Popular Bible Verses from Tusimpi 10

Share

Lulongezyo lwa-Jehova lulavubya, Alimwi tayungizyi mause kulindulo.

Mukuvula kwamajwi tamubuli mulandu, Pele oyo uukasya milomo yakwe musongo.

Lusulo lulabusya inkondo, Pele luyando lulavumbilila milandu yoonse.

Ijanza itolo lilaleta bucete, Pele maanza aabasungusungu alavubya.

Uubika moyo wakwe kululayo uli munzila yabuumi, Pele oyo uukaka kutapatilwa ulasweka

Uuenda cakululama uleenda caluumuno, Pele uupilinganya inzila zyakwe uyoozibwa.

Kuyoowa Jehova kulaongozya, Pele myaka yabasizibi ilafwinsigwa.

Jehova tazumizyi baluleme kufwa inzala, Pele kusukama kwabasizibi ulakukaka.

Iguwo lilainda, lino sizibi taciboneki limbi, Pele uululeme ulaima nji.