Popular Bible Verses from Myeelwe 22

Share

Lino Jehova wakaambya mulomo wambongolo, nkabela yakaambila Balamu kuti, Ino ndakucitanzi? Wanduuminanzi inkwi zyotatwe?

Mpoonya awo Jehova wakavumbula meso aa-Balamu, nkabela wakabona angelo wa-Jehova uliimvwi mu nzila apanga lyakwe lilisomwedwe lili mujanza lyakwe. Abone wakakotama, wavundama.

Lino angelo wa-Jehova wakamwaambila kuti, Ino nkaambonzi wauma imbongolo yako inkwi zyotatwe? Bona! Ndasika kuzookusinkinizya, nkaambo lweendo lwako walubindaanya.

Nkabela imbongolo yakaambila Balamu kuti, Ma! Sa nsili imbongolo yako njotanta buumi bwako boonse kusikila sunu na? Sa lyoonse ndakali kukucitila obu? Wakati, Pe, pe.

Lino Balamu wakaambila imbongolo kuti, Nkaambo wandisampula. Nendajisi ipanga mujanza lyangu nendakugonka!

Nkabela imbongolo neyakabona angelo wa-Jehova, yakalala kunsi lya-Balamu. Mpawo bukali bwa-Balamu bwakabuka, nkabela wakauma imbongolo amusako wakwe.