Joshua 6

Munzi wa-Jeriko mbwakazundwa

1Lino Jeriko kaujalidwe loko nkaambo kabana ba-Israyeli. Katakwe muntu uwakazwa anze, katakwe uwakanjila mukati. 2#Jos 2:9; Bab 11:21; 2 Sam 5:19; Neh 9:24; Dan 5:18,19Elyo Jehova wakaambila Joshua kuti, Bona! Jeriko amwami wawo abaalumi basintaze bawo, boonse ndabaaba mumaanza aako, 3Lino muleelede kuya buzyunguluka munzi, nubaalumi basilumamba nyoonse, kuzyunguluka munzi lomwe abuzuba, Kamucita obo mazuba aali musanu abumwi. 4#Bab 7:16; My 10:8Nkabela bapaizi bali musanu ababili kabaya bulizya myeembo iili musanu aibili cakusekelela kunembo lyabbokesi lya-Leza, Lino mubuzuba bwamusanu aabili kamuzyunguluka munzi ziindi zili musanu azibili, elyo bapaizi baleelede kusibisya myeembo yabo. 5Lino ciindi ncibati sibe myeembo ciindi cilamfu, mwa-mvwa buyo ijwi lyamweembo, bantu boonse baleelede koompolola loompololo lupati, nkabela mpawo bulambo bwamunzi buzoowida ansi mbumu, kuti bantu banjile buyo manjilanjila.

6Elyo Joshua mwana wa-Nu ni wakaita bapaizi, wakabaambila kuti, Amubweze ibbokesi lyacizuminano, alimwi bapaizi bali musanu ababili beende amyeembo iili musanu aibili kunembo lyabbokesi lya-Jehova. 7Lino wakaambila bantu kuti, Kamuya kunembo, mukazyunguluke munzi, abalo basilumamba bai nde kunembo lyabbokesi lya-Jehova. 8#Jos 4:13Mpawo Joshua amane buyo kwaambila bantu, abo bapaizi bali musanu ababili ibakabwezede myeembo iili musanu aibili kubusyu bwa-Jehova bakainda kunembo, bakali zya myeembo, nkabela ibbokesi lyacizuminano ca-Jehova lyakatobela munsi, 9#My 10:25; Is 42:12,13Abalo basilumamba bakasololela bapaizi basikulizya myeembo, abamwi bakatobela musule lyabbokesi. Bakali kuya bulizya myeembo. 10Nkabela Joshua wakalailila bantu kuti, Mutaakuyobayoba nanka kwaamba pe. Kutabi ijwi niliba lyomwe lizwa mumilomo yanu, mane obo buzuba mbunti kamwaambile kuti, Amoompolole. Ndilyonya muloompolola. 11Aboobo ibbokesi lya-Jehova wakalizyungulusya munzi. Lyakauzyunguluka komwe, elyo bakaboola muzilao, bakoona mumonya muzilao.

