Myeelwe 22
22
Balaki mwami waba-Moabu mbwaakatamba Balamu kuti azootukile ba-Israyeli
1 #
My 33:48; Matl 35:5; Kul 23:27; Dt 2:25; Jos 2:9; Jer 32:21 Lino ba-Israyeli bakalonga, baakukala mumagezi aa-Moabu, kunko-mwe lya-Jordano kulangene a-Jeriko. 2#Bab 11:25Nkabela Balaki mwana wa-Zipori kabwene zintu zyoonse ba-Israyeli nzebakacitila ba-Amori. 3#Kul 15:15Lino ba-Moabu kabayoowede loko bantu, nkaambo bakali banji, Ba-Moabu bakali kukankama nkaambo kabana ba-Israyeli. 4#My 31:8; Jos 13:21Elyo ba-Moabu bakaambila bapati ba-Midyani kuti, Aya makamu aabantu alamaninina zyoonse zitweengelede mbubonya mbuli iŋombe mbwiimaninina bwizu bwamusokwe, Mwami wa-Moabu kuciindi eco kali Balaki mwana wa-Zipori, 5#My 31:8; 2 Pet 2:15-16; Jud 11; Dt 23:4; Jos 13:22; Neh 13:1,2; Mik 6:5Lino wakatuma batumwa kuli-Balamu mwana wa-Beori waku-Petori kunkomwe yamulonga munyika yabana ba-Amori, kuti bakamwiite, cakuti, Bona! Kwakazwa bantu munyika ya-Egepita, Mbanji mbuli bwizu, alimwi balikede bulangene ambebo, 6#Matl 12:3; 27:29; My 23:7; Dt 23:4; Jos 24:9; 1 Sam 17:43; Neh 13:2Uboole, uzoonditukilile bantu aba, nkaambo mbayumu kwiinda ndime, Wacita obo, ambweni ndakonzya kubazunda akubatanda munyika, nkaambo ndizi kuti kufumbwa muntu ngolongezya ulilongezezyegwe, ayooyo ngotukila ulitukidwe.
7 #
Kul 23:8; 1 Sam 9:7,8; Tus 17:23; Is 56:11; Mik 3:11 Mpawo bapati ba-Moabu abapati ba-Midyani bakanyamuka amali aakusondya mujanza lyabo. Basike kuli-Balamu, bakamwaambila majwi aa-Balaki. 8Nkabela wakabaambila kuti, Amuone okuno, nkamuvwiile mbubonya mbuli Jehova mbwati ndaambile. Elyo bapati ba-Moabu bakaona kuli-Balamu. 9#Matl 20:3; 31:24Lino Leza wakasika kuli-Balamu, wati, Mbani aba bantu bali kulinduwe? 10Balamu wakavwiila Leza kuti, Balaki mwana wa-Zipori mwami wa-Moabu wanditumina mulazyo wakuti, 11Bona! Kwazwa bantu mu-Egepita, bali mbuli bwizu, Boola uzoonditukilile bantu aba, Wacila obo ambweni ndakonzya kubalwisya akubatanda munyika. 12#Matl 12:2; 22:17; 28:13,14; My 23:20; Dt 23:5; 33:29; Int 144:15; Rom 11:29Pele Leza wakaambila Balamu kuti, Toelede kuya abo, Utatukili bantu aba pe, nkaambo balilongezezegwe. 13Lino nebwakaca, Balamu wakabuka, waambila bapati ba-Balaki kuti, Kamuya kucisi canu, nkaambo Jehova wandikasya kwiinka anywebo, 14Mpawo bapati ba-Moabu bakanyamuka. Basike buyo kuli-Balaki, bakati, Balamu wakaka kuza aswebo.
15Lino Balaki wakatuma basilutwe abamwi, banji, balemu kwiinda bataanzi. 16Basike kuli-Balamu bakamwaambila kuti, Mbuboobu mbwaamba Balaki mwana wa-Zipori. Kutabi cintu cikukasya kuboola kulindime, 17#Dt 16:19; Int 49:17; Mt 4:8,9; 16:26nkaambo ncobeni ndakupa bulemu bupati, alimwi kufumbwa cintu ncondaambila, ndacicita. Boola uzoonditukilile bantu aba. 18#1 Bam 22:14; 2 Mak 18:13Pele Balamu wakavwiila balanda ba-Balaki kuti, Nekuba kuti Balamu wandipa iŋanda yakwe iizwide insiliva angolida, nsikonzyi kusotoka malailile aa-Jehova Leza wangu kukucita cintu neciba ciniini neciba cipati. 19Amuone anywebo okuno masiku ano, mane nzibe eco Jehova ncayanda kundaambila alimwi. 20#My 23:12,26; 24:13; Int 33:10,11; Is 37:29; 46:10Lino Leza wakasika kuli-Balamu ciindi camasiku, wati, Na bantu beza kuzookutamba, mbubo, buka, koya abo, pele cintu ncendakwaambila ncencico ncoelede kucita luzutu.
