Nahumu 3
3
1Maawe! Munzi wabulowa! Munzi woonse ulizwide lubejo alunyansyo. Tabaleki kusaala. 2Lilamvwigwa ijwi lyacimboko, akundindima kwamavili. Imbizi zilazilika, ankoloyi zilakonkozya. 3Basimbizi balatanta. Mapanga alamweka, amasumo alabeka-beka. Bajayidwe mbanji loko, zitunta tazibaliki. Mitumba tiimani, balalebwa kulinjiyo, 4#Is 47:9; 2 Tes 2:9,10; Dan 2:2; Ciy 9:20,21Nkekaambo kamamambe manji aasimamambe uuli aciwa cibotu, sibulozi, uuaba masi amamambe aakwe aziinga amalozi aakwe.
5 #
Is 47:2,3 Bona! Ndakulwisya, mbwaamba Jehova wamakamu. Njoosamununa malogwe aako kubusyu bwako. Bantu bamasi njoobabonya cintanda cako, amami oonse ayoobona kusampauka kwako. 6Njookufusa zisesemyo, njookusofwaazya, njookubika ukabe ceebelwa. 7Elyo boonse bakubona bayoocija, bayooti, Ma! Nineve wasaalwa! Ino nguni uuti mulilile? Njandaule kuli basikumuumuzya?
8Sa uli kabotu kwiinda No-amoni? Kakede akati kamilonga, kazyungulukidwe maanzi. Civunyo cakwe cakali lwizi, bulambo bwakwe bwakali lwaanze. 9#Ezk 30:5Etiopiya a-Egepita mbobakali inguzu zyakwe, nkabela teezyakali kumana pe. Puti a-Lubimu mbobakali kumugwasya. 10#Joel 3:3; Ob 1:11Nekubaboobo wakazundwa, wakatolwa mubuzike. Bana bakwe bakapwayigwa kumapambukilo aanzila zyoonse. Balemu bakwe bakabawaalila cisolo, abapati bakwe boonse bakaangwa ankeetani.
11Ayebo mbubonya uyookolwa akuyuba, uyooliyandawida macijilo nkaambo kabasinkondonyoko. 12#Ciy 6:13Zicijilo zyako ziyumu zyoonse ziyooba mbuli mikuyu iili abana bavuyukide. Na bayuunigwa, balaloka buyo mumulomo wasikulya. 13#Is 19:16; Jer 50:37Bona! Bantu bako bakede mukati kamunzi mbanakazi buyo. Milyango yanyika yako ncobeni ilijulidwe kumeso aabasinkondonyoko. Mulilo walya kale minkulu yayo. 14Kolitekela maanzi aakubelesya munzi nosinkidwe. Yumya zicijilo zyako ziyumu, Konjila muntimba ukalyataule bulongo bwakubumba zitina. 15#Joel 1:4Oko mulilo uti kulye, ipanga liti kunyonyoone akukulya mbuli cisozi. Kolivuzya mbuli cisozi, kolivuzya mbuli cikwikwi. 16Basambazi bako wabavuzya loko kwiinda nyenyeezi zyakujulu, pele cisozi catalika kuvungununa mababa aaco, cilauluka. 17#Ciy 9:7Bapatipati bako bali mbuli cisozi, abamabbalani bako bali mbuli cikwikwi. Cilikede mukati kabulambo ciindi campeyo, pele izuba lyapasuka buyo, balacija, elyo taakwe uuzi na cili kuli. 18#Jer 50:18; Ezk 31:3; 1 Bam 22:17Beembeli bako bali muŋonzi, O mwami wa-Asuri. Baalu bako baloonede. Bantu bako balimwaikide azilundu, taakwe uubabunganya pe. 19#Is 14:8; Malo 2:15; Zef 2:15Kuciswa kwako takusilikiki pe, bulwazi bwako mbwalufu. Boonse baswiilila impuwo bayookukambilila maanza, nkaambo taakwe naba omwe bubi bwako ngubutana kukataazya lyoonse.
Currently Selected:
Nahumu 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
