Tusimpi 11
11
1Zipimyo zibeja zilasesemya Jehova,
Pele ceelesyo ciluleme cilamubotezya.
2 #
Dan 4:30
Kasika kamikami, kulasika insoni,
Pele babombumyoyo mbe bajisi busongo,
3Bululami bwabaololokede bulabeenzya,
Pele kupilingana kwabasikweena ndunyonyooko lwabo,
4 #
Ezk 7:19; Zef 1:18; Matl 7:1 Imbono tazigwasyi mubuzuba bwabukali,
Pele bululami bulavuna kulufu,
5Boololoki bwabalulami buleenzya inzila zyabo,
Pele sizibi ulawisigwa kububi bwakwe mwini,
6 #
1 Tim 4:8; Muk 10:8 Bululami bwabaololokede bulabavuna,
Pele basikweena balacegwa muzisusi zyabo,
7Muntu sizibi na wafwa, bulangizi bwakwe bulamana;
Kusyoma kwabasikasampusampu kulanyonyooka,
8Mululami ulavunwa kumapenzi,
Lino sizibi ulaajana mucibaka cakwe.
9 #
Job 8:13
Sikasampusampu ulanyonyoona mweenzinyina amulomo wakwe,
Pele baluleme balavunwa kuluzibo lwabo.
10 #
Es 8:15
Baluleme na bajana coolwe, munzi ulasekelela,
Alimwi basizibi na banyonyooka, kulaba cikwala cakukoudwa,
11Kulongezya kwabaluleme kulasumpula munzi,
Pele milomo yabasizibi ilaunyonyoona.
12Uusampaula mweenzinyina takwe boongo;
Muntu musongo ulaumuna buyo,
13Uuya bulengelela ulayubununa makani aasisidwe,
Pele muntu uusyomeka ulasisa makani.
14 #
1 Bam 12:1
Na kwabula lulayo, bantu balawa,
Pele mubunji bwabasinkuta molujanwa lufutuko,
15Uusukana mujanza auuzwa kule, ncobeni ulabijilwa,
Pele oyo uusula luzuminano ulakala kabotu.
16Mwanakazi siluzyalo ulalijanina bulemu;
Baalumi bakali balalijanina buvubi buyo,
17 #
Mt 25:34
Muntu siluzyalo ulaligwasya mwini,
Pele muntu mukali ulalibisizya.
18 #
Hos 10:12; Gal 6:8,9 Sizibi ulajana zyakuvola zyalweeno,
Pele uubyala bululami ulajana impindu iitamani.
19Uuimvwi nji mubululami ulajana buumi,
Pele uutobela bubi bulamutola kulufu.
20Bantu bapilingene mumyoyo balasesemya Jehova,
Pele basinzila iiluleme balamubotezya.
21Ncobeni basizibi tabakoocija lweempyo,
Pele baluleme mbebayoovunwa,
22Mbuli cilisakatizyo cangolida mumpemo yangulube,
Mbwabede mwanakazi uuebeka uukaka lulayo,
23 #
Rom 2:8
Kusukama kwabaluleme kulatola kububotu,
Pele sizibi ncalindila mbukali buyo.
24Umwi muntu ulapa cakumwaya, nekubaboobo buvubi bwakwe bucaanda;
Mweenzinyina ulakaka nceelede kupa, nekubaboobo ulajana bucete buyo,
25 #
Mt 5:7
Moyo wamwaabi ulanenesegwa, Ayooyo uutilaila ulatilaililwa alakwe,
26 #
Am 8:5; Job 29:13 Uukasya maila, bantu balamutukila,
Pele coolwe cili amutwe wayooyo uulisya.
27 #
Es 7:10
Uusungwaalila bubotu ulayandaula coolwe,
Pele oyo uuyandaula bubi, bulamweenzya.
28 #
Mk 10:24; Lk 12:21; 1 Tim 6:17; Jer 17:8 Uusyoma buvubi bwakwe ulawa,
Pele baluleme balasyuuka mbuli itu itete,
29 #
Muk 5:16
Uukataazya ciinga cakwe ulakona muuwo,
Amufubafuba ulaba muzike wamusongo.
30Micelo yabaluleme musamu wabuumi,
Pele lunyonyongano lulanyanzya buumi.
31 #
1 Pet 4:18; Jer 25:29 Uululeme ulalumbwidwa mbweelede ansi ano;
Alakwe sizibi asikasampusampu kwiinda.
Currently Selected:
Tusimpi 11: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
