Nahumu 1
1
Bukali abuuya bwa-Jehova. Mbwavuna bamu bakwe
1 #
Is 10:5-34; 14:24-27; Zef 2:13-15 Ngaaya makani aa-Nineve. Ndeeli ibbuku lyacilengano ca-Nahumu waku-Elikosi.
2Jehova ngu-Leza sibbivwe sikutema milandu. Jehova ulatema milandu, alimwi ulizwide bukali. Jehova ulatema milandu yabaabo bamukazya, akutaleka bukali kuli basinkondonyina. 3#Kul 34:6,7; 19:16; Int 103:8; Mik 7:18Jehova tafwambi kunyema, alimwi inguzu zyakwe nzipati. Takooyoolulamika abuniini babisya. Jehova ulijisi inzila yakwe mukambizi amuguwo, amayoba ndolusuko lwamaulu aakwe. 4#Jos 3:15,16Ulatapatila lwizi akuluyuminizya, amilonga yoonse uliianzanya. Basani a-Karimeli alapusama, aalo malubaluba aa-Lebano alapusama. 5#2 Sam 22:8Zilundu zilateketa kubusyu bwakwe, atulundulundu tuleenzunuka. Nyika ilapyopyongana naalibonya, aluwa abantu boonse bakede mulindulo. 6Nguni uukonzya kwiima kubukali bwakwe. Nguni uukonzya kulibusya kulunyemo lwakwe luyoosya. Bukali bwakwe bulakolomoka mbuli mulilo, amandomba alapwayika nkaambo kakwe.
7 #
Int 1:6; 2 Tim 2:19 Jehova mubotu, ngumacijilo mubuzuba bwamafwabi, ulibezi abo bamusyoma, 8#Am 8:8Pele ulamanizya basinkondonyina alupayo lwazambangulwe, ulabatandila mumudima. 9Ino nkaambonzi mulayeeya bubi kuli-Jehova? Ulamanizya makani lweendo lomwe. Mapenzi taakooyoobuka lwabili. 10Nekuba kuti bali mbuli mamvwa aasyankene, alimwi balikoledwe bukoko, bayootentwa mbuli zisikosiko ziyuminide. 11Nkwali iwakazwa mulinduwe uuyeeya bubi kuli-Jehova, uubula zyabuyo.
12Mbuboobu mbwaamba Jehova. Nekuba kuti bali anguzu, alimwi mbanji, bayoogonkwa akumaninina. Ndakakubombya, pele nsikooyookubombya limbi pe. 13Ciindi ecino ndati tyole ijoko lyakwe, azyaanzyo zyako ndasi zivwinyaune. 14Jehova walailila aanduwe kuti izina lyako litayeeyegwi limbi. Njoomanisya muŋanda yamizimu yako zikozyano zibezedwe azyabutale. Njookubikila cuumbwe, nkaambo ulisampaukide.
15 #
Is 52:7
Amubone! Alya azilundu alamvwigwa maulu aasikukambauka Makani Mabotu, uuteelezya luumuno. Wati, Kobamba mapobwe aako, O Juda, kocita mbowakonkezya. Mwana wa-Saatani takooyooinda limbi akati kako, nkaambo wamanisigwa.
Currently Selected:
Nahumu 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
