Tusimpi 2
2
Zyoolwe zizwa kubusongo
1Mwanaangu, na watambula majwi aangu,
Akubamba kabotu malailile aangu,
2Na wacenjeka kutwi kwako kubusongo,
Akubika moyo wako kukumvwisya makani,
3Na walilila kumvwa,
Akoongolola kuti ube amaanu,
4 #
Int 19:10; Tus 3:14,15; Mt 6:19-21 Na wabuyandaula mbuli insiliva,
Akubulangaula mbuli zintu ziyandika zisisidwe,
5Ncobeni uyoomvwa kuyoowa Jehova,
Akujana luzibo lwa-Leza.
6 #
Lk 21:15; Joh 6:45; Jak 1:5 Nkaambo Jehova ulaabila busongo;
Mumulomo wakwe mulazwa luzibo abusongo.
7 #
Int 84:11
Ulayobweda baluleme maanu;
Nintobo yabaabo beenda cakoololoka.
8 #
1 Sam 2:9; 1 Pet 1:5; Int 37:23,24,28,31 Ulabamba inzila zyambeta,
Akululamika migwagwa yabasalali bakwe.
9Lino uyoomvwa bululami, alubeta,
Aboololoki, nkokuti ziyanda zibotu zyoonse.
10Nkaambo busongo bulanjila mumoyo wako,
Aluzibo lulakubotezya;
11 #
Tus 6:22
Maanu alakubamba,
Bupampu bulakutabilila;
12Kuti zikuvune kunzila yabubi,
Akubantu baamba zipilingene,
13 #
Joh 3:19; Ef 4:18 Basia inzila ziluleme,
Beenda mumigwagwa yamudima,
14Babotelwa kucita zibi,
Bayandisya kupilingana kwabubi,
15Bantu banzila zinyonyongene,
Beenda cakupilingana.
16Zilakuvuna kumwanakazi sizibi,
Kumwanakazi uupilingene uuamba majwi aakoongelezya,
17 #
Mal 2:14; Matl 2:24 Uulekene amwaalumi wabucece bwakwe,
Uulubide cizuminano ca-Leza wakwe.
18Nkaambo iŋanda yakwe itola kulufu,
Anzila zyakwe zitola kubusangu.
19 #
Muk 7:26; Heb 13:4 Taakwe baya kulinguwe baboola;
Tabapiluki munzila zyabuumi.
20 #
Heb 6:12
Aboobo uleenda munzila zyabantu babotu,
Akutobela migwagwa yabaluleme.
21Nkaambo baluleme bayookala munyika; B
aololokede mbebayoosyaala mulinjiyo;
22Pele basizibi bayoonyonyoonwa munyika,
Abasilweeno bayoogwisigwa.
Currently Selected:
Tusimpi 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
