Luka 3

Johane Mubapatizi

(Matayo 3:1-12; Marko 1:2-8; Johane 1:6-8,19-36)

1Kumwaaka wekumi amusanu wabwami bwa-Tiberiyo Kaisara, Ponto Pilato naakali mweendelezi waku-Judaya, awalo Heroda naali mwami waku-Galilaya, awalo Filipo mwanaakwabo naali mwami wacisi ca-Itureya eca-Trakoniti, awalo Lusaniyo naali mwami waku-Abilene, 2Ana a-Kayafa nebakali bapaizi bapati, ijwi lya-Leza lyakasika kuli-Johane, mwana aZakariya, musokwe. 3#Mt 3:1-12; Mk 1:1-8Elyo wakainka mucisi coonse icakazingulukide Jordano, wakambauka lubapatizyo lwakusanduka, kukujatilwa kwazibi, 4#Is 40:3-5mbubonya mbokulembedwe mubbuku lya-Isaya, musinsimi, kuti,

Ijwi lyasikoompolola musokwe:

Amubambe mugwagwa wa-Jehova,

Amululamike nzila zyakwe.

5Tunkolola toonse tulavwikilwa,

Amalundu oonse ezyuulu zilamwayigwa,

Izipilingene zilalulamikwa,

Enzila zyazilindi-lindi zilabambasikwa.

6 # Inc 28:28 Abantu boonse bayoobona kufutula kwa-Leza.

7 # Mt 12:34; 23:33; Joh 3:36 Nkabela wakati kumakamu makamu aabantu abakaboola kuti ababapatizye, Nywebo nobana bacipile, ino nguni uwakamwaambila kutija bukali ubuza? 8#Joh 8:33Amuzyale micelo iielede kweempa, mutataliki kulyaambya muzyamba zyanu kuti, Tulijisi Abrahamu, taateesu, Nkaambo ndamwaambila kuti, Leza ulakonzya kubusizya Abrahamu bana kumabwe aya. 9#Mt 7:19Eno kaankuni keezegwa kale kumiyanda yamasamu, amasamu oonse aatazyali micelo mibotu alatemwa, asowelwe mumulilo. 10Abantu bakamubuzya kuti, Tucite buti ino? 11Wakavuwa wati, Uuli angubo zyobile amwaabile uubula, awalo uuli azilyo acite mbubonya. 12#Lk 7:29Alimwi kwakasika basimutelo kuti babapatizigwe, bamubuzya bati, Mufundisi, ino swebo tucite buti? 13Wakati kulimbabo, Mutaindilizyi kutezya bantu ukwiinda ncomwalaililwa. 14Abalo basilumamba bakamubuzya bati, Aswebo ino tucite buti? Wakabavuwa kuti, Mutanyangi muntu caluuni, nokuba kumuvwiya, amukondwe zyakuvola zyanu.

15 # Joh 1:19-28 Elyo bantu nobakacili kulindila akweezeezya boonse mumyoyo yabo aa-Johane, na ngu-Kristo, na pe, 16#Inc 13:25Johane wakabavuwa boonse kuti, Mebo ncobeni ndamubapatizya amaanzi, kwalo kuleza umwi uundiinda nguzu ngwenteelede kumwaangunwida kaanzyo kendyasyo zyakwe, walo uyoomubapatizya a-Muuya Uusalala amulilo. 17Icipupuluzyo cakwe cili mujanza lyakwe, kuti akukulisye lubuwa lwakwe, ayobole maila mumatala aakwe, pele buungu ulabutenta amulilo uutazimiki.

18Aboobo mukukombelezya kumwi kunjikunji wakakambaukila bantu makani mabotu, 19#Mt 14:3-4; Mk 6:17-18kwala Heroda, mwami, mbwaakatapatilwa nguwe nkaambo ka-Herodiya banakwe mwanaakwabo, akaambo kezibi zyoonse nzyaakacita Heroda, 20wakayungizya eci kulizyoonse, wakanjizya Johane muntolongo.