21 #
Tus 15:27; 1 Tim 6:9,10; 2 Pet 2:15; Jud 1:11 Buce buyo, Balamu wakabuka, wabopa imbongolo yakwe, wainka abasilutwe ba-Moabu. 22#Kul 4:24; 23:20Lino bukali bwa-Leza bwakabuka nkaambo kakwiinka kwakwe, nkabela angelo wa-Jehova wakaima mu nzila kuti amusinkile, Nkabela katantide ambongolo, kali abalombe bobile. 23#2 Bam 6:17Lino imbongolo yakabona angelo wa-Jehova uliimvwi munzila, apanga lisomwedwe mujanza lyakwe, nkabela imbongolo yakaleya kuzwa munzila, yaya musokwe. Mpawo Balamu wakauma imbongolo kuti aipilusye munzila. 24Lino angelo wa-Jehova wakaima akati kamyuunda yamasaansa mukazila kasyanikide kajisi malambo koonse. 25#Is 47:12; 1 Kor 3:19Lino imbongolo ibone buyo angelo wa-Jehova, yakalisyanikizya kubulambo akusyanikizya kuulu kwaBalamu kubulambo, Lino wakaiuma alimwi. 26#Is 26:11; Hos 2:6Elyo angelo wa-Jehova wakaya kunembo, waima abusena busyanikide butajisi inzila yakwiinda nekuba kululyo nekuba kulumwesi. 27#Tus 14:16; 27:3,4; Jak 1:19Nkabela imbongolo neyakabona angelo wa-Jehova, yakalala kunsi lya-Balamu. Mpawo bukali bwa-Balamu bwakabuka, nkabela wakauma imbongolo amusako wakwe. 28#Mt 19:26; 1 Kor 1:19; 2 Pet 2:16Lino Jehova wakaambya mulomo wambongolo, nkabela yakaambila Balamu kuti, Ino ndakucitanzi? Wanduuminanzi inkwi zyotatwe? 29#Tus 12:10; Muk 9:3; Jer 17:9; Mt 15:19Lino Balamu wakaambila imbongolo kuti, Nkaambo wandisampula. Nendajisi ipanga mujanza lyangu nendakugonka! 30#1 Kor 1:27Nkabela imbongolo yakaambila Balamu kuti, Ma! Sa nsili imbongolo yako njotanta buumi bwako boonse kusikila sunu na? Sa lyoonse ndakali kukucitila obu? Wakati, Pe, pe.
31 #
Matl 21:19; 2 Bam 6:17; 1 Mak 21:16; Lk 24:16; Job 8:20; Tus 11:2; Jer 3:25 Mpoonya awo Jehova wakavumbula meso aa-Balamu, nkabela wakabona angelo wa-Jehova uliimvwi mu nzila apanga lyakwe lilisomwedwe lili mujanza lyakwe. Abone wakakotama, wavundama. 32#Dt 23:4; Tus 28:6; Mik 6:5; Inc 13:10; 2 Pet 2:14,15Lino angelo wa-Jehova wakamwaambila kuti, Ino nkaambonzi wauma imbongolo yako inkwi zyotatwe? Bona! Ndasika kuzookusinkinizya, nkaambo lweendo lwako walubindaanya. 33Imbongolo yakandibona, yaleya inkwi ezi zyotatwe. Neyataleya, ncobeni nendakujaya, yalo neyatafwa. 34#1 Sam 26:21; 2 Sam 12:13Mpoonya awo Balamu wakaambila angelo wa-Jehova kuti, Ndabisya, nkaambo teendezi kuti uliimvwi munzila kundisinkinizya, Na makani akubijila, ndapiluka. 35Lino angelo wa-Jehova wakaambila Balamu kuti, Koya buyo abantu aba, pele utaambi ijwi neliba lyomwe cita ngendakwaambila, Amvwe obo Balamu wakainka abasilutwe ba-Balaki.
36 #
Matl 14:17; 18:2; Kul 18:7; 1 Sam 13:10; Inc 28:15 Lino Balaki naakamvwa kuti Balamu wasika, wakanyamuka kuyoomuswana kumunzi wa-Moabu, uuli kumugaano wa-Arinoni, kumagolelo aacisi cakwe. 37Elyo Balaki wakaambila Balamu kuti, Sa teendakatuma basikukwiita? Nkaambonzi tokwe nowakasika mpawo? Sa nsikonzyi kukupa bulemu? 38#1 Bam 22:14; 2 Mak 18:13Balamu wakavwiila Balaki kuti, Bona! Ndasika. Pele sa ndijisi inguzu zyakwaamba cintu neciba comwe? Majwi Jehova ngaabika mumulomo wangu ngengao ngensi ambe. 39Mpawo Balamu wakaya a-Balaki mane bakasika ku-Kiriyati-Huzoti. 40Nkabela Balaki wakapaizya iŋombe ambelele, waabila Balamu abasilutwe mbaakali abo.
41 #
Dt 12:2; 2 Mak 11:15; Jer 48:35 Nebwakaca Balaki wakatola Balamu, wamusisya ku-Bamoti-baala. Oko wakakonzya kubona mamanino aazilao zyabantu.
Currently Selected:
Myeelwe 22: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
