Mika 7

Ulalila sibi zyabantu bakwe

1 # Jer 2:3; Hos 9:10 Maawe! Ndaba mbuli ciindi nibamana kubweza micelo, mbuli tucelocelo tusyaala kumasaansa naacelwa. Taakwe cikungo cakulya. Taakwe inkuyu zisolosya moyo wangu nzyuuyanda. 2#1 Sam 24:11; Int 57:6; Hab 1:15Muntu siluzyalo ulimaninide ansi. Taakwe uululeme akati kabantu, Boonse balalindila bulowa bwabantu. Boonse balavwima umwi aumwi mweenzinyina atukole. 3#Hos 4:18; Is 1:23Babamba maanza aabo kuti bacite bubi. Mwami sikubeteka ulakumbila cilumbyo, elyo muvubi ulamwaambila moyo wakwe neuyanda, nkabela balacicita antoomwe. 4Nekuba mubotu akati kabo uli mbuli ciyasabavwimi, ayooyo uululeme kwiinda beenzinyina uli mbuli lubaya lwamamvwa. Buzuba bwabalindi bako nibati umwe bulasika, Lino balajana mafwabi. 5Utasyomi mweenzinyoko, utabiki moyo wako kumuzwalani wako. Ayooyo ngokumbatana awe utamujalwidi mulomo wako. 6#Matl 9:22-24; Mt 10:35-36; Lk 12:53Nkaambo mwana mulombe ulasampaula wisi, amwana musimbi ulabukila cakulwisya banyina, amukamwana ulakazyanya abanyinazyala. Basiluzubo bamuntu mwini mbibayooba basinkondonyina.

Ulasekelela kuzundwa kwabasinkondonyina

7Pele mebo njoolangila Jehova, njoolindila Leza walufutuko lwangu, Leza wangu uyoondiswiilila. 8#Int 37:5,6; Tus 24:17; Malo 4:21Utandisekeleli nosinkondoma, nkaambo nekuba kuti nkawe, njoobuka lubo. Nekuba kuti nkale mumudima, Jehova ngumumuni wangu. 9Ndalibombya kubukali bwa-Jehova, nkaambo ndamubisizya, mane akandikoswede makani akundicitila ciluleme. Uyoondinjizya mumumuni, nkabone bululami bwakwe. 10Elyo sinkondoma uyoocibona, abweeme buyoomuvumba. Oyo iwakali kundibuzya kuti, Uli kuli Jehova Leza wako? meso aangu ayoomubona, nkabela lino uyoolyataulwa mbuli itombe lyamumigwagwa.

Kuyahululwa kwa-Jerusalemu

11Kuyooba buzuba bwakuyaka malambo aako. Mubuzuba obo mulao uyootolwa kule. 12Mubuzuba obo bayooza kulinduwe kuzwa ku-Aseri akuzwa kuminzi ya-Egepita, kuzwa ku-Egepita mane kusikila kumulonga, kuzwa kulwizi akusikila kulwizinyina, akuzwa kucilundu kusikila kucilundunyina. 13Pele nyika iyooba matongo nkaambo kabantu bayo; njemicelo yancito zyabo.

Lukombo lwakumamanino

14 # Dt 33:28 Embela bantu bako amusako wako, imbelele zyacaabilo cako zikede azilike musokwe mukati ka-Karameli, Ziembelwe mu-Basana amu-Gileadi mbubonya mbuli mumazuba aakamana. 15Njoomutondezya zintu zigambya mbubonya mbuli mumazuba alya nowakazwa mu-Egepita, 16#Is 26:11Bamasi nibayoobona bayoofwa bweeme aanguzu zyabo. Bayoobika maanza amiloma yabo, amatwi aabo ayoosinkwa. 17Bayoomyankuta ivu mbuli inzoka. Bayooza bukalaba akukankama kuzwa kumayubilo aabo mbuli tuuka twaansi. Bayooza buyoowa Jehova Leza wesu. Bayookankama nkaambo kanduwe. 18#Kul 15:11; 34:6,7; Int 89:6-8; 103:9; Is 57:16Nguni Leza uuli mbuli nduwe nojatila zibi akulekelela milandu yabantu bako basyeede? Takakatili lyoonse bukali bwakwe, nkaambo luzyalo ndolumubotela. 19#Rom 6:6Uyooboola kutufwida luse, uyoolyataula amilandu yesu, azibi zyesu zyoonse ulazisowa mubonze lyalwizi. 20#Rom 11:29Uyoocitila Jakobo cakusinizya akufwida Abrahamu luzyalo, mbubonya mbowakasyomezya bamatata mumazuba aakalekale.

Currently Selected:

Mika 7: Ibbaib63

Highlight

Copy