Jesu mbwaakabapatizigwa

(Matayo 3:13-17; Marko 1:9; Johane 1:32-34)

21 # Mt 3:13-17; Mk 1:9-11; Joh 1:32 Eno nobakabapatizigwa bantu boonse, awalo Jesu naakali kubapatizigwa, naacili kukomba, ijulu lyakaba bukwazi, 22#Matl 22:2; Int 2:7; Is 42:1; Mt 3:17; Mk 1:11; Lk 9:35Muuya Uusalala wakamuselukila eciimo cenziba, wakala atala alinguwe, kwakasika ijwi ilizwa kujulu lyati, Nduwe Mwanaangu ooyandwa, ndakondwa anduwe,

Bamawisi Jesu

(Matayo 1:1-17)

23 # Mt 1:1-17 # Lk 4:22 Jesu mwini naakatalika mulimo wakwe, wakali emyaaka iyati kabe makumi otatwe, mbwaakayeeyedwe wakali mwana a-Josefa, Josefa mwana a-Heli, 24Heli mwana a-Matati, Matati mwana a-Levi, Levi mwana a-Meleki, Meleki mwana a-Janai, Janai mwana a-Josefa, 25Josefa mwana a-Matatio, Matatio mwana a-Amosi, Amosi mwana a-Naumi, Naumi mwana a-Eseli, Eseli mwana a-Nagai, 26Nagai mwana a-Maati, Maati mwana a-Matatio, Matatio mwana a-Semeini, Semeini mwana a-Joseke, Joseke mwana a-Joda, 27#1 Mak 3:17; Ezr 3:2Joda mwana a-Joanini, Joanini mwana a-Resa, Resa mwana a-Zorobabele, Zorobabele mwana a-Salatieli, Salatieli mwana a-Neri, 28Neri mwana a-Meleki, Meleki mwana a-Adi, Adi mwana a-Kosamu, Kosamu mwana a-Elimadama, Elimadama mwana a-Ere, 29Ere mwana a-Jose, Jose mwana a-Eliezere, Eliezere mwana a-Jorimu, Jorimu mwana a-Matati, Matati mwana a-Levi, 30Levi mwana a-Simeoni, Simeoni mwana a-Juda, Juda mwana a-Josefa, Josefa mwana a-Jonamu, Jonamu mwana a-Eliakimu, 31#1 Sam 16:1,13; 2 Sam 5:14Eliakimu mwana a-Meleya, Meleya mwana a-Mena, Mena mwana a-Matata, Matata mwana a-Natanu, Natanu mwana a-Davida, 32#Rut 4:22Davida mwana a-Jese, Jese mwana a-Obede, Obede mwana a-Boazi, Boazi mwana a-Salamoni, Salamoni mwana a-Naasoni, 33#1 Mak 2:1-5; Matl 29:35Naasoni mwana a-Aminadabe, Aminadabe mwana a-Ami, Ami mwana a-Ezronu, Ezronu mwana a-Faresa, Faresa mwana a-Juda, 34#Matl 21:2,3; 11:10-26; 1 Mak 1:24-27Juda mwana a-Jakobo, Jakobo mwana a-Izaka, Izaka mwana a-Abrahamu, Abrahamu mwana a-Tera, Tera mwana a-Nakoro, 35Nakoro mwana a-Seruki, Seruki mwana a-Reu, Reu mwana a-Pelege, Pelege mwana a-Ebere, Ebere mwana a-Sala, 36#Matl 5:3-32; 1 Mak 1:1-4; Matl 4:25; 11:10Sala mwana a-Kainane, Kainane mwana a-Arfaksadi, Arfaksadi mwana a-Semu, Semu mwana a-Nowa, Nowa mwana a-Lameki, 37Lameki mwana aMetusela, Metusela mwana a-Enoki, Enoki mwana a-Jarede, jarede mwana a-Maleleli, Maleleli mwana a-Kainane, 38#Matl 5:1-3Kainane mwana a-Enosi, Enosi mwana a-Seta, Seta mwana a-Adamu, Adamu mwana a-Leza.

Currently Selected:

Luka 3: Ibbaib63

Highlight

Copy