Myeelwe 27
27
Mulao walukono lwabanakazi
1 #
My 14:35; 26:33; 36:1,11; 1 Mak 7:15; Jos 17:3 Lino kwakasika bana basimbi ba-Zelofehadi mwana wa-Heferi mwana wa-Gileadi mwana wa-Makiri mwana wa-Manase, bamusyobo wa Manase mwana wa-Josefa, Ngaaya mazina aabana bakwe basimbi: Mala, Nowa, Hogila, Milika a-Tiriza. 2#My 26:64,65; 14:22-37; Rom 5:12; 6:23Nkabela bakaima kubusyu bwa-Musa a-Eleazara mupaizi abasilutwe boonse abantu boonse kumulyango watente Jyambunganino, bati, 3Tateesu wakafwa munkanda. Takwakali umwi wabaabo ibakapapila Jehova munkamu ya-Kora pe, pele wakafwa nkaambo kazibi zyakwe mwini. Nkabela katajisi bana baalumi. 4Sa ncibotu kuti izina lyatateesu lifwidilile muciinga cakwe nkaambo kakubula bana baalumi? Utupe lukono aswebo akati kababunyina batateesu.
5 #
Kul 18:15; 25:22; Lev 24:12,13; Tus 3:5,6 Lino Musa wakaleta makani aabo kuli-Jehova. 6Nkabela Jehova wakaambila Musa kuti, 7#My 36:2Bana basimbi ba-Zelofehadi baamba kabotu. Ncobeni uleelede kubaabila lukono akati kababunyina bawisi. Lukono lwawisaabo lulaba mumaanza aabo,
8Alimwi ambila bana ba-Israyeli kuti, Na muntu wafwa uutazyede mwana mulombe, lukono lwakwe lulaba lwamwana wakwe musimbi. 9Na tazyede basimbi, mulapa bazyalwanyina lukono lwakwe. 10Na tajisi muzyalwanyina, amupe lukono lwakwe kubazyalwanyina wisi. 11#My 35:29Na wisi tajisi muzyalwanyina, amupe lukono lwakwe kufumbwa silufulunyina, aluvube. Oyu ulaba mulao ambeta kubana ba-Israyeli, mbubonya mbuli Jehova mbwaakalailila Musa.
Musa naakaamba kufwa, mbwaakabika Joshua, kuti azoolye izina lyakwe
12 #
Dt 3:23-27; 32:48-52; 34:1 Lino Jehova wakaambila Musa kuti, Tanta mucilundu ca-Abarimu, uebele nyika njindapa bana ba-Israyeli. 13#My 20:24,28; 31:2; Dt 10:6Wamana kwiibona, uyootebwidwa kubantu bako ayebo, mbubonya mbuli Aroni munyoko mbwaakatebulwa, 14#Dt 1:37; 32:51; Int 106:32; Kul 17:7; My 20:1,13,24nkaambo mwakapapila malailile aangu munkanda ya-Zini, bantu nibakali kukazyanya. Teemwakandilemeka kumeso aabo oko kumaanzi. (Ngengao maanzi aa-Meriba aaku-Kadesi munkanda ya-Zini). 15Lino Musa wakaambila Jehova kuti, 16#My 16:22; Heb 12:9; Zek 12:1Jehova Leza wamyuuya yabantu boonse abike muntu wakweendelezya imbungano, 17#1 Bam 22:17; Ezk 34:5; Mt 9:36; Mk 6:34; Dt 31:2; 1 Sam 8:20; 18:13; 2 Mak 1:10; 2 Mak 18:16uukonzya kubazulwida ciindi cakuzwa aciindi cakuboola, abeenzye akubaboozya, kuti bantu ba-Jehova batabi mbuli imbelele zibula sikweembela. 18#Kul 24:13; Matl 41:38; Bab 3:10Mpawo Jehova wakaambila Musa kuti, Bweza Joshua mwana wa-Nuni, muntu uukalidwe Muuya, ubike maanza alinguwe, 19#Dt 31:7umwiimike kubusyu bwa-Eleazara mupaizi akubusyu bwabantu boonse, akumulailila mu meso aabo. 20#My 11:17; 1 Sam 10:6; 2 Bam 2:15; Dt 34:9; Jos 1:15Lino umupe bumwi bwabwami bwako, kuti bantu boonse ba-Israyeli bamuswiilile. 21#Kul 28:30; 1 Sam 14:41; 28:6; Jos 9:14; Bab 1:1; 20:18; 1 Sam 23:9; 30:7; Lev 8:8; Dt 33:8; 1 Sam 28:6; 1 Sam 22:10Aime kubusyu bwa-Eleazara mupaizi, amubuzizye makani kukubeteka kwa-Urimu kubusyu bwa-Jehova. Kujwi lyakwe balainka, akujwi lyakwe balaboola, walo abana ba-Israyeli boonse, imbungano yoonse. 22Lino Musa wakacita mbubonya mbuli Jehova mbwaakamulailila, Wakabweza jeshua, wamwiimika kubusyu bwa-Eleazara mupaizi akubusyu bwabantu boonse, 23#Dt 3:28; 31:23; Is 55:4wabika maanza aakwe alinguwe, wamulailila, mbubonya mbuli Jehova mbwaakalailila kumulomo wa-Musa.
Currently Selected:
Myeelwe 27: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
