ZEKARIAH 3
3
Montri Kurusarpo Kethek-long
1Ansi alangli neliphan Joshua kuru-sarpo, Hemphu apherangke angno karjapding nepaklang-lo, lapen Soitan#Soitan: Jakong kethepik api, lake monit atum abethursi keklem abang-lo alangliphan ahok-he alam kethanjisi ari ar-e arjapding-lo.#Ezr 5.2; Kepa 12.10 2Lapen Hemphu apherangke#Hemphu apherangke; Ibri atum ke Hemphu putapudet Soitan aphan pulo, “Hemphu nang pangchek nang, O Soitan! Jerusalem aphan kangvaitang a-Hemphu nangphan pangcheknang! Laso abang me akar pen kesanphit athengchum ason kalima?”#Jud 9 3Joshua kesa-ur ape chingchoisi pherangke angno arjapding-lo. 4Lapen hadak karjaphrong atum aphan pherangke pulo, “Kesa-ur ape alangli pen phloknon.” Lapen Alangli alangliphan pulo, Chini iktha, Ne nangpap nang pen pahelo tang-lo, lapen adorkeso ape pensi nang pangchoipo. 5Lapen neli pulo,#Hako ahut alamlar penke Alangli halatum aphan kepapindengjisi hukumpilo; mate Ibri atum ke Ne pulo, “Laphan pachingthangnon” “Halatum alangli phu athak poho kangthir epak paphungnang.” Lasi halatum alangli phu athak poho kangthir epak phung-lo lapen pe-ri kemi-heihei pangchoilo; lapen Hemphu apherangke ke adungsi arjap-lo.
6Lapen Hemphu apherangke Joshua aphan paresi pulo: 7Nang jongsi ne tovar-heihei ateng kengkam chejor lote lapen ne kepu aling klemlote, nang nehem aphuthak chepahemphu longpo lapen ne tikup-heihei lang longpo, lapen dak karjapsar angbong pen nangphan kelut long ajakong nangpidetpo. 8Non arjutha, O Joshua kurusarpo, nang lapen nang ingno kangni nangjirpo atum an, pima halatum mesen angthek-lo, chininon, Ne neban aro pu abangphan vanpo.#Jer 23.35; 33.15; Zeka 6.12 9Pima, Joshua angno ne kebitang arlong isi lep throksi do. Ne laso aphuthak tokpo pusi muluk a-Hemphu pulo, lapen arnisi angbong labangso adet adai an ne pakakdetpo. 10Muluk a-Hemphu pulo, halabangso arni nangtum bangphutin methang arikang lapen thebo arong arum tebok abang aphan phapo.#Mik 4.4
Currently Selected:
ZEKARIAH 3: KARBIBSI
Highlight
Share
Copy
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.
