Tusimpi 9
9
Busongo abufubafuba
1 #
Mt 16:18; Ef 2:20; 1 Tim 3:15; Heb 3:3-6 Busongo bwaliyakila iŋanda;
Bwalibezela misumpululu iili musanu aibili.
2Bwalijayila banyama,
Bwalivwelaninya zyakunywa,
Bwalibambila intafule,
3 #
Mt 22:3,4,9; Lk 14:17; Rom 10:15 Bwatuma basimbi bambubo,
Baumine mompompo anduli;
4 #
Tus 6:32; Mt 11:25 Bwati, Kufumbwa uubula maanu aboole okuno,
Ayooyo uutakwe boongo ulamwaambila kuti,
5 #
Lwi 5:1; Is 55:1; Mt 26:26-28 Amuboole, mulye cilyo cangu,
Akunywa zyakunywa nzendakavwelanya,
6Amuleke kutaziba, mupone,
Amweende munzila yabupampu.
7Kufumbwa uulaya sikasampusampu ulalijanina lutuko,
Ayooyo uutapatila basizibi ulatambula malweza.
8 #
Mt 7:6; Int 141:5 Utatapatili sikasampusampu, atene ulakusula;
Tapatila musongo; ulakuyanda.
9 #
Mt 13:12
Iyisya muntu musongo, ulaliyungizizya busongo alimwi,
Fundisya muntu uululeme, ulavuzya luzibo lwakwe.
10 #
Job 28:28; Int 111:10; Tus 1:7 Kuyoowa Jehova matalikilo aabusongo;
Kuziba Uusalala nduzibo.
11 #
Tus 10:27
Nkaambo ndime uuvuzya mazuba aako,
Amyaka yabuumi bwako ilayungizizigwa.
12 #
Job 35:6,7 Na uli musongo, busongo bwako bulakugwasya omwini;
Na uli sikasampusampu, ngu mulandu wako,
13Mwanakazi mufubafuba ngusibbwantila,
Tezi cintu, alimwi tafwi insoni,
14Ulakala kumulyango waŋanda yakwe,
Ulauma mompompo kumigwagwa yamunzi,
15Ulaita bamwiindanzila,
Beendeenda munzila zyabo,
16Wati, Kufumbwa uubula maanu aboole okuno,
Ayooyo uutakwe boongo ulamwaambila kuti,
17 #
Tus 20:17
Maanzi aakubba manono,
Acilyo ciligwa busiseme cilalwela.
18Pele oyo muntu tezi kuti nkubabede basangu;
Beenzu bakwe bali mumuninga wakwacinwumwe.
Currently Selected:
Tusimpi 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
