Popular Bible Verses from Intembauzyo 91

Share

Ndaamba aa-Jehova kuti, Macijilo aangu, ndilinga lyangu, Ngu-Leza wangu ngonsyoma.

Oyo uukede muciyubilo ca-Mupatikampatila Ulakala mucenzule ca-Singuzuzyoonse.

Ulandikwiilila, lino njoomuvwiila, Njooba awe mumapenzi, Njoomuvuna akumulemeka.

Nkaambo ulalailila baangelo bakwe aanduwe, Kuti bakubambe munzila zyako zyoonse

Ulakuvumbilila amapepe aakwe; Kunsi amababa aakwe nkoyooyubila; Kusyomeka kwakwe kulakubeda intobo acikwabilizyo.

Mbowakaamba kuti, Jehova macijilo aangu, Mbowakabika Mupati-kampatila abe cikalilo cako, Tokooyoosikilwa mapenzi, Abulwazi tabukooyooswena kucilao cako

Nkaambo ulakuvuna mukakole kasikuteya, Akubulwazi bunyonyoona.

Bantu bali cuulu balawa kumbali lyako, Azyuulu zili ikumi kujanza lyako lyalulyo, Pele yebo, tacikooyookuswenenena pe.

Tokoonooyoowa ziyoosyo zyamasiku, Niiba mivwi iiuluka isikati, Nebuba bulwazi bweenda mumudima, Neluba lunyonyooko lusaala ciindi cakalangabwaseme.