Myeelwe 23
23
Balamu mbwaakasimimina aaba-Israyeli
1Lino Balamu wakaambila Balaki kuti, Amundiyakile zipaililo zili musanu azibili mpoonya ano, akundibambila basune bali musanu ababili abagutu bali musanu ababili. 2Mpawo Balaki wakacita mbubonya mbuli Balamu mbwaakaamba, nkabela Balaki a-Balamu bapaizya musune amugutu acipaililo cimwi acimwi. 3Lino Balamu wakaambila Balaki kuti, Imikila kumbali lyacituuzyo cako. Mebo ndaya. Ambweni Jehova uleza kuzoondiswana, Lino kufumbwa cintu ncandaambila, ndakulwiida ncico. Amane kwaamba obo, wakainka kulilubulansuki. 4Lino wakaswana Balamu. Nkabela Balamu wakamwaambila kuti, Ndabamba zipaililo zili musanu azibili, alimwi ndatuula musune amugutu acipaililo cimwi acimwi, 5#Dt 18:18; Jer 1:9Mpawo Jehova wakabika majwi mukanwa lya-Balamu, wati, Piluka kuliBalaki, ukaambe obu. 6Elyo wakapiluka, wamujana uliimvwi kumbali lyacipaizyo cakwe abasilutwe boonse ba-Moabu. 7#Job 27:21; Int 78:2; Ezk 17:2; 20:49; Mik 2:4; Hab 2:6; Mt 13:35; Matl 10:22; 1 Sam 17:10Mpawo wakatalika kulungulula. Wakati,
Balaki wandiita kuzwa ku-Aramu,
Mwami wa-Moabu wanditamba kuzwa kuzilundu zyakujwe.
Wati, Boola, unditukilile Jakobo,
Boola, umusampaule Israyeli,
Mutukile buti Leza ngwatanatukide?
Nsampaule buti Jehova ngwatana kusampaula?
Kuzwa atala lyamandomba ndamubona,
Kuzwa kuzilundu ndamweebela.
Ndabona musyobo uukala aulike,
Uutavwelene abamasi.
10 #
Matl 22:17; Int 116:15; Is 57:1,2 Ma! Taakwe uukonzya kubala lusuko lwa-Jakobo,
Tacikonzeki kupima neciba cipanzi cane caba-Israyeli.
Mfwe mbuli mbwafwa uululeme,
Amamanino aangu abe mbubonya mbuli aakwe.
11 #
Jos 24:10; Neh 13:2 Lino Balaki wakaambila Balamu kuti, Ma! Wandicitilanzi? Ndakakwiita kuti utukile basinkondoma pele ncobeni wabalongezya buyo. 12Wakavuwa kuti, Kufumbwa cintu Jehova ncabika mumulomo wangu, sa teensi ncico ncenjeelede kwaamba?
13Lino Balaki wakamwaambila kuti, Katuya ayebo kubusena bumbi, nkokonzya kubabona. Ula bona magolelo buyo aabantu, tokoobona boonse pe. Lino nditukilile bantu nkukonya oko. 14#Is 1:10,11; Hos 12:11Elyo wakamusisya kumuunda wa-Zofimu amutwe wa-Pisiga, wayaka zipaililo zili musanu azibili, wapaizya musune amugutu acipaililo cimwi acimwi. 15Lino Balamu wakaambila Balaki kuti, Imikila ano, kumbali acipaizyo cako. Mebo njiinke kuyooswana a-Jehova oko. 16Mpawo Jehova wakaswana a-Balamu, wabika majwi mumulomo wakwe, wati, Piluka kuli-Balaki, ukaambe obo. 17#1 Sam 3:17Naakasika kulinguwe, wamujana uliimvwi kumbali lyacipaililo cakwe, abasilutwe ba-Moabu bali awe. Lino Balaki wakamubuzya kuti, Ino Jehova waambanzi? 18#Bab 3:20Mpawo wakatalika kulungulula, wati,
Buka, O Balaki, umvwe;
Undiswiilile, O mwana wa-Zipori.
19 #
1 Sam 15:29; Int 102:26,27; Mal 3:6; Rom 11:29; Tit 1:2; Jak 1:17 Leza tali muntu, tabeji.
Tali muntu uufwa, tatamauki,
Na waamba makani, sa takoocita mbubonya?
Sa ncaamba takoocizuzikizya na?
20 #
Matl 12:2; 22:17; My 22:12 Bona! Ndalaililwa kulongezya!
Walo walongezya, mebo nsikonzyi kucisandula,
21 #
Jer 50:20; Hos 14:2-4; Mik 7:18-20; Rom 4:7; 6:14; 8:1; 2 Kor 5:19; Kul 13:21; 29:45,46; Int 89:18; 97:1; 98:6; Is 33:22; Lk 19:37,38 Takuboneki makataazyo muli-Jakobo,
Takubonwi mapenzi akati kaba-Israyeli,
Jehova Leza wabo uli akati kabo,
Cikwala cakusekelela mwami cilamvwigwa kulimbabo.
22 #
Dt 33:17
Leza nguwakabapozya mu-Egepita.
Balijisi inguzu mbuli inguzu zyabanyati.
23 #
Int 31:19
Ncobeni tacikonzeki kulowa Jakobo,
Nekuba kubasonda ba-Israyeli.
Lino ba-Jakobo aba-Israyeli balaambilwa kuti,
Ma! Ncinzi ncacita Leza?
24Bona bantu mbubabuka mbuli mulavu!
Balalisumpula mbuli syanza!
Tokoolala mane alye cilyo cakwe,
Akunywa bulowa bwabajayidwe.
25Elyo Balaki wakaambila Balamu kuti, Utabatukili limbi nekuba kubalongezya pe; leka buyo. 26Pele Balamu wakaambila Balaki kuti, Sa teendakakwaambila kuti, Kufumbwa Jehova ncaamba njeelede kucicita? 27Mpawo Balaki wakaambila Balamu kuti, Boola, tuye ayebo kubusena bumbi, Ambweni Leza ulazumina kuti ubatukile nkuko. 28Lino Balaki wakatola Balamu kumutwe wa-Peori, uulangene agundu. 29#2 Pet 2:16Nkabela Balamu wakaambila Balaki kuti, Undiyakile zipaililo zili musanu azibili mpoonya ano, alimwi undibambile basune bali musanu ababili abagutu bali musanu ababili. 30Lino Balaki wakacita mbubonya mbuli Balamu mbwaakaamba, akupaizya musune amugutu acipaililo cimwi acimwi.
Currently Selected:
Myeelwe 23: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
