Rut 2
2
Rut du uţeeh wi Booŧ
1Kë Nowemi aşë ka ayiţul aloŋ du umbaŋ wi ayinul. Awo ñiinţ anyoki abot ameeţana ţi dko di bawooŋ. Awo i pşini ploolan na Elimelek, katim ki nul kawo Booŧ.
2Unuur uloŋ Rut i uŧaak wi Mowab aji na Nowemi : « Wutaan nya du uţeeh ndo kapërënţ ţi kafeţ ki ñaaŋ ankyaaŋ kadinanaan#2.2 kapërënţ ţi kafeţ ki ñaaŋ : Bgah bi Moyiŧ baji bañaaŋ bawo i kado kadinan baaţ bayoţ, na bapoţ banwaaŋuŋ bajug baka, na bajuuk bado kapërënţ ţi kafeţ ki bakit. Natenan ţi Ulibra wi Idolade 19.9-10, na ţi Ulibra wi Pleşan Bgah 24.19-21. »
Kë aŧeema aji : « Abuk naan, yaani. »
3Kë Rut ayaa, ajun ppërënţ ţi kafeţ ki bankkituŋ. Amara awo ţi uţeeh wi Booŧ i pşini pi Elimelek. 4Kë Booŧ aşë ba woona woona wal mënţ ubeeka wi Betleyem, aşë wul bakit mboş aji : « Dñehan Yawe Nawat Kabuka awo na an ».
Kë baŧeema aji : « Ŋñehan Nawat Kabuka awulu bnuura bi nul ! »
5Booŧ kë aşë hepar naweek i bakit aji na a : « Poonu undu awo ahoŋ ? »
6Kë aŧeema aji : « Abiiŋ na Nowemi, awoona uŧaak wi Mowab, awo i da. 7Añehanaan aji nţena ado kapërënţ ţi kafeţ ki bakit. Wi abiiŋ na nfa te hënkuŋ, abi wo wo bnaţ, anoorfënaara ntiinku ţañ. »
8Kë Booŧ aşë ya aji na Rut : « Kya ppërënţ du uţeeh uloŋ umpaţi, wutan kalow, woon na balemp naan baaţ, itee ? 9Jaan kten dko di bakkitnuŋ, kaţaş baka. Meen kë dneenan balempnaan pbanu. Woli udaan uţiju, kya du idunk kadaan meel mi baliikuŋ. »
10Kë Rut aşë ŋup ţi ihoţ yi Booŧ, aşë jaka : « Ddo do hum adoo yeenk bnuura baŋ ţi iwi, nji nayaanţ yaanţ ? »
11Kë Booŧ aŧeema aji : « Baţupën jibi ilempi na ayootanu bŧi, wi ayinu akeţuŋ. Dŧiink jibi iduki şaaş na naan, na uŧaak wi nu, abi du bañaaŋ biki iwooŋ iimbaaŋ kame'aara. 12Dñehan Nawat Kabuka aluku uko wi idoluŋ ! Ibot iyeenk katuum kanuura kanwoonuŋ du Nawat Kabuka Naşibaţi i Iŧrayel, i ibiiŋ amena ţi ibaaklu yi nul ! »
13Kë Rut aşë jaka : « Dñehan kado kawinanaara winana bnuura ţi kadunu, iwi ajug naan ! Itëŋţënaan, wi iţiiniiŋ bnuura na nji nalemparu te mëndo liŋ liŋ na aloŋ ţi balemp biki nu. »
14Wal wi bawooŋ ţi pde kë Booŧ aşë ji na Rut : « Ñogan. Biin ijej kapoom ide, ŧoopan bnduŋ bi nu ţi poŧ. » Kë hënk di aţooŋ, añog bakit, kë Booŧ ajej kak ŋdeey ŋanŧoowuŋ abëkan ţi kadunul. Rut kë ade ayok adoo dukşën. 15Wi akakuŋ ulemp kë Booŧ aşë ji na balemp biki nul aji : « Nawutana ado kapërënţ ţi dko di nadooŋ idëp, nawutan kaneenana pdo haŋ. 16Naţëpan ţëp nadoki nawut ŋdeey ŋloŋ ŋajot ahilna ajejënţ ŋa, nawutan kaŋoman na a. » 17Rut kë aţoo du uţeeh alemp te utaakal. Wi abaaŋ, aşë kob ŋdeey ŋi ajejënţuŋ, kë ŋaŧum uşaaku#2.17 uşaaku : uji uwo uko ji ŋkil iñeen ŋwajanţ . 18Wi wi aşaaŋ akuŋa wa, akak ubeeka, ayootanul kë awin uko wi apërënţuŋ. Rut apënan iko yi añabanuŋ wi bakdeeŋ, awula.
19Kë aşë hepara ajaka : « Ţuŋ di di ipërënţaanuŋ nţa ba ? Du uţeeh wi in, wi wi ilempnuŋ ba ? Dñehan Naşibaţi awul ñaaŋ andinaniiŋ kë ilempi bnuura ! »
Kë Rut aşë ţup ayootanul katim ki ñiinţ i alempnuŋ, aji na a : « Ñiinţ i nji nlempuŋ nţa du uţeehul awo katim ki Booŧ. »
20Kë Nowemi aşë ji na ahar abukul : « Dñehan ayeenk bnuura bi Nawat Kabuka, anjaaŋ ado bnuura ţi bañaaŋ bajeb na bandooŋ abi akeţ ! »
Akak aji na a : « Ñiinţ mënţ ayiţ na nja bnuura, awo ţi bankaaŋ na pdo kaţënk nja#2.20 ankaaŋ na pdo kaţënk nja : bayiţ ankeţuŋ bakaaŋ na pnug ŋţeeh ŋi nul ŋawutna kajot ţi iñen impaţi, bakaaŋ aka kak na pniim ñaaţ woli aambuki.. »
21Kë Rut aşë ji na ateem : « Akak aji na nji nwo na balempul te uba baka kakit. »
22Kë Nowemi aşë ji na Rut ahar abukul : « Waŋ ulil pŧiink, abuk naan, iya na balempul baaţ, ibuur mnhaj du uţeeh wi ñaaŋ aloŋ nampaţi. »
23Rut aţo na baaţ balempar Booŧ, akit na baka, te uba kakit ki ŋdeey ŋŧeek na ŋtëbanţën, aşë woha na ateem.
S'ha seleccionat:
Rut 2: knf
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2014, Wycliffe Bible Translators, Inc. in cooperation with Le Groupe CIM-TBM, Senegal