Mika 6
6
Lukazyanyo lwa-Jehova aba-Israyeli
1Lino amuswiilile ncaamba Jehova. Wati, Buka, ukakazyanye azilundu, atwalo tulundulundu tuswiilile ijwi lyako. 2#Hos 12:2Amuswiilile, nuzilundu, lukazyanyo lwa-Jehova, anywebo numatalikilo aateeli aanyika, nkaambo Jehova uli amakani aakukazyanya abantu bakwe, ulazumanana aba-Israyeli. 3#Int 50:7; Is 5:3,4; Jer 2:5,31Nubantu bangu, ndamucitilanzi? Ndamukataazya buti? Amundivwiile. 4#Kul 4:10-16; 12:50-51; 15:20Nkaambo ndime ndakamugwisya munyika ya-Egepita. Ndime ndakamunununa muŋanda yabuzike. Ndime ndakamupa Musa a-Aroni a-Miriamu kuti bamusololele. 5#Ciy 2:14; My 25:1; Bab 5:11; My 22:2–24:25; Jos 3:1–4:19Nubantu bangu, mutalubi Balaki mwami wa-Moabu mbwaakakanza kumubisizya, a-Balamu mwana wa-Beori mbwaakamuvwiila. Mutalubi zyoonse izyakacitwa kuzwa ku-Sitimu mane kusikila ku-Giligala, kuti muzibisye milimo iiluleme ya-Jehova mbwiibede.
Inkombelo loko mbiibede
6 #
Int 15:1; Joh 6:28 Nkaletelezyenzi kubusyu bwa-Jehova? Nkotame buti kunembo lyaLeza wakujulu? Sa mboole kubusyu bwakwe azipaizyo? Sa nkalete boombe bamwaka omwe? 7#Int 50:9; Is 1:11; 2 Bam 16:3Sa Jehova ulabotelwa zyuulu zyabagutu bambelele, na zyuulu zyuulu zyamilonga yamafuta? Sa nkaabe mwanaangu mutaanzi nkaambo kamilandu yangu, micelo yamubili wangu nkaambo kazibi zyamoyo wangu? 8Wakutondezya, O muntu, cintu cibotu mbucibede. Taakwe cintu cimbi Jehova ncayanda kulinduwe, pele kucita bululami akuyanda luzyalo akweenda cakulibombya a-Leza wako.
Zibi zya-Jerusalemu
9Ijwi lya-Jehova lilaongolola kumunzi. (Kulemeka izina lyako nkokuleta coolwe.) Amuswiilile nomusyobo ambungano yamunzi. 10Sa bubi mubucili muŋanda yababi? Sa ceelesyo cice cakweenya nkucili? 11#Hos 12:7; Am 3:10Sa ndakonzya kumululamika uuli azipimyo zitaluleme, ayooyo uuli ankomo yamabwe aakweelesya aakweenya? 12Nkaambo bavubi bamunzi balizwide buvupi; bantu bawo balaamba zyakubeja, andimi zyabo zili alweeno mukanwa lyabo. 13Lino mebo ndakuuma acuumyo cijaya, ndakusaala nkaambo kazibi zyako. 14Uyoolya pele tokooyookuta pe. Buusu bwako bulalibonya mukati kako. Uyoosoleka kulonzya pele tokooyoosisya kabotu pe, aceeco ncosisya njoocaabila ipanga. 15Uyoobyala pele tokooyootebula. Uyooenga mafuta aamaolifa pele tokooyooanana. Amasaansa uyooalyata, pele tokooyoonywa waini pe. 16#1 Bam 16:23-34; 21:25-26Nkaambo mulatobela ziyanza zya-Omri amilimo yaluzubo lwa-Ahabu, amunjiyo zyabo momweendela. Aboobo njoomwaabila lusaalo, abantu bamumunzi bayooba basikusyolaukwa. Mulasampaulwa kulibamasi.
Currently Selected:
Mika 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
