Popular Bible Verses from Luka 3

Share

Eno nobakabapatizigwa bantu boonse, awalo Jesu naakali kubapatizigwa, naacili kukomba, ijulu lyakaba bukwazi, Muuya Uusalala wakamuselukila eciimo cenziba, wakala atala alinguwe, kwakasika ijwi ilizwa kujulu lyati, Nduwe Mwanaangu ooyandwa, ndakondwa anduwe

Johane wakabavuwa boonse kuti, Mebo ncobeni ndamubapatizya amaanzi, kwalo kuleza umwi uundiinda nguzu ngwenteelede kumwaangunwida kaanzyo kendyasyo zyakwe, walo uyoomubapatizya a-Muuya Uusalala amulilo.

Amuzyale micelo iielede kweempa, mutataliki kulyaambya muzyamba zyanu kuti, Tulijisi Abrahamu, taateesu, Nkaambo ndamwaambila kuti, Leza ulakonzya kubusizya Abrahamu bana kumabwe aya.

Eno kaankuni keezegwa kale kumiyanda yamasamu, amasamu oonse aatazyali micelo mibotu alatemwa, asowelwe mumulilo.

mbubonya mbokulembedwe mubbuku lya-Isaya, musinsimi, kuti, Ijwi lyasikoompolola musokwe: Amubambe mugwagwa wa-Jehova, Amululamike nzila zyakwe. Tunkolola toonse tulavwikilwa, Amalundu oonse ezyuulu zilamwayigwa, Izipilingene zilalulamikwa, Enzila zyazilindi-lindi zilabambasikwa. Abantu boonse bayoobona kufutula kwa-Leza.