Myeelwe 26
26
Kubalwa kwabili kwaba-Israyeli
1 #
My 1:1-46
Lino kusule lyalunyonyooko Jehova wakaambila Musa a-Eleazara mwana wa-Aroni mupaizi, wati, 2#Kul 30:12; 38:25; My 1:2Amubale mweelwe wambungano yoonse yabana ba-Israyeli, boonse bajisi myaka iili makumi obile na iisotoka, muziinga zyabo, boonse bakonzya kuya kunkondo mukati kaba-Israyeli. 3#Dt 4:46-49; 34:1Elyo Musa a-Eleazara mupaizi bakabaambila mumagezi aa-Moabu, kunkomwe ya-Jordano yaku-Jeriko, bati, 4Amubale mweelwe wabantu, boonse bali amyaka iili makumi obile na iisotoka, mbubonya mbuli Jehova mbwaakalailila Musa. Lino bana ba-Israyeli ibakazwa mucisi ca-Egepita mbaaba:
5 #
Matl 29:32; 46:8; 1 Mak 5:1; Ciy 7:5 Rubeni mwana mutaanzi wa-Israyeli; abana ba-Rubeni: Hanoki wisi ciinga caba-Hanoki, Palu wisi ciinga caba-Palu, 6Hezironi wisi ciinga caba-Hezironi, Karimi wisi ciinga caba-Karimi. 7Nzeezyo ziinga zyabaRubeni, nkabela mweelwe wabo wakali zyuulu zili makumi one azitatu amyanda iili musanu aibili amakumi otatwe, 8Abana ba-Palu: Eliabu. 9#My 16:1,2; 27:3; Dt 11:6; Is 65:16; Int 106:17; Jud 1:11Abana ba-Eliabu: Nemueli, a-Datani a-Abiramu. Mbombabo Datani a-Abiramu ibakasalwa akati kambungano yabaabo ibakakazyanya a-Musa a-Aroni antoomwe ambungano ya-Kora nibakakazyanya a-Jehova. 10#My 16:38; 1 Sam 2:34; Job 31:3; Int 145:20; Jer 29:22; 1 Kor 10:6; 2 Pet 2:6; Jud 1:7Elyo nyika niyakaasama, yabamena, antoomwe a-Kora, imbungano yakwe niyakafwa, mulilo niwakasyuukutya bantu bali myanda yobile amakumi osanwe, aboobo bakaba cicenjezyo. 11#Kul 6:24; 1 Mak 6:22; Ezk 18:20Pele bana ba-Kora teebakafwa pe.
12 #
Matl 46:10; Kul 6:15; 1 Mak 4:24 Abana ba-Simeoni muziinga zyabo mbaaba: Nemueli wisi ciinga cabaNemueli, Jamini wisi ciinga caba-Jamini, Jakini wisi ciinga caba-Jakini, 13#Matl 46:10Zera wisi ciinga caba-Zera, Saulo wisi ciinga caba-Saulo. 14Nzeezyo ziinga zyaba-Simeoni, bantu bali zyuulu zili makumi obile azibili amyanda yobile.
15Abana ba-Gadi muziinga zyabo mbaaba: Zefoni wisi ciinga cabaZefoni, Hagi wisi ciinga caba-Hagi, Suni wisi ciinga caba-Suni, 16Ozini wisi ciinga caba-Ozini, Eri wisi ciinga caba-Eri, 17#Matl 46:16Arodi wisi ciinga caba-Arodi, Areli wisi ciinga caba-Areli, 18Nzeezyo ziinga zyabana ba-Gadi, amweelwe wabo wakali zyuulu zili makumi one amyanda yosanwe.
19 #
Matl 38:2; 46:12; 1 Mak 2:3 Abana ba-Juda: Eri a-Onani, Pele Eri a-Onani bakafwa munyika ya-Kanana. 20#Matl 49:8; Ciy 7:5Lino bana ba-Juda muziinga zyabo mbaaba: Sela wisi ciinga caba-Sela, Perezi wisi ciinga caba-Perezi, Zera wisi ciinga caba-Zera, 21Abana ba-Perezi mbaaba: Hezironi wisi ciinga caba-Hezironi, a-Hamuli wisi ciinga caba-Hamuli, 22Nzeezyo ziinga zyaba-Juda, amweelwe wabo wakali zyuulu zili makumi aali musanu aabili amusanu acimwi amyanda yosanwe.
