Tusimpi 10
10
Tusimpi twamisyobo misyobo
1Ntootu tusimpi twa-Solomoni,
Mwana musongo ulakondezya wisi,
Pele mwana mufubafuba ulaletela banyina insoni.
2 #
Int 49:6; Lk 12:19; Dan 4:27 Imbono zijanwa mububi tazigwasyi,
Pele bululami bulavuna kulufu,
3 #
Int 10:14
Jehova tazumizyi baluleme kufwa inzala,
Pele kusukama kwabasizibi ulakukaka.
4 #
Tus 13:4
Ijanza itolo lilaleta bucete,
Pele maanza aabasungusungu alavubya.
5Mwana uucela ciindi cacilimo musongo,
Pele mwana unona ciindi cakutebula ulausya insoni.
6 #
Es 7:8
Zyoolwe zilikede amutwe wamululami,
Pele mulomo wasizibi ulivumbidwe lunyonyongano.
7 #
Int 9:5,6; Muk 8:10 Ciibalusyo cabaluleme cili acoolwe,
Pele izina lyabasizibi lila bo la.
8Bacenjede mumyoyo balaswiilila milazyo,
Pele sikubwanta mufubafuba ulanyonyooka.
9 #
Int 23:4; Is 33:15,16 Uuenda cakululama uleenda caluumuno,
Pele uupilinganya inzila zyakwe uyoozibwa.
10Uufwinya meso ulabusya inkondo,
Pele oyo uutapatila cakutayoowa ulaleta luumuno.
11 #
Int 37:30; 107:42 Mulomo wauululeme nkasensa kabuumi,
Pele mulomo wasizibi ulivumbidwe lunyonyongano.
12 #
Jak 5:20; 1 Pet 4:8; 1 Kor 13:4 Lusulo lulabusya inkondo,
Pele luyando lulavumbilila milandu yoonse.
13 #
Lk 4:22
Kumilomo yamuntu uucenjede nkobujanwa busongo,
Pele oyo uubula boongo, musako uli amusana wakwe.
14Bantu basongo bayobola luzibo,
Pele kubwanta kwamufubafuba kulaleta lunyonyooko.
15 #
Job 31:24; Tus 18:11; Lk 12:19; 1 Tim 6:17 Imbono zyamuvubi munzi wakwe muyumu,
Pele lunyonyooko lwabatengwana mbucete bwabo.
16Zyakuvola zyamululami zilatola kubuumi,
Pele impindu yasizibi njiibusya bubi.
17Uubika moyo wakwe kululayo uli munzila yabuumi,
Pele oyo uukaka kutapatilwa ulasweka,
18Uusisa lusulo uli amilomo yakubeja,
Ayooyo uulengelela mweenzinyina mufubafuba.
19 #
Muk 5:3; Int 39:1; Tus 17:27,28; Jak 1:19 Mukuvula kwamajwi tamubuli mulandu,
Pele oyo uukasya milomo yakwe musongo.
20Lulimi lwamululami ninsiliva imbotu,
Pele myoyo yabasizibi tiigwasyi loko.
21Milomo yabaluleme ilakusya bantu banji,
Pele bafubafuba balafwa nkaambo kakubula boongo.
22 #
Matl 12:2; Dt 8:17,18; 1 Sam 2:7,8; 1 Tim 4:8 Lulongezyo lwa-Jehova lulavubya,
Alimwi tayungizyi mause kulindulo.
23Kucita bubi ncisobano kumufubafuba,
Pele kucita cabusongo nkokubotezya muntu uucenjede.
24 #
Job 15:21; Mt 5:6 Sizibi ulasikilwa cintu eco nciconya ncayoowa,
Pele mululami ulapegwa neuuyanda moyo wakwe.
25 #
Int 15:5; Mt 7:24; 1 Tim 6:19 Iguwo lilainda, lino sizibi taciboneki limbi,
Pele uululeme ulaima nji.
26Mbuli ndulwe kumene, ambuli busi kumeso,
Mbwabede mutolo kulibaabo bamutuma.
27 #
Muk 7:17
Kuyoowa Jehova kulaongozya,
Pele myaka yabasizibi ilafwinsigwa.
28 #
Int 16:9; Rom 5:2; Job 8:13 Kusyoma kwabalulami kulaleta kukondwa,
Pele bulangizi bwabasizibi buyoofwidilila.
29 #
Zek 10:12; Flp 4:13; Is 40:31; Int 1:6 Inzila ya-Jehova nciyubilo ciyumu kubalulami,
Pele kulibasikucita zibi ndunyonyooko.
30Uululeme takooyoosunzululwa lyoonse,
Pele basizibi tabakooyookala munyika.
31Mulomo wamuntu uululeme ulatuntumuna busongo,
Pele lulimi lupilingene luyookosolwa.
32Milomo yamululami ilizi cintu citambulika mbucibede,
Pele milomo yabasizibi ilaamba zipilingene.
Currently Selected:
Tusimpi 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
