Myeelwe 25
25
Ba-Israyeli mbubakabisya ku-Sitimu
1 #
My 33:49; Mik 6:5; My 31:16; Ciy 2:14 Lino ba-Israyeli nibakakede ku-Sitimu, bantu bakatalika kuvuula abana basimbi ba-Moabu. 2#Jos 22:17; Hos 9:10; Kul 34:15; 20:5Nkabela abo bakatamba bantu kuzipai zyo zyabaleza babo, elyo bantu bakali kulya akukotamina baleza babo. 3#Int 106:29Aboobo ba-Israyeli bakaliswanaanya a-Baala-Peori, mane bukali bwaJehova bwakabukila ba-Israyeli. 4#Jos 22:17; Dt 13:17Mpawo Jehova wakaambila Musa kuti, Jata basilutwe boonse babantu akubasina antangalala kumeso aa-Jehova, kuti Jehova aleke bukali bwakwe buyoosya mbwakalalila ba-Israyeli. 5#Kul 32:27; 1 Bam 18:40Nkabela Musa wakaambila babetesi ba-Israyeli kuti, Amujaye umwi aumwi bantu bakwe, nkokuti boonse baliswanaanya a-Baala-Peori.
6 #
Joel 2:17
Lino umwi wabana ba-Israyeli wakaleta mwanakazi waku-Midyani kumukowa wakwe mumeso aa-Musa amumeso aambungano yoonse yabana ba-Israyeli, nibakacili kulila kumulyango watente lyambunganino, 7#Kul 6:25Nkabela Pinehasi mwana wa-Eleazara mwana wa-Aroni mupaizi, abone obo, wakanyampuka, wazwa mumbungano, wabweza isumo lyakwe mujanza lyakwe, 8watobela oyo mu-Israyeli mane wanjila mucinkutikwa, nkabela wakabayasa intungabulumba, boonse, bobile, mwaalumi mu-Israyeli amwanakazi, Aboobo lunyonyooko lwakalesegwa akati kabana ba-Israyeli. 9#1 Kor 10:8Pele abo ibakafwa mulunyonyooko olo bakali zyuulu zili makumi obile azine.
10Mpawo Jehova wakaambila Musa kuti, 11#Int 106:30; Kul 20:5; Int 78:53; Nah 1:2; Zef 1:13Pinehasi mwana wa-Eleazara mwana wa-Aroni mupaizi walesya bukali bwangu kubana ba-Israyeli, nkaambo wafwa ibbivwe mbubonya mbuli ibbivwe lyangu, aboobo ndaleka kusyukutya bana ba-Israyeli mubbivwe lyangu. 12#Mal 3:1Nkaambo kako ukamwaambile kuti, Ndatangana awe cizuminano cangu caluumuno, 13#1 Mak 6:4; Kul 40:15; Inc 22:3cibe kulinguwe akulunyungu lwakwe, cizuminano cabupaizi butamani, nkaambo kakuti wakafwa ibbivwe nkaambo ka-Leza wakwe akumanya milandu yabana ba-Israyeli.
14Izina lyamuntu eyo mu-Israyeli iwakajayigwa amwanakazi mu-Midyani kali Zimri mwana wa-Salu, silutwe waciinga cimwi caba-Simeoni, 15azina lyamwanakazi mu-Midyani iwakajayigwa kali Kozibi mwana wa-Zuri, silutwe waciinga cimwi caba-Midyani.
16Lino Jehova wakaambila Musa kuti, 17Kolwisya ba-Midyani akubauma, 18nkaambo bakali kumukataazya inywe kuzyoongelezyo zyabo nzibakali kumoongelezya nzizyo, mumakani aa-Peori, amumakani aa-Kozibi mwana musimbi wasilutwe wa-Midyani, mucizi wabo, iwakajayigwa mubuzuba bwalunyonyooko mumakani aa-Peori.
Currently Selected:
Myeelwe 25: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