23 #
Matl 46:13; 49:14 Abana ba-Isakara muziinga zyabo mbaaba: Tola wisi ciinga caba-Tola, Puwa wisi ciinga caba-Puwa, 24Jasubu wisi ciinga caba-Jasubu, Simiron wisi ciinga caba-Simironi. 25Nzeezyo ziinga zyaba-Isakara, amweelwe wabo wakali zyuulu zili makumi aali musanu alimwi azine amyanda yotatwe.
26 #
Matl 46:14; 49:13 Abana ba-Zebuloni muziinga zyabo mbaaba: Seredi wisi ciinga cabaSeredi, Eloni wisi ciinga caba-Eloni, Jaleeli wisi ciinga caba-Jaleeli. 27Nzeezyo ziinga zyaba-Zebuloni, amweelwe wabo wakali zyuulu zili makumi aali musanu alimwi amyanda yosanwe.
28 #
Matl 41:51; 46:20; 48:3,13-20 Abana ba-Josefa muziinga zyabo mbaaba: Manase a-Efraimu, 29#My 32:39; 36:1Abana ba-Manase: Makiri wisi ciinga caba-Makiri; Makiri ngowakazyala Gileadi; Gileadi kali wisi ciinga caba-Gileadi. 30#Jos 17:2Abana ba-Gileadi mbaaba; Jeezeri wisi ciinga caba-Jeezeri, Heleki wisi ciinga caba-Heleki, 31Asrieli wisi ciinga caba-Asrieli, Sekemu wisi ciinga caba-Sekemu, 32Semida wisi ciinga caba-Semida, a-Heferi wisi ciinga caba-Heferi, 33#My 27:1; 36:11; Jos 17:3Lino Zelofehadi mwana wa-Heferi katajisi bana balombe, kazyede basimbi luzutu. Mazina aabana basimbi ba-Zelofehadi mbaaba: Mala, Nowa, Hogila, Milika a-Tiriza. 34Nzeezyo ziinga zyaba-Manase, amweelwe wabo wakali zyuulu zili makumi osanwe azibili amyanda iili musanu aibili,
35 #
1 Mak 7:20
Abana ba-Efraimu muziinga zyabo mbaaba: Sutela wisi ciinga cabaSutela, Bekeri wisi ciinga caba-Bekeri, a-Tahani wisi ciinga caba-Tahani. 36Abana ba-Sutela mbaaba: Erani wisi ciinga caba-Erani. 37#Dt 33:13-17Nzeezyo ziinga zyaba-Efraimu, amweelwe wabo wakali zyuulu zili makumi otatwe azibili amyanda yosanwe. Mbubakabede bana ba-Josefa muziinga zyabo.
38 #
Matl 46:21; 1 Mak 7:6; 8:1 Abana ba-Benjamini muziinga zyabo mbaaba: Bela wisi ciinga cabaBela, Asibeli wisi ciinga caba-Asibeli, Ahiramu wisi ciinga caba-Ahiramu, 39#Matl 46:21; 1 Mak 7:12Sufamu wisi ciinga caba-Sufamu, Hufamu wisi ciinga caba-Hufamu. 40#1 Mak 8:3Abana ba-Bela: Aridi a-Naamani, Aridi wisi ciinga caba-Aridi a-Naamani wisi ciinga caba-Naamani. 41Mbaabo bana ba-Benjamini muziinga zyabo, nkabela mweelwe wabo wakali zyuulu zili makumi one amusanu amyanda iili musanu aumwi.
42 #
Matl 46:23; 49:16; My 1:38,39; Dt 33:22 Abana ba-Dani muziinga zyabo mbaaba: Suhamu wisi ciinga cabaSuhamu. Mbombabo bana ba-Dani muziinga zyabo. 43Amweelwe wabantu baziinga zyoonse zyaba-Suhamu wakali zyuulu zili makumi aali musanu alimwi azine amyanda yone.
44 #
Matl 46:17; 1 Mak 7:30 Abana ba-Aseri muziinga zyabo mbaaba: Jimna wisi ciinga caba-limna, Jisivi wisi ciinga caba-Jisivi, Beriya wisi ciinga caba-Beriya. 45Abana ba-Beriya: Heberi wisi ciinga caba-Heberi, Malikieli wisi ciinga cabaMalikieli. 46Azina lyamwana musimbi wa-Aseri kali Sara. 47Nzeezyo ziinga zyabana ba-Aseri, nkabela mweelwe wabo wakali zyuulu zili makumi osanwe azitatu amyanda yone.
