Popular Bible Verses from Tusimpi 2

Share

Nkaambo Jehova ulaabila busongo; Mumulomo wakwe mulazwa luzibo abusongo.

Mwanaangu, na watambula majwi aangu, Akubamba kabotu malailile aangu, Na wacenjeka kutwi kwako kubusongo, Akubika moyo wako kukumvwisya makani, Na walilila kumvwa, Akoongolola kuti ube amaanu, Na wabuyandaula mbuli insiliva, Akubulangaula mbuli zintu ziyandika zisisidwe, Ncobeni uyoomvwa kuyoowa Jehova, Akujana luzibo lwa-Leza.

Ulayobweda baluleme maanu; Nintobo yabaabo beenda cakoololoka. Ulabamba inzila zyambeta, Akululamika migwagwa yabasalali bakwe.

Nkaambo baluleme bayookala munyika; B aololokede mbebayoosyaala mulinjiyo; Pele basizibi bayoonyonyoonwa munyika, Abasilweeno bayoogwisigwa.

Zilakuvuna kumwanakazi sizibi, Kumwanakazi uupilingene uuamba majwi aakoongelezya, Uulekene amwaalumi wabucece bwakwe, Uulubide cizuminano ca-Leza wakwe.