Tusimpi 1
1
Matalikilo: milimo yatusimpi
1 #
1 Bam 4:32
Ntootu tusimpi twa-Solomoni mwana wa-Davida mwami wa-Israyeli:
2Kuti bantu bazibe busongo alulayo,
Baswiilile majwi aakumvwisya,
3 #
Tus 2:1
Batambule lulayo lwakucenjeia,
Bululami, ambeta, aboololoki;
4Kuti babombumyoyo bapegwe maanu,
Abalombe bajane luzibo alumvwisyo;
5Kuti musongo aswiilile akuliyungizizya lwiiyo,
Asimaanu alijanine lulayo;
6Bantu bamvwisye tusimpi azikozyano,
Majwi aabasongo atulabi twabo.
Lucenjezyo lwanzila zibi
7 #
Job 28:28; Int 111:10; Tus 9:10 Kuyoowa Jehova matalikilo aaluzibo,
Pele bafubafuba balasampaula busongo alulayo.
8Swiilila, mwanaangu, lulayo lwauso,
Alimwi utataalazyi mulao wabanyoko,
9Nkaambo zila ba ingala kumutwe wako,
Aluwenje munsingo yako.
10 #
Matl 39:7; Bab 16:16-21; Rom 16:18; Ef 5:11 Mwanaangu, na basizibi bakoongelezya,
Utazumini,
11 #
Tus 12:6; Jer 5:26; Mik 7:2 Na baamba kuti, Katuya ayebo, tulindile bulowa,
Tujane bantu batakwe mulandu,
12 #
Int 28:1
Tubamene baciputa mbuli kwacimvumwe,
Tubamenenene mbuli abo baselukila mukabanda;
13Lino tuyoojana zintu ziyandika,
Akuzuzya maanda esu imbono;
14Waala ciselo cako munkamu yesu,
Toonse tube acikwama comwe buyo—
15 #
Tus 4:14
Mwanaangu, uteendi abo munzila,
Kasya maulu aako kunzila zyabo;
16 #
Is 59:7
Nkaambo maulu aabo alacijaanina bubi,
Balafwambaanina kutila bulowa.
17Ncobeni taakwe milimo kuteya kakole
Mumeso aamuyuni,
18Pele bantu aba balalindila bulowa bwabo beni,
Basi jate buumi bwabo beni.
19 #
2 Bam 5:20-27; Mik 2:1-3; 1 Tim 6:10 Mbuzibede inzila zyaboonse bajana impindu yabubi;
Ilanyanzya buumi bwabasikwiivuba,
Busongo mbobucenjezya bantu
20 #
Tus 8:1-3
Busongo bulaita mumigwagwa,
Buloongolola mumasambalilo.
21Atala amalambo bulaita,
Akumanjililo aamilyango yamunzi bulaamba kuti,
22Inywe nomutezi, mulaleka lili kuyandisya kutaziba?
Anywebo nobasikasampusampu, kusampaula kulaleka lili kumubotezya?
Nobafubafuba mulaleka lili kusula luzibo?
23 #
Joel 2:28; Joh 7:37 Amucenjele kutapatila kwangu.
Njoomutilila muuya wangu,
Njoomuzibya majwi aangu.
24 #
Is 66:4; Jer 7:13; Zek 7:11 Ndakaita, pele mwakakaka;
Ndakatandabika maanza aangu, pele teemwakaswiilila;
25 #
Lk 7:30
Mwakasampaula lulayo lwangu loonse,
Akutabika myoyo yanu kukucenjezya kwangu.
26Nkaambo kako ambebo njooseka kumapenzi aanu,
Njoomusampaula kuciindi cakuyoowa kwanu,
27Buyoofu nibuyoomusikila mbuli iguwo,
Amapenzi aanu mbuli kambizi,
Nimuyoopenga akuciswa mumyoyo yanu.
28 #
Is 1:15; Jer 14:12; Mik 3:4; Jak 4:3 Lino bayoondiita, pele nsikooyoovuwa;
Bayoondiyandaula, pele tabakooyoondijana.
29 #
Job 21:14; Int 50:16,17; Is 27:11; Joh 3:20; Inc 7:51 Bakasula luzibo,
Teebakasala kuyoowa Jehova;
30Bakakaka kuswiilila lulayo lwangu,
Bakasampaula kucenjezya kwangu;
31 #
Is 3:11
Nkaambo kako bayoolya micelo yanzila yabo,
Bayookuta makanze aabo.
32Nkaambo batezi kuleyauka kwabo kulabajaya,
Akuliiba kwabafubafuba kulabanyonyoona,
33Pele abo baswiilila ndime bayookala kabotu,
Bayooba aluumuno cakutayoowa bubi.
Currently Selected:
Tusimpi 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
