Popular Bible Verses from Tusimpi 3

Share

Syoma Jehova amoyo wako woonse; Utalifunkizyi kumaanu aako omwini. Umuzibye munzila zyako zyoonse, Nkabela uyooenzya myeendelo yako.

Utalisongwaazyi muneso aako omwini; Syoma Jehova akuleka bubi.

Lemeka Jehova ambono zyako, Akabalwebalwe wamicelo yako, Elyo matala aako ayoozula mwa, Azisinino zyako ziyoofwasuka waini.

Luzyalo alusyomo, zitakusii; Uzyaangilile munsingo yako, Akuzilemba acilembelo camunoyo wako.

Mwanaangu, utasampauli lweempyo lwa-Jehova, Nekuba kulikataazya kukutapatila kwakwe, Nkaambo kufumbwa muntu ngwayanda Jehova, ulamweempya, Alimwi ulanunsaula mwana umwi aumwi ngwatambula.

Mwanaangu, utalubi mulao wangu; Moyo wako ujatisye malailile aangu; Nkaambo koongola, amyaka yabuumi, Aluumuno, zilakuletela ezi zyoonse.

Uli acoolwe kufumbwa muntu uujana busongo, Ayooyo uuvuba bupampu, Nkaambo kusambala kwabo nkubotu kwiinda kusambala kwansiliva Ampindu yabo ilainda impindu yangolida. Bulayandika kwiinda mabwe aarubi aabalangala, Azintu zyoonse nzoyandisya tazyeelene abo

Utakasyi lugwasyo kubantu balweelede, Na ulakonzya kucita.

Jehova mubusongo bwakwe wakabika intalisyo zyanyika; Abupampu bwakwe mbobwakaimika ijulu.