Tusimpi 7
7
Makani aamwi aakucenjela bumambe
1Mwanaangu, jatisya majwi aangu;
Malailile aangu ayandike mumoyo wako,
2 #
Lev 18:5; Tus 4:4; Is 55:3; Dt 32:10 Jatisya milazyo yangu, kuti upone;
Mulao wangu ube mbuli imboni yaliso lyako.
3 #
Dt 6:8; Tus 3:3; Is 30:8; Jer 17:1; 2 Kor 3:3 Kozyaanga aminwe yako;
Kozilemba acilembelo camumoyo wako,
4Ambila busongo kuti, Nduwe mucizi wangu;
Amaanu aambwe kuti muzwalani wako.
5Aboobo ulavunwa kumwanakazi sizibi,
Kumwanakazi uupilingene uuamba majwi aakoongelezya,
6Ndakali kumpulungwizyo yaŋanda yangu;
Ndakasondela kucimanga cangu;
7 #
Tus 6:32
Ndakabona batakwe maanu,
Nkabela akati kabalombe
Kwakaboneka mukubusi iwakabula boongo.
8Wakali kwiinda mumugwagwa kucooko cakwe,
Wakatola inzila yakuya kuŋanda yakwe,
9 #
Job 24:15
Mumutungazuba, ciindi cagoko,
Mumudima wamasiku.
10 #
1 Tim 2:9
Elyo kwakamuswana mwanakazi
Uusamide mbuli sikuvuula uuongelezya,
11 #
1 Tim 5:13; Tit 2:5 Ngusikubwanta, ulipilingene;
Maulu aakwe taakali kuŋanda.
12Kumugwagwa, kucisambalilo,
Kumpanda zyoonse—koonse ulalindila.
13Wamujata, wamumyonta,
Wamwaambila calunyansyo, wati,
14Ndakalijisi zipaizyo zyakutontozya,
Sunu ndaliya zikonke zyangu,
15Aboobo ndasika kuzookuswana,
Ndasungwaala kukubona, ndakujana.
16 #
Is 19:9
Bulo bwangu ndabuvumbya zivumbyo,
Masani aamanyengwe aabutonge bwaku-Egepita,
17Ndabikila bulo bwangu tununkilizyo twamuro,
Amaalo, akinamoni.
18Boola, tukute inkumbatano mane buce,
Tulibotezye amisobano yakuyandana,
19Nkaambo mulumaangu tawo,
Watola lweendo lulamfu.
20Watolelela inkomo yamali;
Ulaboola kumamanino aamwezi.
21Mbuboobo mbwamukombelezya amajwi aakwe,
Wamusungilizya amilomo yakwe myuuba.
22Ndilyonya ulamutobela,
Ulaya mbuli musune wakujaya,
Na mbuli insya iicegwa,
23Mane lumwi muvwi waiyasa mumuni,
Na mbuli muyuni uufwambaana kuya kukakole,
Pele tezi kuti kalayanda buumi bwakwe.
24Lino bana bangu, amundiswiilile;
Amucenjeke matwi aanu kumajwi aamulomo wangu.
25Moyo wako utaleyi kunzila zyakwe;
Utapambukili kumeendelo aakwe,
26 #
Neh 13:26
Nkaambo bantu mbawisya mbanji loko,
Bantu mbajayide makamu manji,
27 #
Tus 2:18; 1 Kor 6:9,10; Heb 13:4; Ciy 22:15 Iŋanda yakwe ninzila iitola kwacimvumwe,
Ilaselukila kutwaandaanda twalufu.
Currently Selected:
Tusimpi 7: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
