Myeelwe 24
24
Balamu mbwaakasinsima alimwi aaba-Israyeli
1 #
My 11:25; 1 Sam 19:20; 2 Mak 15:1; Mt 7:21-23; 1 Kor 12:8,10 Lino Balamu naakabona kuti Jehova ulayanda kulongezya ba-Israyeli, wakaleka kuya kukuyandaula busondi mbuli mbwaakacita kukutaa nguna, nkabela wakalanga kunkanda. 2Elyo Balamu naakatambya meso aakwe, wakabona ba-Israyeli mbubakede, musyobo umwi aumwi. Mpawo Muuya wa-Leza wakamusikila, 3#My 23:7nkabela wakatalika kulungulula, wati,
Mbuboobu mbwaamba Balamu mwana wa-Beori.
Mbuboobu mbwaamba muntu iwakali ameso aaofweede,
4 #
1 Sam 19:24; Ezk 1:28; Dan 8:18; 10:15; 2 Kor 12:2; Ciy 1:10,11 Mbuboobu mbwaamba oyo uumvwide majwi aa-Leza,
Uubwene cilengano ca-Singuzuzyoonse,
lwakawida ansi akuvumbulwidwa meso aakwe,
5Ma! Zyabota zilao zyako, O Jakobo!
Azikalilo zyako, O Israyeli!
6 #
Int 1:3; Jer 17:8 Zili mbuli tumpata tulamfulamfu,
Mbuli myuunda kumbali lyamulonga;
Mbuli maalo ngaakabyala Jehova,
Mbuli misamu yakedari kumbali amaanzi.
7 #
1 Sam 15:32; 2 Sam 5:12; 1 Bam 4:21; 1 Mak 14:2; Is 2:2; 9:7 Muntesyo zyakwe mulakunka maanzi,
Alunyungu lwakwe luyooba akati kamisyobo minji.
Mwami wakwe uyooba mupati kwiinda Agagi,
Abwami bwakwe buyoosumpuka.
Leza nguwakamupozya mu-Egepita,
Ulijisi inguzu mbuli zyamunyati.
Unoosyukutya bamasi basinkondonyina,
Unoopwayaula zifuwa zyabo,
Akubayasya mivwi yakwe.
9 #
Matl 12:3; 49:9; 27:29; Kul 23:23; Int 122:6; Mt 25:40,45 Wabwantama, walala mbuli mulavu.
Uli mbuli syanza.
Ngwani uusi mubusye,
Alongezegwe kufumbwa uukulongezya!
Atukwe kufumbwa uukutukila!
10Mpawo bukali bwa-Balaki bwakabuka, wakalalila Balamu, wakamba amaanza aakwe. Balaki wakaambila Balamu kuti, Maawe! Ndakakwiita kuti uzoonditukilile basinkondoma, anukuti wabalongezya buyo ziindi ezi zyotatwe! 11Lino cija, upiluke kulindinywe. Ndakali kuyeeya kukupa bulemu bupati, pele Jehova wakukasya kupegwa bulemu. 12Elyo Balamu wakaambila Balaki kuti, Abo batumwa bako mbowakatuma kulindime, sa teendakabaambila kuti, 13Nekuba kuti Balaki wandipa iŋanda yakwe iizwide insiliva angolida, nsikonzyi kusotoka malailile aa-Jehova kukucita cintu, neciba cibotu neciba cibi, cizwa mumoyo wangu ndemwini? Ncaamba Jehova, ncencico ncenjeelede kwaamba. 14Lino ndainka, ndaya kulindiswe. Swiilila, nkulwiide bantu aba mbobayoocitila bantu bako mumazuba aaciza. 15Mpawo wakatalika kulungulula, wati,
Mbuboobu mbwaamba Balamu mwana wa-Beori,
Mbuboobu mbwaamba muntu iwakali ameso aaofweede.
16Mbuboobu mbwaamba oyo uumvwide majwi aa-Leza,
Uujene luzibo ku-Mupatikampatila,
Uubwene cilengano ca-Singuzuzyoonse,
lwakawida ansi akuvumbulwidwa meso aakwe.
17 #
Job 19:25-27; Zek 12:10; Jud 1:14; Ciy 1:7; Jer 23:5; Dan 2:14; Lk 1:32,33; Heb 1:8; Ciy 22:16; Matl 49:10; Int 110:2 Ndamubona, pele teensi mbwabede lino.
Ndamweebela, pele teensi cilengano cazintu zili afwaafwi.
Kwadunuka inyenyeezi muli-Jakobo,
Kwabuka inkoli yabwami mucisi ca-Israyeli.
Iyoopwaya impanza zya-Moabu,
Akutyolaula bana boonse ba-Seti,
18 #
Matl 27:37; 2 Sam 8:14; Int 60:8-12; Is 34:5; 63:1; Am 9:12 Edomu uyoosaalwa,
Basinkondonyina baku-Seiri bayoosaalwa,
Aba-Israyeli banooya buzunda.
19Muli-Jakobo mulazwa umwi uuendelezya,
Ulanyonyoona boonse basyeede mumunzi.
20Amane kwaamba obo, wakalanga ba-Amaleki, watalika kulungulula, wati,
Ba-Amaleki bakali musyobo mutaanzi,
Pele kumamanino lunyonyooko lulababweza.
21Alimwi wakalanga ba-Keni, elyo wakatalika kulungulula, wati,
Cikalilo cako ncalyoonse,
Aciteente cako ciliyakidwe andomba.
22Nekubaboobo Kaini uyoosaalwa,
Mane ba-Asuri bakutole mubuzike.
23Alimwi wakatalika kulungulula, wati,
Maawe! Ngwani unoopona Leza aakucita obo?
24 #
Matl 10:4; Is 23:1; Dan 11:30; Matl 11:14; Lev 26:28; Dt 28:36; Mt 23:37 Kuyoosika maato kuzwa ku-Kitimu,
Nkabela ayoopenzya ba-Asuri aba-Eberi,
Lino bayoonyonyooka abalo.
25Mpawo Balamu wakanyamuka, watola lweendo lwakwe, wapiluka kulinguwe. Alakwe Balaki wakainka.
Currently Selected:
Myeelwe 24: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
