Tusimpi 13
13
1 #
1 Sam 2:25; Tus 9:7,8 Mwana musongo ulaswiilila lulayo lwawisi,
Pele sikasampusampu tamvwi kutapatilwa,
2Kumicelo yamulomo wakwe muntu ulalya zibotu,
Pele moyo wasilweeno ulalya lunyonyongano,
3 #
Int 39:1
Uubamba milomo yakwe nguubamba buumi bwakwe,
Pele uuasama amulomo wakwe ulanyonyooka.
4Moyo wamutolo ulasukama, pele tajisi cintu;
Moyo wamusungusungu ulanenesegwa.
5 #
Kol 3:9; Rom 12:9 Muntu uululeme ulasula kweena;
Sizibi ulasesemya, ulausya insoni.
6 #
Tus 11:3
Bululami bulabamba uululeme munzila,
Pele bubi bulanyonyoona sizibi,
7Umwi muntu ulaamba kuti,
Ndi muvubi, anu kuti taakwe ncajisi;
Mweenzinyina ula amba kuti,
Ndi mutengwana anukuti uli ambono zinji,
8Lununuko lwabuumi bwamuntu nimbono zyakwe,
Pele mutengwana tajisi cakununuzya.
9Mumuni wabalulami ulasekelela,
Pele ilampi lyabasizibi liyoozimwa.
10Kulisumpula kulabusya inkondo buyo,
Pele abo baswiilila kulayigwa mbasongo,
11 #
Tus 20:21
Buvubi bufwambaana kujanwa bulamwaika,
Pele uubungika buniini nguuyoobuvuzya,
12Bulangizi butafwambi kuzuzikizigwa bulacisya moyo,
Pele moyo nuujana ncuusukeme, musamu wabuumi,
13 #
2 Mak 36:16
Uusampaula makani ulaliletela lunyonyooko,
Pele uuyoowa malailile uyoojana bulumbu,
14 #
Tus 16:22; 15:24; 2 Sam 22:6; Int 116:3 Mulao wabasongo nkasensa kabuumi,
Ulavuna kutukole twalufu,
15Busongo bubotu bulaleta coolwe,
Pele inzila yabasikweena ilatola kulunyonyooko.
16 #
Tus 12:23
Muntu uucenjede ulacita caluzibo,
Pele mufubafuba ulamwayaula kupilingana kwakwe,
17Mutumwa mubi ulawida mububi,
Pele ngambela uusyomeka ulaponya.
18 #
Tus 15:5
Uukaka kulayigwa ulajana bucete abweeme,
Pele uubika moyo wakwe kukutapatilwa ulalemekwa.
19Cilabotezya moyo kujana ncuusukeme,
Pele kuleka bubi kulasesemya bafubatuba.
20Uuenda abasongo ulasongwaala,
Pele muzwalani wabafubafuba ulabisizigwa.
21 #
Int 32:10
Mapenzi alatobela basizibi,
Pele baluleme balalumbulwa coolwe,
22 #
Muk 2:26
Muntu mubotu ulasiila bazukulu bakwe lukono,
Pele imbono zyabasizibi zilayobwedwa baluleme,
23 #
Tus 12:11
Bulilu bunji mobuli munyika yabacete,
Pele bulakukulwa mukubula imbeta.
24 #
Tus 19:18; 22:15 Uuleka cuumyo ulisulide mwanaakwe,
Pele uumuyandisya ulasungwaala kumukoma.
25Mululami ulalya cakukutya moyo wakwe,
Pele ida lyasizibi lilabula cakulya.
Currently Selected:
Tusimpi 13: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
