Intembauzyo 92
92
Intembauzyo, Lwiimbo lwabuzuba bwa-Sabata
1Ncibotu kulumba Jehova,
Akutembaula izina lyako, O Mupati-kampatila,
2Kuluula luzyalo lwako cifumo,
Alusyomo lwako masiku,
3Cakulizya kantimbwa akankobela,
Acakwiimbya malimba.
4Nkaambo yebo, O Jehova, wandibotezya kukucita kwako,
Ndaimba cakukondwa kumilimo yamaanza aako,
5 #
Is 28:29; Rom 11:23 Ma! Ilagambya milimo yako, O Jehova!
Miyeeyo yako ilayoosya!
6 #
Int 73:22
Sicinguni tezi,
Mufubafuba tamvwisyi aya:
7 #
Job 21:7; Jer 12:1; Mal 3:15 Nekuba kuti basizibi balamena mbuli bwizu,
Aboonse bacita bubi balasyuuka,
Bayoonyonyoonwa kukabe kutamani,
8Pele yebo, O Jehova, uli kujulu lyoonse,
Ncobeni basinkondonyoko, O Jehova,
9Ncobeni basinkondonyoko balanyonyooka,
Aboonse bacita zyabuyo bayoomwayigwa.
10Pele mebo wasumpula lwija lwangu mbuli lwija lwamunyati,
Ndananikwa mafuta mapya.
11Meso aangu abona kuzundwa kwabaabo bandipenzya,
Matwi aangu amvwa kulila kwababi bandilwanisya.
12 #
Int 52:8; Lwi 7:7 Balulami balasyuuka mbuli makunke,
Balamena mbuli makedari aaku-Lebano,
13 #
Is 60:21; Mt 15:13; Joh 15:2,5 Balisimpidwe muŋanda ya-Jehova,
Balasyuuka mumbuwa zya-Leza wesu.
14Banoocizyala micelo amubucembele bwabo,
Banooneneya akufwefwema;
15 #
Dt 32:4; Rom 9:14 Batondezye kuti Jehova uliluleme;
Ndindomba lyangu, tamukwe bubi mulinguwe.
Currently Selected:
Intembauzyo 92: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
