Myeelwe 29
29
Zipaizyo zyakumapobwe aamumwezi wamusanu aibili
1 #
Lev 23:24; Int 89:15; Is 27:13; Zek 9:14; Mk 16:15; 1 Kor 15:52; Ciy 8:6-13 Lino mumwezi wamusanu aibili, mubuzuba butaanzi bwamumwezi, mucite muswangaano uusalalisya; mutaciti mulimo nuuba omwe wamitukuta. Mbobuzuba hwakulizya myeembo, 2nkabela mulatu uli la Jehova cipaizyo cakutenta cili abweema bubotu: kapoho komwe, mugutu omwe, atubelele tuli musanu atubili tuli amwaka omwe tutajisi kampenda, 3acipaizyo cazyo cabusu, nkokuti busu bunante bukandidwe amafuta, zipanzi zyotatwe zyakumi zyacisuwo kukapoho, zipanzi zyobile zyakumi kumugutu, 4acipanzi comwe cakumi kukabelele kamwi akamwi katoonse tuli musanu atubili; 5asijembwe omwe, abe cipaizyo cazibi cakumanya milandu yanu. 6#My 28:11; Kul 29:38; Lev 6:9; My 28:3; Dan 12:11; My 15:11,12Ezi zilatuulwa atala lyacipaizyo camwezi mupya acipaizyo caco cabusu, acipaizyo citentwa mazuba oonse acipaizyo caco cabusu, azipaizyo zyakunywa. Zituulwe mbubonya mbuli mulao wazyo, zibe cituuzyo citentwa cili abweema bubotu bwakubotezya Jehova.
7 #
Lev 16:29-34; 23:27; Ezr 8:21; Int 35:13; Is 58:5; Mt 5:4; Lk 13:3,4; 1 Kor 9:27; 2 Kor 7:9; Jak 4:9 Amumwezi oyu nguwonya wamusanu aibili, mubuzuba bwakumi, muleelede kucita muswangaano uusalalisya akubombya myoyo yanu, Mutaciti mulimo nuuba omwe. 8#Lev 22:20; My 28:19; 29:8; Dt 15:21; 17:1Lino amutentele Jehova cipaizyo cili abweema bubotu: kapoho komwe, amugutu omwe, atubelele tuli musanu atubili tuli amwaka omwe; zyoonse zibe zitakwe kampenda; 9azipaizyo zyazyo zyabusu, nkokuti busu bunante bukandidwe amafuta, zipanzi zyotatwe zyakumi zyacisuwo kukapoho, zipanzi zyobile zyakumi kumugutu, 10acipanzi comwe cakumi kukabelele kamwi akamwi katoonse tuli musanu atubili; 11#Lev 16:3,5asijembwe omwe, abe cipaizyo cazibi. Ezi zilaba atala lyacipaizyo cazibi cakumanya milandu azipaizyo zitentwa lyoonse, acipaizyo caco cabusu azipaizyo zyazyo zyakunywa.
12 #
Lev 23:34; Dt 16:13-15; Kul 23:16; 34:22; Ezk 45:25 Alimwi mubuzuba bwakumi amusanu bwamumwezi wamusanu aibili mulacita muswangaano uusalalisya; mutaciti mulimo nuuba omwe wamitukuta, pele amusekelele kubusyu bwa-Jehova mazuba aali musanu aabili. 13#Ezr 3:4; Heb 10:1-18; Dan 9:24; Heb 7:18; 8:13Lino amutentele Jehova cipaizyo cili abweema bubotu: tupoho tuli ikumi atutatu, bagutu bobile, atubelele twamwaka omwe tuli ikumi atune; zyoonse zibe zitakwe kampenda; 14azipaizyo zyazyo zyabusu, busu bunante bukandidwe amafuta, zipanzi zyotatwe zyakumi zyacisuwo kukapoho kamwi akamwi katupoho tuli ikumi atutatu, zipanzi zyobile zyakumi kumugutu umwi aumwi wabagutu bobile, 15acipanzi comwe cakumi kukabelele kamwi akamwi katoonse tuli ikumi atune; 16asijembwe omwe abe cipaizyo cazibi. Ezi zyoonse zituulwe atala lyacipaizyo citentwa lyoonse acipaizyo caco cabusu acipaizyo caco cakunywa.
17Amubuzuba bwabili amutuule tupoho tuli ikumi atubili, bagutu bobile, atubelele twamwaka omwe tuli ikumi atune tutakwe kampenda, 18#My 15:12; 28:7,14; Lev 2:1azipaizyo zyabusu azipaizyo zyakunywa zyatupoho azyabagutu azyatubelele mbubonya bweelede mulao wazyo, 19asijembwe omwe wacipaizyo cazibi, atala lyacipaizyo citentwa lyoonse acipaizyo caco cakunywa.
