ZEKARIAH 2
2
Kepun-i Arri Kethek-long
1Lapen neli ingphun chingthursi lang-lo, lapen thek-long-lo, lapen chininon, inut amonit ari along kepun-i arri do! 2Ansi neli pulo, “Nangli konatsi kedamlo?” Lapen alangli neliphan thak-lo, “Jerusalem arpan lapen arjon ko-an dingma la kepunji.” 3Lapen chini iktha, nelipen kechingki apherangke nangbarlo lapen alangliphan kechetongjisi anut kaprek apherangke vang-lo, 4lapen alangliphan pulo, “Kat-ra halabangso ariso aphan thannon, ‘Jerusalem apaisong kavedet arong-heihei asonsi monit atum dopo, athe ke-ongpi amuluk lapen ongdung achainong kedo apot. 5Pima Ne la komchen me apaisong cheplangpo pusi Hemphu pulo, lapen Ne alangli adak atur cheplangpo.’ ”
Ban Kepontang Atum Aphan Hem Kepachevangtoi
6Oh rat atum! Nirep anat pen nangkat hurnon pusi Hemphu pulo; pima, sining atomon phli ason thak thaksi Ne nangtum aphan bang adet riktang-lo, pusi Hemphu pulo. 7Oh Bebilon arongsopi kedo atum Zaion anat kat-hurnon. 8Pima lasonsi muluk a-Hemphu#Ibri atum laso aphan sonni alamthe pen kepu do, setame latum chinipameme pulo, adak-atur klangdet aphi nangtum amar kethipon adet-heihei anat neliphan toilo, pima nangtum aphan ke-ot abang la Ne kechingkinonei aphansi ot-lo: 9Chinitha, halatum aphuthak Neri hijukji, lapen halatum ke aban atum kethipon amar cheplangpo. Lapen nangtum chinipo la muluk a-Hemphu-si nephan netoilo. 10Lunra ning cheparongnon, O Zaion arongsopi; pima chininon, Ne vang-lo lapen nangtum angbongsi Ne dopo pusi Hemphu pulo. 11Lapen ongdung adet atum halabangso arni Hemphu arat chepangrumsi vangpo lapen Nerat plangpo; lapen Ne nangtum angbong dopo lapen nangtum chinipo la muluk a-Hemphu si nephan netoilo. 12Lapen kangthir adet Alangli pharman asonsi Hemphu, Judah adet chepahemphupo, lapen Alangli Jerusalem aphan ingvaithupo.
13 Hemphu angno kadokave doklip-non; pima Alangli kedo kangthir adim pen thurlo.
Currently Selected:
ZEKARIAH 2: KARBIBSI
Highlight
Share
Copy
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.
