Tusimpi 8
8
Busongo mbubucenjezya bantu
1 #
Tus 1:20-21; 9:3; 1 Kor 1:24 Sa busongo tabwiiti?
Sa maanu taaongololi?
2Atala atulundu kumbali lyanzila,
Kumapambukilo aanzila, nkobwiimina,
3Kumbali lyamilyango kunembo lyamunzi,
Kumanjililo aamunzi, nkoboongolweda,
4Bulati, Ndinywe nobantu mbonjiita,
Ajwi lyangu lili kubana ba-Adamu.
5Nomutezi, amwiiye kucenjela;
Nobafubafuba, amubike myoyo yanu,
6 #
Int 49:3; Tus 2:6,7; Kol 1:26 Amuswiilile, nkaambo ndaamba makani malemu;
Mukanwa lyangu mulazwa zintu ziluleme.
7 #
Joh 8:14; Rom 15:8 Nkaambo mulomo wangu ulaamba lusinizyo;
Milomo yangu ilasesemwa bubi.
8Majwi oonse aamukanwa lyangu aliluleme;
Tamukwe cintu cipilingene na citaluzi mulingao.
9Oonse aliluleme kuliyooyo uumvwisya,
Alaswiililika kumuntu uujene luzibo,
10Tambula lulayo lwangu kwiinda insiliva,
Aluzibo kwiinda ingolida loko,
11 #
Job 28:15; Int 19:10 Nkaambo busongo mbubotu kwiinda mabwe aarubi aabalangala,
Azintu zyoonse nzoyandisya tazyeelene abo.
12Mebo ndebusongo ndikede antoomwe alucenjelo,
Ndajana luzibo amaanu.
13 #
Tus 16:6; 4:24; Zek 8:17; 1 Pet 5:5 Kuyoowa Jehova nkokuti kusula bubi,
Kulisumpula akamikami anzila imbi
Amajwi aapilingene, zyoonse ndizisulide.
14 #
Muk 7:19
Ndijisi lulayo alwiiyisyo,
Ndijisi moyo uumvwisya anguzu,
15 #
Dan 2:21; Mt 28:18; Rom 13:1 Mulindime bami baleendelezya,
Abasilutwe balakosola makani aaluleme.
16Mulindime beendelezi baleendelezya,
Abapati balabeteka nyika.
17 #
1 Sam 2:30; Jak 1:5 Ndayandisya bandiyanda,
Abaabo basungwaala kundiyandaula balandijana,
18 #
Mt 6:33
Buvubi abulemu zili kulindime,
Imbono zitamani abululami.
19 #
Job 28:15; Tus 3:14 Micelo yangu mibotu kwiinda ingolida,
ingolida iisalala; Ncendenga ncibotu kwiinda insiliva loko,
20Ndeenda mumugwagwa wabululami,
Amunzila zyakubeteka kabotu,
21Abo bandiyanda, ndabavubya imbono;
Ndazuzya ziyobwedo zyabo.
22 #
Ciy 3:14; Tus 3:19; Joh 1:1 Jehova wakandibumba kumatalikilo aanzila yakwe;
Ndakali mulenge wakwe mutaanzi,
23 #
Matl 1:26; Int 2:6; Mik 5:2; Joh 17:24 Ndakalengwa ciindi loko,
Kumatalikilo, nyika kiitana kubawo,
24Ndakazyalwa maanzi malamfu kaatawo,
Katakwe tusensa tutuntumuna maanzi,
25 #
Job 15:7
Zilundu kazitana kusimpikwa,
Atulundulundu katutawo, ndakazyalwa;
26Katana kulenga nyika, niiba myuunda,
Nebuba bulongo bwetala lyaluwa.
27Naakasimpika ijulu ndakaliwo,
Naakacita mubalo atala lyamaanzi malamfu,
28Naakayumya mayoba kujulu,
Naakabusya tusensa twamaanzi malamfu,
29 #
Job 26:10
Naakabikila lwizi migaano yalo,
Kuti maanzi atasotoki mulao wakwe,
Naakabika intalisyo zyanyika,
30 #
Joh 1:1,2,18; Mt 3:17; Kol 1:13 Ndakali ambali lyakwe mbuli mwana wakwe,
Ndakali muyandwi wakwe mazuba oonse,
Ndakali kusekelela lyoonse kubusyu bwakwe,
31 #
Is 4:2; Int 16:3 Ndakali kukondwa munyika njaakalenga,
Akuyandisya bana ba-Adamu,
32 #
Lk 11:28
Lino, nobana bangu, amundiswiilile;
Bali acoolwe boonse babamba inzila zyangu.
33Amuswiilile lulayo, musongwaale;
Mutaluleki.
34Uli acoolwe muntu uundiswiilila,
Uuli ndila mazuba oonse kumilyango yangu,
Uulanga-langa kuminsende yamakoma aangu.
35 #
Joh 3:16,36; Flp 3:8,9 Nkaambo kufumbwa uundijana ulajana buumi,
Nkabela ulaba acoolwe kuli-Jehova;
36 #
Heb 2:3
Pele kufumbwa uundibisizya walijaya mwini;
Boonse bandisula balayanda lufu.
Currently Selected:
Tusimpi 8: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
