Tegagia 46
46
I Yako melimba i Masiri
46:1-34
1Kanandiomo pelungkano i Isaraeli saru luwuno arataano ka ihawe i Bereseba. Ka i'amba mompesombaako pesomba sinumbele ndi Ondae Ue Alano i Saki, amano. 2Mepau Iramo Ue Ala ndi Isaraeli a laro pongkita tempono wongi, ”Yako, Yako!” Sangkino, ”Humbee, ndio aku!” 3Ka Do'amba mepau, ”Ongkuemo Ue Ala, Ue Alano amamu. Siimo doito lako i Masiri, hangano Aku weweuko gagi tongku anu langkai i ra'ai. 4Ongkue isa'a kumongkomiko lumako i Masiri ka Ongkue koa mbo'u anu wawako mekule. Kaeno i Yusupu anu ta piio matamu te'ipua.” 5Ka i'amba i Yusupu melungka inso i Bereseba. Luwuno anano i Isaraeli wawao i Yako, amado, saru ana ka beinedo mompake kareta anu inoliwino i Pirao aiwa umalao. 6#Tin. 7:15Domewawa ira mbo'u pinotuwu ka arataado anu mehinawedo i wita Kana'a. Ka i'amba i Yako saru luwuno inuleno mehawe i Masiri. 7Luwuno anano ka ana'ueno, moiko tama maupo beine, luwuno inuleno iwawao i Masiri.
8Ndiomo needo inuleno i Isaraeli, i Yako saru inuleno anu aiwa i Masiri. Ana akano i Yako onaemo i Rube. 9Luwuno anano i Rube onaemo i Heno, i Palu, i Heseroni ka i Karimi. 10Luwuno anano i Simeo onaemo i Yemueli, i Yamini, i Ohadi, i Yakini ka i Sohari saru i Saulu, anano asa beine Kana'a. 11Luwuno anano i Lewi onaemo i Geresoni, i Kehati ka i Merari. 12Luwuno anano i Yehuda onaemo i Eri, i Onani, i Siela, i Peresi ka i Serahi. I Eri ka i Onani mate i wita Kana'a. Luwuno anano i Peresi onaemo i Heseroni ka i Hamuli. 13Luwuno anano i Isakari onaemo i Tola, i Pua, i Ayubi ka i Simeroni. 14Luwuno anano i Sebulo onaemo i Seredi, i Eloni ka i Yahale'eli. 15Onaemo atuu luwuno ana ntamano i Lea, anano i Yako anu pine'anaako i Padana-Arami saru i Dina, anano anu beine. Luwuno tama ka beine, porokono tolu pulu ka otolu mia. 16Luwuno anano i Gadi onaemo i Sipioni, i Hagi, i Siuni, i Aseboni, i Eri, i Arodi ka i Areli. 17Luwuno anano i Asere onaemo i Yimina, i Yisiwa ka i Beria. Pepaekompodo beine i Serahi. Luwuno anano i Beria onaemo i Heberi ka i Malakieli. 18Onaemo atuu inuleno i Silipa, ata beine anu iweeakono i Laba ndi Lea, anano beine. I Silipa me'anaako ira anano i Yako, luwuno hopulu ka onoo mia. 19Luwuno anano i Raheli, beineno i Yako, onaemo i Yusupu ka i Benami. 20#Teg. 41:50-52I wita Masiri, i Yusupu hinao anano i Manase ka i Eparai anu pine'anaakono i Asanati, ana beineno i Potipera, sando mpesomba i Oni. 21Luwuno anano i Benami onaemo i Bela, i Bekeri, i Asibela, i Gera, i Na'ama, i Ehi, i Rosihi, i Mupimi, i Hupimi ka i Aredi. 22Onaemo atuu inuleno i Raheli, anano i Yako anu pine'anaakono. Porokono hopulu ka opaa mia. 23Anano i Dani onaemo i Husimi. 24Luwuno anano i Napatali onaemo i Yahase'eli, i Guni, i Yeseri ka i Silemi. 25Onaemo atuu inuleno i Biliha, ata beine anu iweeakono i Laba ndi Raheli, anano beine. I Biliha me'anaako ira anano i Yako atuu, porokono opitu mia. 26Luwuno mia anu hawe i Masiri meronga i Yako, onaemo inuleno onaeno, porokono nomo pulu ka onoo mia, nahi tewinso kombiado ka luwuno anado. 27#Tin. 7:14Luwuno anano i Yusupu anu hina i Masiri porokono orua mia. Gagi somborino i Yako anu hawe i Masiri, porokono pitu pulu mia.
28I Yako tumenao i Yehuda mese'elungio tepohaweakono i Yusupu, ka i'aiwa i Yusupu i Gose tepohaweakono amano. Ka i'amba mehawe iramo i wita Gose. 29Kontongaano atuu i Yusupu mompatinda karetano ka ilako i Gose, tepohaweakono i Isaraeli, amano. Mansano tepohaweakono amano, ikopuio amano ka ipengese tehine ntu'u a oweano. 30Motae i Isaraeli ndi Yusupu, ”Kanandio-andio moikoomo kumate, mansaku kumitao rupamu ka tumo'orio nine omue da tuwu.” 31Ka i'amba i Yusupu motaeako ira pepaekompono ka luwuno somborino amano, ”Aku me'aro ndi Pirao ka pauakono: Luwuno pepaekompoku ka somborido amaku, anu mpo'ia i wita Kana'a, mehawe iramo ndi ongkue. 32Luwuno mia atuu puu mpopakambi bawaano bembe bimba, hangano ondae mpopekaria pinotuwu. Ondae mpowawa bawaano bembe bimba ka sapi saru luwuno arataado. 33Tewala ipoboikomiu i Pirao ka mesikeno: Hapake po'anggaamiu? 34Omiu asalakono mesangki: Luwumami atamiu andio mpopekaria pinotuwu mompu'u kimengkodei hawe kanandio-andio, moiko omami maupo uempu'umami. Ba kanandio omiu moiko impo'ia i wita Gose.” Hangano luwuno puu mpopakambi bawaano bembe bimba onaemo asa anu minokoburuakodo to Masiri.
বর্তমানে নির্বাচিত:
Tegagia 46: XMZ
হাইলাইট
শেয়ার
কপি
Want to have your highlights saved across all your devices? Sign up or sign in
LAI 2021
