Intembauzyo 90
90
IBBUKU LYANE
Cikombyo ca-Musa muntu wa-Leza
1o Mwami, nduwe cikalilo cesu,
Mumazyalani oonse.
2 #
Job 38:4-6; Tus 8:25 Zilundu kazitana kwaanzwa,
Kotana kubumba nyika aluwa,
Kuzwa kuciindi eco akusikila kuziindi zyoonse nduwe Leza,
3 #
Matl 3:19; Muk 12:7 Ulapilusya bantu kubulongo,
Ulaamba kuti, Amupiluke nobana ba-Adamu.
4 #
Heb 13:8; 2 Pet 3:8 Nkaambo myaka iili mbuli cuulu mumeso aako
Ili mbuli buzuba bwaiilo bwakainda,
Ambuli kaindi kamasiku kakulindila,
5 #
Is 40:6
Ulabakukulula mbuli lwizi; boona muŋonzi;
Cifumo bali mbuli bwizu bumena.
6 #
Job 14:2; Int 92:7 Cifumo bulamena, bulakula;
Igoko bulamwigwa, bulapusama.
7Nkaambo twasyukuta kubukali bwako,
Amulunyemo lwako twapenzegwa.
8 #
Int 50:21; Jer 16:17; Int 19:12; Tus 5:21; Muk 12:14; Rom 2:16; 1 Kor 4:5; Heb 4:12,13 Wabika milandu yesu kunembo lyako,
Azibi zyesu zisisidwe mumumuni wabusyu bwako.
9Nkaambo mazuba esu oonse amaninina mubukali bwako,
Tulamanizya myaka yesu mbuli kusintimuka,
10Myaka yabuumi bwesu ili makumi aali musanu aabili,
Na tuli basinguzu ambweni ilasika kumakumi aali musanu aatatu;
Pele bunji bwayo makatazyo buyo amapenzi,
Nkaambo ilafwamba kumana, nkabela tulauluka.
11Ngwani uuzi inguzu zyabukali bwako,
Abulemu bwako mboelede kuyoowegwa?
12 #
Int 39:4
Utwiiyisye kubala mazuba esu,
Kuti tujane moyo wabusongo.
13 #
Dt 32:36
Boola, O Jehova. Ino bukamane lili?
Kofwida balanda bako buuya.
14Ci fumo utukusye luzyalo lwako,
Kuti twiimbe cakukondwa mazuba esu oonse.
15Utubotezye mbubonya mbuli mazuba ngowatupenzya,
Amyaka njetwakali kweenda mumafwabi.
16 #
Int 44:1; Hab 3:2 Milimo yako ibonwe kubalanda bako,
Abulemu bwako kubana babo.
17 #
Is 26:12; 2 Tes 2:16,17 Lino lubotezyo lwa-Jehova Leza wesu alube alindiswe;
Milimo yamaanza esu ilondolwe kulinduwe,
Ii, londola milimo yamaanza esu.
Currently Selected:
Intembauzyo 90: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
