Tusimpi 3
3
Kulemeka Jehova nkokuleta coolwe
1 #
Dt 30:16
Mwanaangu, utalubi mulao wangu;
Moyo wako ujatisye malailile aangu;
2Nkaambo koongola, amyaka yabuumi,
Aluumuno, zilakuletela ezi zyoonse.
3 #
Dt 6:8; Jer 17:1; 2 Kor 3:3 Luzyalo alusyomo, zitakusii;
Uzyaangilile munsingo yako,
Akuzilemba acilembelo camunoyo wako.
4 #
Lk 2:52; 1 Sam 2:26; Inc 2:47 Aboobo uyoojana luzyalo ampuwo imbotu
Mumeso aa-Leza amuneso aabantu,
5 #
Jer 9:23
Syoma Jehova amoyo wako woonse;
Utalifunkizyi kumaanu aako omwini.
6 #
1 Mak 28:9; Jer 10:23 Umuzibye munzila zyako zyoonse,
Nkabela uyooenzya myeendelo yako.
7 #
Rom 12:16
Utalisongwaazyi muneso aako omwini;
Syoma Jehova akuleka bubi.
8Kucita obo kulaponya mubili wako,
Kulakatalusya zifuwa zyako.
9 #
Kul 23:19
Lemeka Jehova ambono zyako,
Akabalwebalwe wamicelo yako,
10 #
Dt 28:8
Elyo matala aako ayoozula mwa,
Azisinino zyako ziyoofwasuka waini.
11 #
Job 5:17; Heb 12:5 Mwanaangu, utasampauli lweempyo lwa-Jehova,
Nekuba kulikataazya kukutapatila kwakwe,
12 #
Ciy 3:19; Dt 8:5 Nkaambo kufumbwa muntu ngwayanda Jehova,
ulamweempya, Alimwi ulanunsaula mwana umwi aumwi ngwatambula.
Bubotu bwabusongo
13Uli acoolwe kufumbwa muntu uujana busongo,
Ayooyo uuvuba bupampu,
14 #
Job 28:13; Tus 2:4; 8:11,19 Nkaambo kusambala kwabo nkubotu kwiinda kusambala kwansiliva
Ampindu yabo ilainda impindu yangolida.
15 #
Mt 13:44
Bulayandika kwiinda mabwe aarubi aabalangala,
Azintu zyoonse nzoyandisya tazyeelene abo,
16 #
1 Tim 4:8
Boongozi buli mujanza lyabo lyalulyo,
Amujanza lyabo lyalumwensi muli buvubi abulemu,
17 #
Mt 11:29
Inzila zyabo ninzila zibotezya,
Amigwagwa yabo yoonse njaluumuno.
18 #
Matl 2:9
Musamu wabuumi kuli boonse babujana;
Bali acoolwe boonse babujatisya,
19 #
Tus 8:27; Joh 1:3; Heb 1:2 Jehova mubusongo bwakwe wakabika intalisyo zyanyika;
Abupampu bwakwe mbobwakaimika ijulu.
20 #
Dt 33:28; Job 36:28 Kuluzibo lwakwe maanzi malamfu akapambuka,
Alimwi mayoba alalosya mume.
21Mwanaangu, zitazwi kumeso aako;
Jatisya maanu abusongo.
22Ziyookubeda buumi,
Amunkonde kunsingo yako.
23Lino unooenda cakutayoowa,
Amaulu aako taakooyootezeleka.
24 #
Lev 26:6
Ciindi cakulala tokayoowi;
Ciindi cakoona iŋonzi zyako zilanona.
25Utayoowi mafwabi aakoongomokela,
Naaba mapenzi aabasizibi naasika.
26Nkaambo Jehova uyooba lusyomo lwako,
Aboobo uyookasya maulu aako kucegwa.
Zicenjezyo azimwi
27 #
Rom 13:7; Gal 6:10 Utakasyi lugwasyo kubantu balweelede,
Na ulakonzya kucita.
28 #
Lev 19:13; Dt 24:15 Utaambili mweenzinyoko kuti,
Koya, uboole junza, nkakupe; Anukuti ulicijisi kale.
29Utayeeyi kucitila mweenzinyoko bubi,
Uukala calusyomo kumbali lyako.
30 #
Rom 12:18
Utaambani amuntu uutakwe kaambo,
Uutana kukucitila bubi.
31Utabi amunyono kumuntu silunya,
Alimwi utatobeli inzila zyakwe,
32Nkaambo muntu uupilingene ulasesemya Jehova,
Pele bantu baluleme mbobajisi lulayo lwakwe.
33 #
Zek 5:4; Mal 2:2; Int 1:3 Lutuko lwa-Jehova luli muŋanda yabasizibi,
Pele cikalilo cabaluleme ulacilongezya,
34 #
Jak 4:6; 1 Pet 5:5; Int 138:6; Mt 23:12 Basimucobwe ulabacobola,
Pele babombumyoyo ulabafwida luzyalo.
35 #
Dan 12:2
Basongo balakona bulemu,
Pele bafubafuba balausigwa insoni.
Currently Selected:
Tusimpi 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
