Luka 4

Jesu mbwaakasunkwa Saatani

(Matayo 4:1-11; Marko 1:12,13)

1 # Mt 4:1-11; Mk 1:12,13 Eno Jesu kazywide Muuya Uusalala, wakabweeda kuzwa ku-Jordano, wakasolwedelwa Muuya munkanda 2mazuba aali makumi one, wali kusunkwa Saatani. Kumazuba ayo takalide cintu, naakamana wakafwa nzala, 3Nkabela Saatani wakamwaambila kuti, Na uli Mwana a-Leza, ambila ibbwe eli libe nsima. 4#Dt 8:3Jesu wakavuwa wati, Kulilembedwe kuti,

Muntu taponi kunsima yalo,

Pele kumajwi oonse aa-Leza.

5Elyo wakamutola kudundu idamfu, wamutondezya zisi zyoonse zyaansi mukaindi komwe, 6Saatani wakati kulinguwe, Ndakupa bwami obu boonse abulemu bwazyo, nkaambo ndabupegwa, eno kufumbwa ngwenyanda inga ndamupa mbubo. 7Kuti wandikomba, boonse bulaba bwako. 8#Dt 6:13,14Jesu wakamuvuwa kuti, Kozwa, Saatani. Kulilembedwe kuti,

Komba Jehova, Leza wako,

Umumanine milimo walo alike.

9Ndilyonya wakamutola ku-Jerusalemu, wamutantika acisumpa centempele, wamwaambila kuti, Na uli mwana a-Leza, liwaale ansi, 10#Int 91:11,12nkaambo kulilembedwe kuti,

Uyoolailila baangelo bakwe anduwe, kuti bakukwabe,

11 # Int 91:12 Alimwi kuti,

Amaanza aabo bazookuyumuna,

Kuti utalicisi kuulu kwako kubbwe.

12 # Dt 6:16 Alimwi Jesu wakamuvuwa kuti, Kwategwa,

Utasunki Jehova Leza wako.

13 # Heb 4:15 Nkabela Saatani naakamana kumusunka koonse, wakamusia kaindi,

Jesu mbwaakakambauka ku-Nazareta

(Matayo 13:54-58; Marko 6:1-6)

14 # Mt 4:12-17; Mk 1:14,15 Elyo Jesu wakabweeda ku-Galilaya munguzu zya-Muuya, kwakaya mpuwo yakwe mucisi coonse icizingulukide. 15Wakali kwiisya muzikombelo zyabo, wali kulemekwa boonse.

16 # Mt 13:53-58; Mk 6:1-6 Wakasika ku-Nazareta nkwaakalelwa, mubuzuba bwa-Sabata wakanjila mucikombelo mbuli mbwaakazibide, wanyamuka kuti abale. 17#Is 61:1,2; 58:6Mpoonya wakatambikwa bbuku lyamusinsimi Isaya. Naakalivununa wakajana ukwakalembedwe kuti,

18 # Is 61:1-2 Muuya wa-Jehova uli alindime,

Nkaambo wandinanika kuti ndikambaukile bacete makani mabotu. Wandituma kuti ndiponye batyokede kumyoyo,

Ndyoompolole kwaangununwa kubaange,

Akubonununwa kuboofu,

Ndinunune abapengede,

19 # Lev 25:10 Ndyoompolole mwaaka uusalidwe wa-Jehova.

