Myeelwe 28
28
Zipaizyo zyamazuba oonse, zya-Sabata, azyamwezi mupya
1Lino Jehova wakaambila Musa kuti, 2#Lev 3:11; 21:6,8; Mal 1:7,12Lailila bana ba-Israyeli kuti, Cituuzyo cangu, cilyo cangu cazipaizyo zitentwa, bweema bwakundi botezya, amucenjele kuti muzicite zyoonse kuziindi zibikidwe. 3#Kul 29:38Alimwi ubaambile kuti, Nceeci cipaizyo ncimweelede kutentela Jehova: tubelele tobile tuli amwaka omwe tutakwe kampenda buzuba abuzuba ciindi coonse. 4#Kul 12:6Kabelele kamwi amukatuule cifumofumo, akabelele kabili amukatuule igoko, 5#Kul 16:36; 29:38-42; Lev 2:1; My 15:4antoomwe acipaizyo cabusu, cipanzi calusuwo lwabusu bunante bukandidwe acipanzi cane cansazi yamafuta aatwidwe. 6Mbucibede cipaizyo calyoonse icakalaililwa kucilundu ca-Sinai, cili abweema bubotu, cakutentela Jehova. 7#Kul 29:42; 30:9; Lev 23:13; My 15:5-10; Is 57:1Acipaizyo caco cakunywa cilaba cipanzi cane cansazi kukabelele kamwi akamwi, Mubusena busalalisya amutile cipaizyo cawaini uusaside kuli-Jehova. 8Akabelele kabili amukatuule ciindi cagoko, antoomwe acipaizyo cabusu acipaizyo cakunywa mbubonya mbuli cifumofumo; kube cipaizyo citentwa cili abweema bubotu bwakubotezya Jehova,
9Amubuzuba bwa-Sabata amutuule tubelele tobile tuli amwaka omwe tutakwe kampenda, acipaizyo cabusu, zipanzi zyobile zyakumi zyacisuwo cabusu bunante bukandidwe amafuta, acipaizyo caco cakunywa. 10#Ezk 46:4Mbucibede cituuzyo cabuzuba bwa-Sabata imwi aimwi, atala lyazituuzyo zya lyoonse, acipaizyo caco cakunywa.
11 #
My 10:10; 1 Sam 20:5; 1 Mak 23:31; 2 Mak 2:4; Ezr 3:5; Neh 10:33; Is 1:13,14; Ezk 45:17; Hos 2:11; Kol 2:16 Alimwi kumatalikilo aamwezi amutuulile Jehova cipaizyo: tupoho tobile, mugutu omwe, atubelele tuli musanu atubili tujisi mwaka omwe tutakwe kampenda, 12#My 15:4; 29:10; Ezk 46:5,7antoomwe acipaizyo cabusu, zipanzi zyotatwe zyakumi zyabusu bunante bukandidwe amafuta kukapoho kamwi akamwi, azipanzi zyobile zyakumi zyabusu bunante bukandidwe amafuta kumugutu umwi aumwi, 13acipanzi comwe cakumi cabusu bunante bukandidwe amafuta kukabelele kamwi akamwi, Ezi zyoonse zibe cipaizyo cili abweema bubotu citentelwa Jehova. 14Azipaizyo zyakunywa zilaba cisela cansazi yawaini kukapoho kamwi akamwi, acipaizyo catatu cansazi kumugutu umwi aumwi, acipaizyo cane cansazi kukabelele kamwi akamwi. Mbuubede mulao wacipaizyo camwezi mupya mumyezi yoonse yamumwaka. 15Alimwi kupaizigwe sijembwe omwe, abe cipaizyo cazibi kuli-Jehova, atala lyazeezyo zipaizyo zituulwa lyoonse, acipaizyo cakwe cakunywa.
Zipaizyo zyapobwe lya-Pasika
16 #
Kul 12:1-13; Dt 16:1-2; Lev 23:5; Ezk 45:21; Mt 26:2,17; Lk 22:7 Lino mumwezi mutaanzi, mubuzuba bwakumi aane bwamumwezi, kulaba ipobwe lya-Pasika lya-Jehova. 17#Kul 12:14-20; 23:15; 34:18; Dt 16:3-8; Lev 23:6Amubuzuba bwakumi amusanu bwamwezi oyo nguwonya kulaba ipobwe. Mazuba aali musanu aabili kulaligwa zinkwa zitakwe bumena. 18#Lev 23:7Mubuzuba butaanzi kuyooba muswangaano uusalala; kutacitwi mulimo nuuba omwe wamitukuta. 19#Lev 22:20; My 29:8; Dt 15:21Lino amutuulile Jehova cipaizyo citentwa; tupoho tobile, mugutu omwe, atubelele tuli musanu atubili tuli amwaka omwe, zyoonse zitakwe kampenda; 20azipaizyo zyazyo zyabusu, zipanzi zyotatwe zyakumi zyacisuwo cabusu bunante bukandidwe amafuta kukapoho kamwi akamwi, azipanzi zyobile zyakumi kumugutu umwi aumwi, 21acipanzi comwe cakumi kukabelele kamwi akamwi katubelele tuli musanu atubili. 22#Lev 16:18; Rom 8:3; Gal 4:4; Heb 9:12; 10:1Alimwi amutuule sijembwe omwe, abe cipaizyo cazibi cakumanya milandu yanu. 23Ezi nzyakupaizya atala lyacipaizyo cacifumo ncimutenta ciindi coonse. 24#2 Kor 2:15; Ef 5:2Mbubonya obo, mazuba aali musanu aabili muleelede kutuula, buzuba bumwi abumwi, cilyo cacipaizyo citentwa cili abweema bubotu bwakubotezya Jehova. Eci cilatuulwa atala lyacipaizyo calyoonse acipaizyo caco cakunywa. 25#Kul 12:16; 13:6; Lev 23:8Lino mubuzuba bwamusanu aabili kuyooba muswangaano uusalalisya; mutaciti mulimo nuuba omwe wamitukuta.
Zipaizyo zyakabalwebalwe
26 #
Kul 23:16; 34:22; Dt 16:9-12; Lev 23:10,15; Tus 3:9; Inc 2:1 Alimwi mubuzuba bwakabalwebalwe, ciindi cakuletela Jehova cituuzyo cazilyo zipya, kupobwe lya-Pentekoste, kulaba muswangaano uusalalisya; mutaciti mulimo nuuba omwe wamitukuta, 27#Lev 23:18,19Lino amutuulile Jehova cipaizyo citentwa cili abweema bubotu: tupoho tobile, mugutu omwe, tubelele tuli musanu atubili tuli amwaka omwe, 28azipaizyo zyazyo zyabusu, busu bunante bukandidwe amafuta, zipanzi zyotatwe zyakumi zyacisuwo kukapoho kamwi akamwi, zipanzi zyobile zyakumi kumugutu umwi aumwi, 29acipanzi comwe cakumi kukabelele kamwi akamwi katubelele tuli musanu atubili. 30Alimwi amutuule sijembwe omwe kukumanya milandu yanu, 31Ezi zyoonse amuzituule atala lyacipaizyo ncemutenta lyoonse acipaizyo caco cabusu. Zyoonse zibe zitakwe kampenda. Azyalo zipaizyo zyazyo zyakunywa amuzitile.
Currently Selected:
Myeelwe 28: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