20Amubuzuba bwatatu amutuule tupoho tuli ikumi akamwi, bagutu bobile, atubelele twamwaka omwe tuli ikumi atune tutakwe kampenda, 21azipaizyo zyabusu azipaizyo zyakunywa zyatupoho azyabagutu azyatubelele mbubonya bweelede mulao wazyo, 22asijembwe omwe wacipaizyo cazibi, atala lyacipaizyo citentwa lyoonse acipaizyo caco cabusu acipaizyo caco cakunywa,
23Amubuzuba bwane amutuule tupoho tuli ikumi, bagutu bobile, atubelele twamwaka omwe tuli ikumi atune tutakwe kampenda, 24azipaizyo zyabusu azipaizyo zyakunywa zyatupoho azyabagutu azyatubelele mbubonya bweelede mulao wazyo, 25asijembwe omwe wacipaizyo cazibi, atala lyacipaizyo citentwa lyoonse acipaizyo caco cabusu acipaizyo caco cakunywa. 26#Joh 1:29; Heb 7:26; 1 Pet 1:19; Ciy 1:6-14Amubuzuba bwasanu amutuule tupoho tuli musanu atune, bagutu bobile, tubelele twamwaka omwe tuli ikumi atune tutakwe kampenda, 27azipaizyo zyabusu azipaizyo zyakunywa zyatupoho azyabagutu azyatubelele mbubonya bweelede mulao wazyo, 28asijembwe omwe wacipaizyo cazibi, atala lyacipaizyo citentwa lyoonse acipaizyo caco cabusu acipaizyo caco cakunywa.
29Amubuzuba bwamusanu abumwi amutuule tupoho tuli musanu atutatu, bagutu bobile, tubelele twamwaka omwe tuli ikumi atune tutakwe kampenda, 30azipaizyo zyabusu azipaizyo zyakunywa zyatupoho azyabagutu azyatubelele mbubonya bweelede mulao wazyo, 31asijembwe omwe wacipaizyo cazibi, atala lyacipaizyo citentwa lyoonse acipaizyo caco cabusu acipaizyo caco cakunywa.
32Amubuzuba bwamusanu aabili amutuule tupoho tuli musanu atubili, bagutu bobile, tubelele twamwaka omwe tuli ikumi atune tutakwe kampenda, 33azipaizyo zyabusu azipaizyo zyakunywa zyatupoho azyabagutu azyatubelele mbubonya bweelede mulao wazyo, 34asijembwe omwe wacipaizyo cazibi, atala lyacipaizyo citentwa lyoonse acipaizyo caco cabusu acipaizyo caco cakunywa.
35 #
Lev 23:36; Int 47:5,6; Is 11:10; 54:1; 60:1; Mt 28:1; Joh 7:37; Heb 1:3; 4:9; Ciy 7:9-17; 11:15; 21:1; 22:1 Lino mubuzuba bwamusanu aatatu amucite muswangaano uusalalisya; mutaciti mulimo nuuba omwe wamitukuta; 36amutentele Jehova cipaizyo cili abweema bubotu: kapoho komwe, mugutu omwe, tubelele twamwaka omwe tuli musanu atubili tutakwe kampenda, 37azipaizyo zyabusu azipaizyo zyakunywa zyakapoho azyamugutu azyatubelele mbubonya bweelede mulao wazyo, 38asijembwe omwe wacipaizyo cazibi, atala lyacipaizyo citentwa lyoonse acipaizyo caco cabusu acipaizyo caco cakunywa,
39 #
Lev 23:2; 1 Mak 23:31; 2 Mak 31:3; Ezr 3:5; Neh 10:33; Is 1:14; Lev 7:11,16; 22:21; 23:38; My 6:21; 7:21; Dt 12:6; 1 Kor 10:31 Ezi zyoonse amuzituulile Jehova kuziindi zyazyo zyeelede, atala lyazikonkezyo zyanu azipo zyakuyanda kwamyoyo yanu, kuzituuzyo zyanu zitentwa akuzipaizyo zyanu zyabusu akuzipaizyo zyanu zyakunywa akuzipaizyo zyanu zyakutontozya.
40 #
Kul 24:3; Dt 5:27-31; 33:4; Joh 1:17; 7:19; Inc 7:37,38 Nkabela Musa wakaambila bana ba-Israyeli makani oonse Jehova ngaakalailila Musa.
Currently Selected:
Myeelwe 29: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