20Nkabela wakavunika bbuku, walibweedezya kulisimulimo wacikombelo, wakala. Boonse abakali mucikombelo bakamuyasa meso, 21Mpoonya wakatalika kubaambila kuti, Sunu kwazuzigwa lugwalo olu mumatwi aanu. 22#Joh 6:42Eno boonse bakalumba-lumba, bagambwa kumajwi aaluzyalo aazwa kumulomo wakwe bati, Oyu tali mwana a-Josefa na? 23#Mt 4:13Wakati kulimbabo, Ncobeni muyoondyaambila aka kasimpe kakuti, Omusilisi, kolisilika. Zyoonse nzotwakamvwa izyakacitwa ku-Kapemauma, zicite amomuno mucisi cakwanu. 24#Joh 4:44Wakati, Ncobeni ndamwaambila kuti, Taakwe musinsimi uutambulwa mucisi cakwabo. 25#1 Bam 17:1,9; 18:1; Jak 5:17Ndamwaambila cakasimpe kuti, Kwakali bamukabafu banjibanji mucisi ca-Israyeli kumazuba aa-Eliya, neyatakali kuwa mvula myaaka yotatwe iili emyeezi yosanwe muumwi, neyakaba nzala mpati mucisi coonse, 26#1 Bam 17:8-16nokubaboobo Eliya takatumidwe kuli omwe wambabo, pele ku-Sarepta waku-Sidoniya kumukaintu uwakali mukamufu. 27#2 Bam 5:1-14Alimwi kwakali basicinsenda banjibanji mucisi ca-Israyeli kuciindi ca-Elisha musinsimi, kwalo taakwe uwakasalazigwa naba omwe, pele Naamani walo waku-Suriya. 28Eno nobakamvwa boobo boonse abali mucikombelo bakafundilila abukali, 29banyamuka, bamutandila anze amunzi, bamutola amutwe acilundu, mpaakayakidwe munzi wabo, kuti bamuwisizye ansi. 30Pele walo wakaandulula akati kabo, wakainka.

Jesu mbwaakaponya bantu mu-Kapenaumu

(Matayo 8:14-17; Marko 1:21-34)

31 # Mk 1:21-28 # Mt 4:13; Joh 2:12 Elyo wakaselemuka kuya ku-Kapemauma, munzi waku-Galilaya. Wakali kubaiisya ku-Sabata, 32#Mt 7:28-29; Joh 7:46bakaankamana akwiisya kwakwe, nkaambo makani aakwe akali abwami. 33Omo mucikombelo mwakali muntu uwali amuuya wadaimona uusofweede, woompolola ejwi ipati, 34wati, Akaka, tuleke, Tujisi makaninzi ayebo, o-Jesu wa-Nazareta? Sena waboola kutufwidilizya? Ndilikuzi yebo, nduwe Uusalala wa-Leza. 35Nkabela Jesu wakamutapatila wati, Umuna, zwa kulinguwe. Mpoonya daimona naakamuwaala ansi akati kabo wakazwa kulinguwe, taakwe naakamucisa. 36Elyo bakaankamana boonse, babuzyanya kuti, Ino lityani eli jwi ndyaambila myuuya mibi cabwami enguzu, mpoonya yazwa? 37Nkabela wakamvwigwa mpuwo yakwe mumasena oonse aamucisi eco.

38 # Mt 8:14-17; Mk 1:29-39 Wakazwa mucikombelo, wakanjila muŋanda ya-Simoni. Bamakwaakwe Simoni bali kuciswa kapati mutwe amubili woonse, bakabakumbilila kulinguwe, 39Mpoonya awo wakabakotamina, watapatila cilwazi, cabaleka, Ndilyonya bakabuka, babajatila cakulya.

40Nelyakabbila izuba, boonse abakali kujisi abaciswa zilwazi zyamikumo mikumo, bakabaleta kulinguwe, wababika maanza umwi umwi, wabaponya. 41#Mt 8:29; Mk 3:11,12Abalo badaimona bakazwa kubanjibanji, boompolola bati, Yebo uli Mwana a-Leza, Walo wakabatapatila, taakwe naakabazumizya kwaamba, nkaambo bakalimuzi kuti ngu-Kristo.

42Nobwakaca wakazwa, wainka munkanda. Nkabela makamu makamu akamuyandaula, aboola kulinguwe. Bali kuyanda kumukasya kuti atabasii. 43#Lk 8:1Pele wakabaambila kuti, Ndileelede kwiikambaukila minzi imwi Makani Mabotu aa-Bwami bwa-Leza, nkaambo nkonkuko nkwendakatuminwa. 44#Mt 4:23Elyo wakali kuya bukambauka muzikombelo zyamu-Galilaya.

Currently Selected:

Luka 4: Ibbaib63

Highlight

Copy