Nahumu 2
2
Nineue mbuuti nyonyoonwe
1Sikutyolaula wasika kuzookulwisya. Bamba kabotu macijilo aako. Langisya inzila. Koliyumya mucikungu, akulijatila inguzu loko. 2Nkaambo Jehova waboozya bulemu bwa-Jakobo, bube mbuli bulemu bwa-Israyeli. Nkaambo basikusaala bakabasaala akunyonyoona mitabi yabo. 3Intobo zyabasintaze bakwe zyasalala pyu, basilumamba bakwe balisamide zisalalisya. Inkoloyi zyakwe zilabeka-beka mbuli mulilo mubuzuba bwakwe bwakulibamba, amasumo alazunga-zunga loko. 4Inkoloyi zilazungaana mumigwagwa, zilazuza-zuza mumasambalilo. Zilikozyene amalampi, zilapenauka mbuli indabo. 5Ulayobolola basimpi bakwe, balaliwaala canguzu. Balafwambaanina kubulambo, akubamba lubaya lwakutabilila. 6Zijazyo zyamilonga zyajaluka, aŋanda yabwami yabomboloka. 7Namalelo ulisamunwidwe akutolwa, abasimbi bakwe balalila mbuli inziba cakulyuuma-uma azyamba zyabo. 8Ncobeni Nineve kalekale kuuli mbuli iziba lyamaanzi, nekubaboobo balacija. Baambilwa kuti, Ima, ima! Pele taakwe uupiluka.
9Amusaale insiliva! Amusaale ingolida! Imbono tazimani! Zintu ziyandisi nzilemu! 10Ulisaalidwe, ulipilingene, ulinyonyoongene! Moyo weenzuka, amazwi alakankama, Zikungu zyoonse zilazungana, amasyu aabantu boonse alipuseme. 11Buli kuli bulyango bwabalavu, acilido cabasyuumbwa, nkubakali kweendeenda mulavu amuzyazi wakwe atwana twabo cakutayoowa muntu? 12Mulavu wakali kujaya nyama yakukusya twana twakwe, akusinina bazyazi bakwe nyama. Bakali kuzuzya malyango aabo zyakulya, amampangala aabo akazula zilyo.
13Bona! Ndakulwisya, mbwaamba Jehova wamakamu. Njootenta inkoloyi zyako mukati kabusi, abalavu bako ipanga liyoobalya. Njoomanisya zisaalo zyako ansi, nkabela ijwi lyabatumwa bako talikooyoomvwigwa limbi.
Currently Selected:
Nahumu 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