12 # Dt 31:25 Lino Joshua wakafuma loko, nkabela bapaizi bakabweza ibbokesi lyacizuminano, 13#1 Mak 15:26; Gal 6:9Bapaizi bali musanu ababili ibakali amyeembo iili musanu aibili kunembo lyabbokesi lya-Jehova bakali kuya bulizya myeembo. Basilumamba bakabasololela, abamwi bakeza kusule lyabbokesi lya-Jehova, Bakaya bulizya myeembo. 14Elyo nibwakaca buzuba bwabili, bakazyunguluka munzi lomwe, akupiluka kuzilao nkubakakede, Mbuboobo mbubakacita mazuba aali musanu abumwi. 15Lino nibwakaca buzuba bwamusanu aabili, bakafuma loko junza-Junza, bakazyunguluka munzi mbubonya ziindi zili musanu azibili. Buzuba obo luzutu bakazyunguluka munzi ziindi zili musanu azibili. 16#Bab 7:20; 2 Mak 13:14Elyo ciindi camusanu azibili, bapaizi nibakalizya myeembo, Joshua wakaambila bantu kuti, Amoongolole, nkaambo Jehova wamwaabila munzi, 17#Matl 12:3; Jos 2:4; 1 Sam 15:6; Mt 10:41; 25:40; Heb 6:10; 11:31; Jak 2:25Munzi azintu zili mumo, zyoonse buyo zilaba zya-Jehova. Rahabu simamambe alike nguukonzya kupona, walo abantu mbali abo muŋanda, nkaambo wakasisa batumwa mbutwakatuma. 18#Dt 7:26; 13:17; Jos 7:1,11,12; Is 52:11; Rom 12:9; 2 Kor 6:17; Ef 5:11; 1 Tes 5:22; Jos 7:25; 1 Bam 18:17,18; Joh 1:12Lino inywe amucenjele kuzisaalo zitondwa, kuti myoyo yanu itazisukami akuzibweza, nkaambo kucita obo kulapenzya mukowa wa-Israyeli akuuletela mapenzi. 19Ingolida ansiliva yoonse, amitiba yamukuba ayabutale, zyoonse buyo nzya-Jehova, zileelede kubikwa muciyobwedo ca-Jehova,

20 # Heb 11:30 Lino bantu bakoompolola, alimwi bakalizya myeembo. Nkabela bantu nibakamvwa ijwi lyamweembo, bakoompolola aloompololo lupati. Mpawo bulambo bwamunzi bwakawida ansi mbumu, nkabela bantu bakanjila buyo mumunzi manjilanjila. Mbuboobo mbubakazunda munzi. 21#Dt 7:2; 20:16,17; 1 Sam 15:3,8,18,19; 1 Bam 20:42; Jer 48:18; Ciy 18:21Lino boonse ibakali mumunzi, baalumi abanakazi, banike abacembele, basune ambelele ambongolo, bakabanyonyoona boonse apanga. 22#Jos 2:14; Heb 11:31Pele abo bantu bobile ibakalanga nyika, Joshua wakabaambila kuti, Kamuya kuŋanda yayooyo simamambe, mukagwisye mumo mwanakazi aboonse mbali abo, mbubonya mbumwakamusyomezezya. 23#Jos 2:13Mpawo abo bakubusi basikulanga nyika bakainka, bakagwisya Rahabu abawisi abanyina abakwabo aboonse mbaakali abo, Basiluzubo lwakwe boonse bakabagwisya, bakabakazika kunze kuzilao nkubakakede ba-Israyeli. 24Lino bakatenta munzi amulilo, azintu ayoonse izyakali mumo, pele insiliva angolida amitiba yamukuba ayabutale bakazibika muciyobwedo caŋanda ya-Jehova. 25#Heb 11:31; Mt 1:5Pele Rahabu simamambe, aluzubo lwawisi, aboonse mbaakali abo, Joshua wakabavuna, aboobo ucipona akati kaba-Israyeli asunu, nkaambo wakasisa batumwa Joshua mbaakatuma kuyoolanga jeriko,

26 # 1 Bam 16:34; Mal 1:4 Nkabela Joshua wakakonka cikonke kuciindi eco. Wakati, Uli alutuko kumeso aa-Jehova kufumbwa muntu uuti buke kuti ayakulule oyu munzi wa-Jeriko. Uyoofwidwa mwanaakwe mutaanzi ciindi cakubamba intalisyo, akufwidwa mwanaakwe musyaalizi ciindi cakubika makoma.

27 # Matl 39:2; Dt 31:8,23; Jos 1:5; 3:7; Bab 1:19; 2 Sam 7:9; 8:6; Rom 8:31; Jos 9:1,3; 1 Sam 2:30 Lino Jehova wakali a-Joshua, aboobo impuwo yakwe yakaya munyika yoonse.

Currently Selected:

Joshua 6: Ibbaib63

Highlight

Copy