjchim kaav tebchaws nyob huv nplajteb nuav. 9Vaajtswv paab nwg, nwg txhaj ua tau ib tug tuabneeg tua nqaj kws nto npe heev, vim le nuav tej tuabneeg txhaj pheej has tas, “Thov tug TSWV ua rua koj kuas koj yog ib tug tuabneeg tua nqaj kws nyob nto npe ib yaam le Nimelus!” 10Lub nroog Npanpiloos, lub nroog Elekhas hab lub nroog Akas, yog thawj cov nroog kws nwg xub kaav, peb lub nroog nuav puavleej nyob huv tebchaws Npanpiloos. 11Nwg tau tawm huv lub tebchaws ntawd moog rua huv tebchaws Axilias hab moog tsim lub nroog Nineves, lub nroog Lehaunpaus Iles, lub nroog Khalas 12hab lub nroog Lesees kws nyob huv ntu nruab nraab ntawm lub nroog Nineves hab lub tuamceeb nroog Kalas.
13Iziv cov xeebntxwv, mas yog cov Lidias, cov Anas, cov Lehas, cov Nafetus, 14cov Pathelus, cov Kaselus hab Keletes; cov tuabneeg Filitees yog cov tuabneeg kws has lug sau nuav tej xeebntxwv.#10.14 Phoo nuav txhais has tas, Keletes… tej xeebntxwv; phoo Henplais has tas, nwg cov xeebntxwv yog cov Filitees hab ncau lug ntawm Keletes.
15Kana-aas tug tub hlub yog Xidoos, hab Hethas yog yawmkoob ntawm cov tuabneeg kws tseem ris obtug lub xeem. 16Kana-aas yog yawmkoob ntawm cov Yenpus, cov Amaules, cov Kilekasis, 17cov Hivis, cov Alikis, cov Xinis, 18cov Alevas, cov Xemalis hab cov Hamathis. Cov Kana-aas muab faib ua tej xeem tso tawm nyag moog nyob nyag, 19ua rua cov Kana-aas tug nrimteb kws pib ntawm Xidoos saab qaabteb moog txug ndlua rua Kelas kws ze rua ntawd Nkaxas, hab saab nubtuaj moog txug rua ntawm Xaudoos, Kaumaulas, Amas hab Xenpauyees kws nyob ze rua Lasas. 20Ntawm nuav yog Haas cov xeebntxwv kws muab faib ua tej xeem hab tso nyag moog nyob muaj nyag ib lub tebchaws, nyag paab kws has nyag yaam lug.
21Xees kws yog Yafej tug tijlaug, nwg yog yawmkoob ntawm cov tuabneeg Henplais. 22Xees cov tub kws yog Elames, Asus, Apakesas, Lus, hab Alaas, puab puavleej yog yawmkoob ntawm cov tuabneeg kws ris puab lub xeem. 23Alaas cov xeebntxwv yog cov Uxes, cov Hus, cov Nkethes hab cov Mesej. 24Apakesas yog Selas txiv hab Selas yog Enpes txiv. 25Enpes muaj ob tug tub: muaj ib tug hu ua Pelej,#10.25 Pelej: Lub npe nuav has le Henplais lu lug kws has tas, “sis faib.”. rua qhov tam kws nwg ua neej nyob ntawd cov tuabneeg huv nplajteb nuav tau sis faib lawm, hab dlua le ib tug hu ua Yauketaas. 26Yauketaas cov xeebntxwv yog cov Alamudas, cov Selefas, cov Haxemaves, cov Yelas, 27cov Hadaulaas, cov Uxales, cov Nikelas, 28cov Aunpales, cov Anpimales, cov Senpas, 29cov Aufilis, cov Havilas hab cov Yaunpas. Taagnrho cov nuav puavleej yog Yauketaas cov xeebntxwv. 30Lub tebchaws kws puab nyob mas txij ndlua ntawm Masas moog txug rua ntawm Sefalas kws nyob tim lub laaj roob saab nubtuaj. 31Cov nuav yog Xees cov xeebntxwv puab nyag moog nyob nyag ib lub tebchaws lawv le nyag xeem hab nyag paab kws has nyag yaam lug.
32Taagnrho cov tuabneeg kws has taag lug nuav puavleej yog Nau-es cov xeebntxwv, ib tam dlhau rua ib tam lawv le puab tej tsaav tuabneeg. Tom qaab kws dlej nyaab nplajteb txhaj muaj ntau tsaav tuabneeg tawm moog nyob puv lub nplajteb nuav, puab yog Nau-es cov tub tej xeebntxwv.
S'ha seleccionat:
Chivkeeb 10: HNJ2000
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2000 United Bible Societies. All rights reserved.