48 #
Matl 46:24; 1 Mak 7:13 Abana ba-Nafitali muziinga zyabo mbaaba: Jazieli wisi ciinga caba-Jazieli, Guni wisi ciinga caba-Guni, 49#1 Mak 7:13jezeri wisi ciinga caba-Jezeri, Silemu wisi ciinga caba-Silemu. 50Mbuzibede ziinga zyaba-Nafitali, nkabela mweelwe wabo wakali zyuulu zili makumi one amusanu amyanda yone,
51 #
1:46; 2:32 Lino mweelwe wabana boonse ba-Israyeli ibakabalwa wakali zyuulu zili myanda iili musanu aumwi acuulu comwe amyanda iili musanu aibili amakumi otatwe.
52 #
My 34:13; Jos 14:1-2 Lino Jehova wakaambila Musa kuti, 53Aba bantu baleelede kwaabilwa nyika, baivube; baabilwe mbubonya mbuli myeelwe yamisyobo yabo. 54#My 33:54Musyobo uuli abantu banji upegwe caabilo cipati, musyobo uuli abantu bace upegwe caabilo ciniini; musyobo umwi aumwi uabilwe mbubonya mbuli mweelwe wabantu bawo. 55#My 34:13; Jos 11:23; 14:2Pele nyika ileelede kwaabwa kucisolo; bantu baivube mbubonya mbuli mumazina aabamawisaabo. 56Mbubonya mbuli cisolo balaabilwa lukono lwabo, nebaba banji nebaba bace.
57 #
Matl 46:11; Kul 6:16; 1 Mak 6:1,16 Lino ba-Levi ibakabalwa muziinga zyabo mbaaba: Gerisoni wisi ciinga caba-Gerisoni, Kohati wisi ciinga caba-Kohati, Merari wisi ciinga cabaMerari. 58Aziinga zyaba-Levi nzeezi: ciinga caba-Libni, ciinga cabaHebroni, ciinga caba-Mali, ciinga caba-Musi, aciinga caba-Kora, Nkabela Kohati nguwakazyala Amramu, 59alimwi izina lyamuka-Amramu kali Jokebedi, mwana musimbi wa-Levi ngwaakazyalila mu-Egepita. Nkabela Jokebedi wakazyala kuli-Amramu Aroni a-Musa a-Miriamu mucizi wabo, 60#My 3:2Alakwe Aroni wakazyala Nadabu a-Abihu, Eleazara a-Itamara. 61#Lev 10:1-2; My 3:4; 1 Mak 24:2Pele Nadabu a-Abihu bakafwa ciindi eco nebakatenta tununkilizyo tumbi kunembo lya-Jehova. 62#My 3:39; 1:49; 18:20-24; 35:2-8; Dt 10:9; 14:27-29; Jos 13:14Nkabela mweelwe waba-Levi ibakabalwa wakali zyuulu zili makumi obile azitatu, nkokuti baalumi boonse ibakajisi mwezi omwe wakuzyalwa akuya kunembo. Nkaambo teebakabalilwa mumwi abana ba-Israyeli, nkaambo taakwe lukono ndobakapedwe akati kabaIsrayeli,
63Ngomweelwe wabaabo mbebakabala ba-Musa a-Eleazara mupaizi. Bakabala ba-Israyeli mumagezi aa-Moabu kunkomwe ya-Jordano ku-Jeriko, 64#My 1:1; Dt 2:14,15Pele akati kabaaba katakwe muntu naba omwe wabaabo ibakabalwa kuliMusa a-Aroni mupaizi nebakabala bana ba-Israyeli kunkanda ya-Sinai, 65#My 14:26-35; Dt 32:49,50; Int 90:3-8; Rom 11:22; 1 Kor 10:5; Heb 3:17,18; Jud 1:5; My 14:30; 32:12; Dt 1:36,38; Jos 14:10Nkaambo Jehova wakaamba kuti, Ncobeni bayoofwa boonse munkanda. Teekwakasyaala muntu naba omwe wabo cita Kalebe mwana wa-Jefune a-Joshua mwana wa-Nuni.
Currently Selected:
Myeelwe 26: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
