Tusimpi 12
12
1Uuyanda lulayo ulayanda luzibo,
Pele uusula kutapatilwa mufubafuba.
2Muntu mubotu ulajana coolwe kuli-Jehova,
Pele muntu wamiyeeyo mibi ulamupa mulandu,
3Muntu taimizigwi mububi,
Pele miyanda yabaluleme tiikooyoononkolwa.
4 #
Tus 31:23; 1 Kor 11:7; Tus 14:30 Mwanakazi mubotu munsini wamulumaakwe,
Pele oyo uusya insoni uli mbuli bubozi muzifuwa zyakwe.
5Miyeeyo yabaluleme niabulemu,
Pele makanze aabasizibi ngalweeno.
6Majwi aabasizibi alalindila bulowa,
Pele milomo yabaluleme ilabavuna,
7 #
Mt 7:24
Basizibi balanyonyooka, tababonwi limbi,
Pele iŋanda yabaluleme ilaima nji,
8 #
1 Sam 13:13; Mal 2:8,9; Tus 1:25,26; 3:35; Mt 27:4,5 Muntu ulatembaulwa mbubonya mbuli busongo bwakwe,
Pele bapilingene myoyo balasampaulwa.
9Muntu buyo uujisi mulanda wabota
Kwiinda muntu uulipa kamikami pele wabula cakulya.
10 #
Dt 25:4
Muntu uululeme ulalela kabotu banyama bakwe,
Pele basizibi, luzyalo lwabo mbukali.
11 #
Matl 3:19; Tus 28:19; Ef 4:28; 1 Tes 4:11 Uulima nyika yakwe ulakuta zilyo,
Pele uutobela zintu zyabuyo wabula boongo,
12 #
Int 1:3; Lk 8:15 Iŋanda injumu yabasizibi ilanyonyooka,
Pele miyanda yabaluleme ilaima nji,
13 #
2 Pet 2:9
Muntu mubi ulacegwa kukubisya kwamilomo yakwe,
Pele uululeme ulavunwa mumapenzi.
14 #
Is 3:10
Micelo yamulomo wakwe ilakutya muntu bubotu,
Pele milimo yamaanza aamuntu ilamubweeda.
15 #
Lk 18:11
Inzila yamufubafuba ililuleme mumeso aakwe mwini,
Pele oyo uuswiilila lulayo musongo.
16Bukali bwamufubafuba bulaboneka ndilyonya,
Pele musongo ulasisa insoni zyakwe,
17Uuamba cakusinizya nguutondezya bululami,
Pele kamboni mubeji uleena.
18Majwi aabantu bamwi alayasa mbuli ipanga,
Pele lulimi lwabasongo lulaponya.
19 #
Zek 1:5,6 Milomo iiamba lusinizyo ilakalilila lyoonse,
Pele lulimi lweena ndwakaindi kani ini buyo,
20Lweeno moluli mumyoyo yabaabo bakanza bubi,
Pele abo bayeeya luumuno balijisi kukondwa,
21 #
Rom 8:28; 2 Tes 1:6; 2 Pet 2:9 Baluleme tabakooyoosikilwa mafwabi,
Pele basizibi bayoozula mapenzi,
22 #
Ciy 22:15
Milomo iibeja ilasesemya Jehova,
Pele abo bacita cakusyomeka mbebamubotezya.
23Muntu uucenjede ulasisa luzibo lwakwe,
Pele myoyo yabafubafuba ilaamba zipilingene.
24 #
1 Bam 11:28; Tus 10:4 Ijanza lyamusungusungu lileendelezya,
Pele batolo balatolwa kucibalo.
25 #
Is 50:4
Buusu bwamumoyo wamuntu bulamulemezya,
Pele ijwi ibbotu lilamusekelezya.
26Muntu uululeme uleenzya mweenzinyina,
Pele inzila yabasizibi ilabaleesya.
27Muntu mutolo talivwimini zyakulya,
Pele muntu musungu nguujana imbono ziyandika.
28 #
Dt 30:15; Mt 19:17; Rom 5:21; 2 Kor 4:17; Ciy 2:7 Munzila yabululami muli buumi,
Pele inzila yakubisya ilatola kulufu.
Currently Selected:
Tusimpi 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
