ZEPHANIAH 2
2
Ningkecheruiji Aphan Kechoningri
1Vang-rap-petnon, lapen chingrumnon,
ketherak-re akhei,
2nangtum aphan kephere ason kepangjar pondetde aphrang,
nangtum aphuthak Hemphu jasemet aning kethi nanglele aphrang.
3 Hemphu aphan rinon,
det adang chepabihek atum an,
Alangli hukum keklem atum an;
Akechokpet-le rinon, asotdut-le rinon,
pima Hemphu aningkethi arni nangtum chepatu longpo mene.
Israel Adung-Arei Akhei Akevir
4Pima Gaza ojappo,
lapen Ashkelon ingsamripo;
Ashdod aphan nerlo chitim amat phlungjuipo,#Nerlo chitim; mate manghuhak pen nerlo chitimsi tengkhengpo
lapen Ekron aphan phur-etpo.#Isa 14.29-31; Jer 47.1-7; Eze 25.15-17; Jol 3.4-8; Amo 1.6-8; Zeka 9.5-7
5Pei pei, talo akung kedo atum Nang Cherethi akhei,
Hemphu alam nangbe thurlo,
Kanaan, Philistia atum adet;
lapen kepado abang kepavedetjisi Ne nangpavirdetpo.
6Nang, O talo akung, biresak kevi adim plangpo lapen biresak kevi ahem,
lapen biresak aroi hadak dopo.
7Talo akung lake Judah akhei ahin atumsi cheraipo,
laso aphuthak halatum pachopanpo,
lapen Ashkelon asor halatum arnikangsam lote chongnikurpo.
Pima Hemphu halatum a-Arnam halatum aphan langpo lapen halatum akopai-heihei pachingthurpo.
8“Moab atum kepinrem lapen Amon atum kepano-heihei Ne arjulong-lo,
latum kosonsi Ne rat aphan pinremloma lapen latum ahoi abethursi ane chepathelo.”#Isa 15.1—16.14; 25.10-12; Jer 48.1—49.6; Eze 21.28-32
9La apotsi, “Ne dotik,” pusi muluk a-Hemphu Israel atum a-Arnam pulo,
“Moab ke Sodom ason thak thak plangpo,
lapen Amon atum Gomorrah ason plangpo,
Angsu abap langno lapen ingti ahilik pen keplengset along-le,
lapen kaike aphan ingsamri adim plangpo.
Nerat kedolang ahin halatum amar-atar thiponpo lapen Nedet angbong pen kedolang atum halatum aphan chepahemphupo.”#Kech 19.24
10Halatum kechepindak ale halatum akopai lasonsi plangpo,
pima halatum muluk a-Hemphu arat abe thursi pinremlo lapen ane chepathelo.
11 Hemphu halatum abe pherememesi thurpo;
Kalang, Alangli pirthe adang a-arnam atum aphan pangchirpo,
lapen Alangliphansi amethang methang adim ardom-khruppo,
Talo akung det kedo-an.
12Nangta, O Ethiopia atum,
Ne nokjir pen thinangpo,#Isa 10.5-34; 14.24-27; Nah 1.1—3.19
13lapen Alangli nirep anat abe thursi ari chephejengpo,
lapen Assiria adet pavirji,
lapen Alangli Nineveh rongman paplangpo,
isi krengtai donopin, ingsamri ajo plangpo.
14Pi ahur la angbong domkurpo,
hidi a-ingnam api kedo-anta votakun lapen jok-hi bonghom atum latum arongsopi akut-heihei along dopo;
Vo inghuta inghapso amang along ingrengpo,
Vo-ak#Vo-ak; Ibri atum ke samphridang adim aphansi kepu hongthu athak ingrengpo,
pima la Kedar akam avedetpo.
15Lake ning arongpik arongsopi thangnat kephere avepinpensi dolo pusi aning arlo chepulo,
“Ne lapen nepar baduta avelo.”
Kopi apotsi la isi rongman ason cheplangnang-lo,
isi ingnam api kedo adimlo!
Tovar kedam atum an chi-chi pusi pulo lapen ari chikipsi chehijirpo.
Currently Selected:
ZEPHANIAH 2: KARBIBSI
Highlight
Share
Copy
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.
