Intembauzyo 91
91
1Oyo uukede muciyubilo ca-Mupatikampatila
Ulakala mucenzule ca-Singuzuzyoonse.
2Ndaamba aa-Jehova kuti, Macijilo aangu, ndilinga lyangu,
Ngu-Leza wangu ngonsyoma.
3Nkaambo ulakuvuna mukakole kasikuteya,
Akubulwazi bunyonyoona.
4 #
Int 61:4
Ulakuvumbilila amapepe aakwe;
Kunsi amababa aakwe nkoyooyubila;
Kusyomeka kwakwe kulakubeda intobo acikwabilizyo.
5 #
Job 5:19; Tus 3:23; Is 43:2 Tokoonooyoowa ziyoosyo zyamasiku,
Niiba mivwi iiuluka isikati,
6Nebuba bulwazi bweenda mumudima,
Neluba lunyonyooko lusaala ciindi cakalangabwaseme.
7Bantu bali cuulu balawa kumbali lyako,
Azyuulu zili ikumi kujanza lyako lyalulyo,
Pele yebo, tacikooyookuswenenena pe.
8 #
Mal 1:5
Uyoolanga buyo ameso aako,
Akubona impindu yabasizibi.
9Mbowakaamba kuti, Jehova macijilo aangu,
Mbowakabika Mupati-kampatila abe cikalilo cako,
10 #
Tus 1:33; 2 Tes 3:3; 2 Pet 2:9 Tokooyoosikilwa mapenzi,
Abulwazi tabukooyooswena kucilao cako,
11 #
Mt 4:6; Lk 4:10 #
Int 34:7; Mt 4:6; Lk 4:10; Heb 1:14 Nkaambo ulalailila baangelo bakwe aanduwe,
Kuti bakubambe munzila zyako zyoonse,
12 #
Job 5:23; Int 37:24; Mt 4:6; Lk 4:11 Bayookubaka amaanza aabo,
Kuti utalifumpuli kucituta cako kubbwe.
13 #
Lk 10:19
Uyoolyataula mulavu acipile;
Syacanza anzoka uyoozilyataula ansi.
14Mbwabikide moyo wakwe kulindime, njoomuvuna.
Njoomusumpula, nkaambo ulizi izina lyangu.
15 #
Job 22:27; Int 18:3; Jer 33:3; Zek 13:9; Heb 5:7; Int 43:2; 1 Sam 2:30 Ulandikwiilila, lino njoomuvwiila,
Njooba awe mumapenzi,
Njoomuvuna akumulemeka.
16Njoomukutya boongozi,
Akumubonya lufutuko lwangu.
Currently Selected:
Intembauzyo 91: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
